Սյունիքի նախկին մարզպետ, ոստիկանության պետի նախկին առաջին տեղակալ Հունան Պողոսյանին հրավիրել են ապօրինի ծագում ունեցող գույքի բռնագանձման գործերով վարչություն։ Տեղեկությունը հրապարակվել է azdarar.am կայքում։
Հնդկաստանի ռազմաօդային ուժերի հարվածների հետևանքով զոհված պակիստանցիների թիվը հասել է 26-ի, ևս 46-ը տուժել են։ Տեղեկությունը հայտնում է «Reuters» գործակալությունը՝ հղում անելով Պակիստանի զինված ուժերի ցամաքային զորքերի շտաբի պետ, գեներալ Ասիմ Մունիրին:
Միլանի «Ինտերը», որտեղ խաղում է Հայաստանի հավաքականի նախկին ավագ Հենրիխ Մխիթարյանը, երեկ հաղթեց «Բարսելոնային» և դուրս եկավ Չեմպիոնների լիգայի եզրափակիչ:
ՄԱԿ-ի գլխավոր քարտուղար Անտոնիո Գուտերեշը կոչ է արել Հնդկաստանին և Պակիստանին ցուցաբերել առավելագույն զսպվածություն, հաղորդում է The Guardian-ը։
Կարդինալներն այսօր կհավաքվեն Սիքստինյան կապելլայում՝ Հռոմի կաթոլիկ եկեղեցու նոր առաջնորդ ընտրելու համար: Կոնկլավին կմասնակցեն 138 կարդինալներ աշխարհի տարբեր երկրներից։
Պակիստանը պատրաստ է դադարեցնել Հնդկաստանի հետ ռազմական հակամարտությունը, եթե Նյու Դելին նույնպես համաձայնի դա անել, հայտարարել է Իսլամական Հանրապետության պաշտպանության նախարար Խավաջա Ասիֆը։ «Վերջին երկու շաբաթների ընթացքում մենք մշտապես հայտարարել ենք, որ երբեք թշնամական գործողություններ չենք ձեռնարկի Հնդկաստանի դեմ։ Սակայն, եթե մեզ վրա հարձակվեն, մենք կպատասխանենք։ Եթե Հնդկաստանը նահանջի, մենք անպայման կդադարեցնենք այս լարվածությունը», - ասել է Ասիֆը Bloomberg TV-ին տված հարցազրույցում։
Հնդկաստանի հրթիռային հարվածների վնասի նախնական գնահատականը ցույց է տալիս, որ Պակիստանի վերահսկողության տակ գտնվող տարածքում Հնդկաստանի հրթիռային հարվածների հետևանքով զոհվել է առնվազն երեք, վիրավորվել՝ն 12 մարդ, հաղորդում է The Guardian-ը՝ վկայակոչելով Պակիստանի զինված ուժերի ներկայացուցչին։
Պակիստանը 48 ժամով փակել է իր օդային տարածքը, ինչի հետևանքով դադարեցվել են բոլոր ներքին և միջազգային չվերթները, հաղորդում է Samaa գործակալությունը։
Հնդկաստանի զինված ուժերը հայտարարել են, որ «Սինդուր» գործողության շրջանակում հարվածներ են հասցրել Պակիստանում և Պակիստանի կողմից օկուպացված Ջամմու և Քաշմիր շրջանում տեղակայված ինը թիրախների, հաղորդում է The Guardian-ը։
Վաշինգտոնի քաղաքային խորհուրդը Հայոց ցեղասպանության 110-րդ տարելիցին նվիրված միաձայն բանաձև է ընդունել՝ վերահաստատելով ապագա սերունդներին կրթելու կարևորությունը՝ նման վայրագությունների կրկնությունը կանխելու համար։ Դրա մասին ասված է Ամերիկայի «Հայ Դատի» հանձնախմբի (ANCA) հայտարարության մեջ։