ՀՀԿ ԳՄ անդամ Էդուարդ Շարմազանովը գրել է.
«Հերիք է ԱԺ ամբիոնից կեղծիք տարածեք, Մաքսային միությանը միանալու Սերժ Սարգսյանի որոշումը ոչ թե մեկ գիշերում է կայացվել, այլ քննարկվել է ամիսներ շարունակ։
Գործող ռեժիմի ներկայացուցիչներն ԱԺ ամբիոնից շարունակում են կեղծիք տարածել։
Նրանք նշում են, որ Սերժ Սարգսյանի որոշումը միանալու Մաքսային միությանը մեկ գիշերում է իրականացվել. դա լկտի սուտ է։
Բազմիցս նշել ենք, որ այդ որոշումը ամիսներ շարունակ քննարկվել է ու այդ թվում նաև ՀՀԿ ԳՄ-ում։
2013-ի մայիս և հուլիս ամիսներին ՀՀԿ ԳՄ-ն քննարկել է այդ հարցը և ԳՄ-ի բոլոր անդամները, արտահայտվելով այդ հարցի շուրջ, ՀՀ-ի Մաքսային միության հնարավոր անդամակցումը համարել են մեր պետական շահերին համահունչ։
Այդ որոշումը բխում էր ՀՀ պետական շահերից ու սպասարկում էր մեր քաղաքացիների շահերը։
Եթե այդ որոշումը խնդրահարույց էր, ապա ինչո՞ւ է ՔՊ-ի ղեկավարը 8 տարիների ընթացքում մշտապես խոսել ԵԱՏՄ-ի կարևորության մասին։
Իսկ ինչ վերաբերում է «միութենական պետության» մասին անհեթեթ թեզին՝ դա կատարյալ տգիտություն է։
Սերժ Սարգսյանի իշխանության շրջանում որևէ անգամ ու որևէ մեկը նույնիսկ մեզ չի ակնարկել դրա մասին։
Դեպի «միութենական պետություն» գնացող իշխանության հետ ԵՄ-ն CEPA է ստորագրո՞ւմ։
Ամոթ է… ինչպես կասեր «Միմինո» ֆիլմի հերոսը՝ «сначала подумай, потом говори»։
Aysor.am
