Պաշտպանության նախկին փոխնախարար Արտակ Զաքարյանը ֆեյսբուքյան գրառում է արել, որում ասվում է․ «Եվրոպան ձգտում է ամեն գնով ձերբազատվել ռուսական էներգետիկ կախվածությունից, այն աստիճանի, որ պատրաստ է նույնիսկ աչքերը փակել ժողովրդավարության ու մարդու իրավունքների կոպիտ ոտնահարումների վրա: Խոսքն այն մասին է, որ Ադրբեջանը ԵՄ-ում դիտարկվում է, որպես ՌԴ-ին փոխարինող գազամատակարար երկրներից մեկը:

Եվրոպական խորհրդարանը հունիսի 8-ին ընդունել է Թուրքիայի վերաբերյալ ամենամյա զեկույցը, որում անդրադարձ է կատարվում նաև Հայաստանի հետ այդ երկրի հարաբերություններին և Հայոց ցեղասպանության ճանաչմանը: Վկայակոչելով 2015 թվականի ապրիլի իրենց իսկ զեկույցը՝ պատգամավորները նորից կոչ են արել Անկարային ճանաչել Ցեղասպանությունը։ Դրա հետ մեկտեղ, Եվրախորհրդարանը հավանություն է տվել Հայաստանի և Թուրքիայի միջև երկկողմ շփումներ սկսելու որոշմանը և կոչ արել Եվրամիությանը ակտիվորեն աջակցել այդ գործընթացին, իսկ Թուրքիային՝ ճանապարհ հարթել ժողովուրդների իրական հաշտեցման համար, ինչպես նաև ամբողջապես կատարել հայկական (և այլ) մշակութային ժառանգության պաշտպանության իր պարտավորությունները:

«Հրապարակ» թերթը գրում է. «Հայաստանում ԱՄՆ դեսպան Լին Թրեյսին, Նիկոլ Փաշինյանին և գործող իշխանություններին աջակցող հայտարարություններ անելուց զատ, զբաղվում է նաև սեռական փոքրամասնությունների իրավունքների պաշտպանությամբ։

«Այսօրվա ելույթս պետք է ընկալել ոչ թե՝ որպես բողոք, այլ՝ ընկերական, դաշնակցային պահանջատիրություն։ Հայաստանի ու Ռուսաստանի բարեկամությունը, ռազմավարական դաշնակցությունը ոչ միայն միջազգային պայմանագրերով է ֆիքսված, այլ արժեքաբանական, մեր ժողովուրդների բարեկամությամբ է ֆիքսված»,- այսօր ԱԳՆ շենքի մոտ հայտարարեց ԱԺ «Պատիվ ունեմ» խմբակցության քարտուղար Հայկ Մամիջանյանը։   

Ասկերանի շրջանի Փառուխ գյուղի և Քարագլուխ լեռնաշղթայի խնդիրն առանցքային նշանակության հարց է, ֆեյսբուքյան իր էջում գրել է ԱԺ «Պատիվ ունեմ» խմբակցության պատգամավոր Տիգրան Աբրահամյանը։

Երևանում ասուլիսի ժամանակ ՌԴ ԱԳ նախարար Սերգեյ Լավրովի հայտարարությունը՝ Լեռնային Ղարաբաղի Փառուխ գյուղից ադրբեջանական զինված ուժերին ելման դիրքեր վերադարձնելու ուղղությամբ հարցի վերաբերյալ, լրացուցիչ պարզաբանման կարիք ունի։ Այս մասին Facebbo-ի իր էջի ուղիղ եթերում ասաց ՀՀԿ փոխնախագահ Արմեն Աշոտյանը՝ լրագրողներին խնդրելով դիմել ՌԴ և ՀՀ ԱԳ նախարարություններ. «Արդյո՞ք ՌԴ ԱԳ նախարարի տված ձևակերպումները ճիշտ են, թե՞ ոչ, այսինքն հայ-ադրբեջանական դելիմիտացիայի հանձնաժողովը զբաղվո՞ւմ է նաև Արցախի սահմանների դելմիտացիայով. եթե այո, ապա ի՞նչ սահմանների մեջ, եթե ոչ, ապա ե՞ս եմ սխալ հասկացել Լավրովին, թե Լավրովն է շփոթել տեղանունները, կարող է խառնել է Փառուխը Սև լճի տարածքի, Ներքին Հանդի տարածքի հետ։ Չգիտեմ, սա պետք է պարզել»։

Ցանկացած բանակցության գնալիս պետք է սահմանես քո օրակարգը, որը խստորեն պետք է հիմնված լինի ազգային, պետական շահերի վրա: Այս մասին այսօր՝ հունիսի 9-ին, «Հայկական օրակարգ. Բանակցային կարմիր գծեր. պետական շահ և արժանապատվություն» թեմայով քննարկման ժամանակ նշեց ԱԳՆ նախկին գլխավոր քարտուղար, արտակարգ և լիազոր դեսպան Վահագն Մելիքյանը:

Ազգային ժողովի «Հայաստան» խմբակցության պատգամավոր Արթուր Ղազինյանի կարծիքով՝ ՌԴ ԱԳ նախարար Սերգեյ Լավրովի՝ Փառուխի հետ կապված հայտարարությունից հետո առաջանում է շատ հետաքրքիր ու անսպասելի իրավիճակ:

«Փաստ» թերթը գրում է. «Այս օրերին ԱՄՆ-ում է գտնվում Սփյուռքի գործերով Փաշինյանի հանձնակատար Զարեհ Սինանյանը։ Համացանցում տեսանյութեր են հրապարակվել, թե ինչպես է Գլենդելում նրա հանդիպումը հայ համայնքի ներկայացուցիչների հետ տապալվել, քանի որ դեռ հանդիպումը չսկսած՝ նրանք պաստառներ են պարզել, Արցախի դրոշներ ու վանկարկել՝ «Նիկոլ դավաճան», «Զարեհ դավաճան»։