Բերքաբերի հատվածում ականազերծման աշխատանքներն ավարտվել են, սահմանազատման ու սահմանագծման աշխատանքները դեռևս ՝ ոչ։ Դրանք արվել են, բայց չեն ավարտվել։ «Փաստինֆո»-ին ասել է Տավուշի մարզի Բերքաբեր համայնքի համայնքապետ Տիգրան Հարությունյանը՝ նշելով, որ այսօր ոչ մի աշխատանք չի կատարվում։

Հունգարիան արգելափակում է Եվրամիության Խաղաղության հիմնադրամից Հայաստանին աջակցություն տրամադրելու նախագիծը, որի շուրջ դաշինքում նախնական համաձայնություն էր ձեռք բերվել։ Ինչպես հաղորդում են «Ազատության» դիվանագիտական աղբյուրները, Հունգարիան պահանջում է, որ Ադրբեջանը ևս ներառվի ծրագրում, ինչն, ըստ նույն աղբյուրի, դրված է քննարկման սեղանին՝ փակուղուց դուրս գալու համար։

Հայաստանի Հանրապետության կենտրոնական բանկը վերաֆինանսավորման տոկոսադրույքն իջեցրել է 0.25 տոկոսային կետով։ Տեղեկությունը հայտնում է ՀՀ ԿԲ մամուլի ծառայությունը։

Ազգային ժողովի օրակարգ չընդգրկվեց «Հայաստան» խմբակցության հեղինակած «Հայաստանի Հանրապետության եւ Ադրբեջանական Հանրապետության միջեւ սահմանազատման եւ սահմանագծման վերաբերյալ» ԱԺ հայտարարության նախագիծը։ Նախագծին կողմ քվեարկեց 27, դեմ՝ 51 պատգամավոր։

Երևանում հայկական թատրոնների պատերին անհնազանդության ակցիաների մասնակիցները՝ ի աջակցություն Տավուշի գյուղերի բնակիչների, փակցրել են թռուցիկներ «Խախտիր լռությունը», «Թումանյանը չէր լռի», «Պարոնյանը չէր լռի», «Սունդուկյանը չէր լռի» գրություններով:

Ապրիլի 26-ին Կիրանց գյուղում բնակիչների և ոստիկանության աշխատակիցների միջև բախումներից հետո, Կիրանցի 5 բնակչի՝ որոնց թվում 3 անչափահասի, քննչական կոմիտեից ծանուցագրեր են տրվել՝ բաժին ներկայանալու պահանջով: Այս մասին այսօր՝ ապրիլի 30-ին, NEWS.am-ի հետ զրույցում ասաց Կիրանցի գյուղապետ Կամո Շահինյանը:

ՀՅԴ Հայ դատի Եվրոպական գրասենյակի նախագահ Գասպար Կարապետյան Alpha News-ի ուղիղ եթերում մանրամասներ է ներկայացրել Բրյուսելում տեղի ունեցած Հայոց ցեղասպանության 109-րդ հիշատակի արարողությունից։

Ազգային ժողովի գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովը նախաձեռնել էր հանրային քննարկում «Զանգվածային լրատվության մասին» օրենքում եւ ՀՀ քաղաքացիական օրենսգրքում առաջարկվող փոփոխությունների վերաբերյալ: Կառավարության հեղինակած նախաձեռնությունը մշակվել է Արդարադատության նախարարության, ինչպես նաեւ «Ֆրիդոմ հաուս» (Freedom House) իրավապաշտպան հասարակական կազմակերպության մասնակցությամբ:

Կիրանցի բնակիչները րոպեներ առաջ դուրս եկան կառավարության շենքից, որտեղ հանդիպման էին եկել ՀՀ վարչապետ Նիկոլ Փաշինյանի հետ։