Փաստահավաք հանձնաժողովի ձևավորման գործընթացը հանրության համար ավելի վստահելի դարձնելու համար, օրենքի ուժով Հանրային խորհրդի ներկայում գործող կազմը ցրվելու է, ձևավորվելու է նոր խորհուրդ, որն էլ իր հերթին կձևավորի նոր հանձնաժողովը: Այս մասին այսօր՝ օգոստոսի 22-ին, կառավարության հերթական նիստում հայտնեց արդարադատության նախարարի տեղակալ Արմենուհի Հարությունյանը։
Երևան քաղաքի ընդհանուր իրավասության քրեական դատարանի Կենտրոն նստավայրում` դատավոր Տաթևիկ Գրիգորյանի մասնակցությամբ, այսօր շարունակվել է Սահմանադրական դատարանի (ՍԴ) նախկին նախագահ, այժմ ՍԴ դատավոր Հրայր Թովմասյանի գործով դատական նիստը։ «Սույն դատական գործի շրջանականերում ողջամիտ ժամկետները վաղուց՝ արդեն չորս տարի է՝ խախտվել են, որովհետև սույն քրեական գործը չէր կարող ընդհանրապես վարույթ ընդունվել դատարանում և քննության առարկա դառնալ»։ Այս մասին լրագրողնեի հետ զրույցում ասաց պաշտպան Արամ Օրբելյանը՝ խոսելով այն մասին, որ մեղադրողները պնդում են՝ պաշտպանական կողմը դիտավորյալ ձգձգում է դատական նիստը։
ՀՀ իշխանությունը քննարկում է որոշ դեպքերում առցանց տաքսիների համար առավելագույն գործակից սահմանելու գաղափարը։ Կառավարության նիստի ժամանակ այդ մասին հայտնեց ՀՀ մրցակցության պետական հանձնաժողովի նախագահ Գեղամ Գևորգյանը։
Հայաստանում Հանրային խորհրդի հին կազմը կցրվի, իսկ նորն իր կազմում կստեղծի փաստահավաք հանձնաժողով։ Այս մասին որոշումն ընդունվեց ՀՀ կառավարության այսօրվա նիստի ժամանակ։
Հայաստանում կոնյակ արտադրողները դեռ որևէ դժգոհություն չեն ներկայացրել առ այն, որ դժվարություններ ունեն իրենց արտադրանքը Ռուսաստան արտահանելու հարցում։ Այս մասին լրագրողների հետ զրույցում ասաց ՀՀ էկոնոմիկայի նախարար Գևորգ Պապոյանը։
Պրոբացիայի ծառայությունը Գորիսի համայնքապետ Առուշ Առուշանյանի պատիժն ազատազրկմամբ փոխարինելու վերաբերյալ միջնորդություն է ներկայացրել դատարան։ Տեղեկությունը հայտնում է ՀՀ արդարադատության նախարարությունը։
Երևանում համայնքային վճարովի ավտոկայանատեղերն ըստ գոտիավորման կլինեն տարբեր գույների՝ փոքր կենտրոնի «Ա» գոտին` կարմիր, մեծ կենտրոնի «Բ» գոտին` կապույտ գույներով։ Որոշումն ընդունվեց ՀՀ կառավարության նիստի ժամանակ։
Կառավարությունը հաստատեց ոչխարաբուծության և այծաբուծության, մթերատվության բարձրացման և մեղվաբուծության զարգացման փորձնական ծրագրերը։
«Հայաստանի էլեկտրական ցանցեր» (ՀԷՑ) ՓԲԸ-ն չի հասցրել մինչև օգոստոսի 10-ը վերացնել «Երևանի ՀԷԿ-1»-ում տեղի ունեցած հրդեհի հետևանքները, քանի որ Վերին Լարսում արգելափակվել են անհրաժեշտ սարքավորումներով բեռնատարները։ Այս մասին լրագրողների հետ զրույցում ասաց Հանրային ծառայությունները կարգավորող հանձնաժողովի նախագահ Գարեգին Բաղրամյանը։
Հայաստանի կառավարության օգոստոսի 22-ի նիստում ներկայացվել են էլեկտրոնային հարթակների միջոցով աշխատող տաքսու վարորդների գրանցման և հարկման նոր կանոնները: Պետական եկամուտների կոմիտեի (ՊԵԿ) նախագահ Ռուստամ Բադասյանը ներկայացրել է էլեկտրոնային հարթակների միջոցով ուղևորափոխադրումներ իրականացնող անձանց հարկային մարմնում գրանցման գործընթացը: