Հաագայի բանտում մահացել է բոսնիացի սերբերի բանակի նախկին հրամանատար, գեներալ Ռատկո Մլադիչը։ Տեղեկությունը հաղորդում է Սերբիայի ռադիոն և հեռուստատեսությունը։
«Ռատկո Մլադիչը մահացել է», – ասվում է հաղորդագրության մեջ:
Նա 83 տարեկան էր։
Ռատկո Մլադիչը 1992-1995 թվականներին Բոսնիա և Հերցեգովինայի հակամարտության ժամանակ Սերբական Հանրապետության բանակի հրամանատարն էր։ Նա ձերբակալվել է Սերբիայի իշխանությունների կողմից 2011 թվականին: 2017 թվականի նոյեմբերին նախկին Հարավսլավիայի հարցերով միջազգային տրիբունալը գեներալին մեղավոր էր ճանաչել մեղադրանքի 11 կետերից 10-ի, այդ թվում՝ 1995 թվականին Սրեբրենիցայում բոսնիացի մահմեդականների ցեղասպանության և 1992-1995 թվականներին Բոսնիա և Հերցեգովինայում պատերազմ վարելու օրենքների ու սովորույթների խախտման համար:
Մլադիչը դատապարտվել էր ցմահ ազատազրկման։
Sputnik Արմենիա
