Անհնար է պատկերացնել, որ Անկախության հռչակագրի ընդունման 33-րդ տարում մենք ունենք. 1. Արցախի կորստի վտանգ 2. ՀՀ պետականության կորստի վտանգ 3. Միասնական հասարակության կորստի փաստ

Մարդասիրական քողի ներքո ադրբեջանական իշխանությունը, կեղծ ցուցակներ կազմելով, Հայաստանի ամբողջ տարածքը ներկայացնում է Ադրբեջան: Ընդ որում, Ադրբեջանում պաշտոնյաներ են արդեն խոսում վերադարձի ինչ-որ առաջին փուլի և արդեն մոտ 300,000 մարդու մասին։ Այս մասին ֆեյսբուքյան իր էջում գրել է «Իրավունքի և արդարության կենտրոն «Թաթոյան» հիմնադրամի տնօրեն, ՀՀ Մարդու իրավունքների նախկին պաշտպան Արման Թաթոյանը։

Օգոստոսի 14-ին Հայաստանն արթնացավ՝ հերթական անգամ ցնցված սարսափելի ողբերգության գույժից. Երևան-Գյումրի ավտոճանապարհին տեղի ունեցած գիշերային վթարի հետևանքով զոհվել է 11 մարդ, որոնք վերադառնում էին Արևմտյան Հայաստան կատարած ուղևորությունից: Այս ողբերգությունն ինքնին նոր փորձություն դարձավ գրեթե անդադար եռամյա ստրեսի մեջ գտնվող հասարակության համար, սակայն ուղևորներից մեկի մահը ունեցավ նաև հետևանքներ, որոնք դժվարությամբ կարող է պատկերացնել ժամանակակից մարդը, եթե ծանոթ չէ ադրբեջանական անսահման բարբարոսության, դաժանության և ցինիզմի քաղաքականությանը:

Ադրբեջանցիները կտրել են օպտիկամանրաթելային մալուխը, որն Արցախին ապահովում էր մատչելի ինտերնետով: Պետք է ենթադրել, որ սա Ալիևի բնորոշ պատասխանն է Բաքվի կողմից Լաչինի միջանցքի տոտալ շրջափակման հետևանքով Արցախում ստեղծված հումանիտար ճգնաժամի վերաբերյալ ՄԱԿ-ի Անվտանգության խորհրդում տեղի ունեցած քննարկմանը։ Ասել է թե՝ դե ինչ, քննարկեցի՞ք, բլբլացի՞ք։ Ուրեմն ստացե՛ք… Իսկ ի՞նչ կա որ: Հայաստանից Արցախ գազի և էլեկտրաէներգիայի մատակարարումների դադարեցման մասին չէ՞ որ հիմա արդեն գրեթե ոչ ոք չի հիշում։ Ուրեմն կարելի է մալուխն էլ կտրել, որպեսզի արցախցիների կապը մնացյալ աշխարհի հետ է՛լ ավելի դժվարանա…

Արցախում ինչ-որ բան է կատարվում ու մտածող Երևանը խիստ անհանգիստ է։ Այդ ինչ-որ բանը սահմանին չէ, Ադրբեջանի զորքից չէ։ Ռ. Վարդանյանի երեկվա խոսքը և բնորոշումը՝ ուղղված նախագահ Ա. Հարությունյանին՝ «Դուք չկարողացաք դառնալ ո´չ առաջնորդ, ո´չ գլխավոր հրամանատար», հուշում է նոր պրոցեսի ու շատ վտանգավոր խնդրի մասին։

Այսօր մենք ունենք լուրջ մարտահրավեր, որը ոչ միայն թշնամու հետ է կապված, այլ ներսում՝ իշխող վիճակից: Այս մասին այսօր՝ օգոստոսի 19-ին, Հակոբավանքից ասել է Արցախի նախկին պետնախարար Ռուբեն Վարդանյանը՝ դիմելով Արցախի նախագահին:  

Հայաստանը ՄԱԿ-ի ԱԽ գնաց ոչ թե, գոնե, թղթե շերեփով, այլ ձեռքերը գրպանը դրած: Այս մասին Alpha News-ի ուղիղ եթերում ասաց Alpha News-ի գլխավոր խմբագիր, մեդիափորձագետ Տիգրան Քոչարյանը:  

Գերմանահայ համայնքը պատերազմի ժամանակ ավելի ակտիվ էր գործում, քան հիմա: Սա գալիս է Հայաստանի իշխանությունների վարած ոչ ազգային քաղաքականությունից: Այս մասին Alpha News-ի ուղիղ եթերում ասաց «Գերմանիայի հայ ակադեմիականների միություն-1860» կազմակերպության նախագահ, պատմաբան Ազատ Օրդուխանյանը:  

Ռուսաստանի Դաշնության արտաքին գործերի նախարարության Մոսկվայի միջազգային հարաբերությունների պետական ինստիտուտի գիտաշխատող Նիկոլայ Սիլաևը Alpha News-ին տված հարցազրույցում վերլուծել է Արցախի հարցով ՄԱԿ-ի Անվտանգության խորհրդի վերջին նիստը և իր կարծիքը հայտնել տարածաշրջանում ռազմական էսկալացիայի վերաբերյալ։ «Լաչինի միջանցքը պետք է ապաշրջափակվի: Սա է գլխավորը, ինչ տեղի ունեցավ ՄԱԿ-ի Անվտանգության խորհրդում, մանրամասները կարելի է քննարկել հետագայում»,- նշել է փորձագետը։