Կոտայքի մարզի 34-ամյա բնակչուհին Քննչական կոմիտե ներկայանալու մասին ծանուցագիր է ստացել լրատվական կայքերից մեկում վարչապետ Նիկոլ Փաշինյանին առնչվող հոդվածներից մեկի տակ մեկնաբանություն թողնելու համար։ NEWS.am–ի հետ զրույցում Վերայի ամուսինը պատմեց, որ ծանուցագիրը երեկ են ստացել ու այսօր ներկայացել քննչական կոմիտե հարցաքննության։ Ըստ ծանուցագրի Վերան որպես վկա է կանչվել հարցաքննության, բայց փաստացի որպես կասկածյալ։

Իրանի Իսլամական Հանրապետության և ԱՄՆ-ի միջև անուղղակի բանակցությունների չորրորդ փուլը տեղի կունենա կիրակի օրն Օմանի մայրաքաղաքում, հաղորդում է Mehr-ը։

ՌԴ ԱԳՆ պաշտոնական ներկայացուցիչ Մարիա Զախարովան արձագանքել է ՀՀ ԱԺ նախագահ Ալեն Սիմոնյանի երեկ հնչեցրած մեղադրանքներին՝ ուղղված Մոսկվային, որը իբր հիբրիդային պատերազմ է վարում և ֆինանսավորում է հանրապետության ներքաղաքական գործընթացները:

Ռուսաստանն ու ԱՄՆ-ն Ուկրաինայի հարցով շփումների ընթացքում ակտիվորեն քննարկում են տարածքային հարցերը, այդ թվում՝ փակ ուղիներով։ ՌԻԱ Նովոստիի փոխանցմամբ՝ լրագրողների հետ զրույցում հայտնել է ՌԴ նախագահի օգնական Յուրի Ուշակովը։

Չեչնիայի ղեկավար Ռամզան Կադիրովն ինքն է խնդրել, որ իրեն ազատեն պաշտոնից։ Ինչպես «Արմենպրես»-ը տեղեկանում է «Չեչնիան այսօր» գործակալությունից, այս մասին Կադիրովն ասել է՝ մեկնաբանելով իր պաշտոնանկության մասին լուրերը։

Իսրայելի կողմից Սանայի (Եմենի մայրաքաղաք) միջազգային օդանավակայանին հասցված հարվածների հետևանքով հզոր պայթյուններ են տեղի ունեցել։ Այս մասին հաղորդում է «Ալ Մասիրա» հեռուստաալիքը։  

Մոսկվայում Հայրենական մեծ պատերազմում տարած հաղթանակի 80-ամյակին նվիրված Հաղթանակի շքերթին կմասնակցեն 29 օտարերկրյա առաջնորդներ։ Այս մասին լրագրողներին հայտնել է Ռուսաստանի նախագահի օգնական Յուրի Ուշակովը, հաղորդում է ՏԱՍՍ-ը։

ՀՀ կենտրոնական բանկը վերաֆինանսավորման տոկոսադրույքը թողել է անփոփոխ՝ 6.75 տոկոս: «Արմենպրես»-ի փոխանցմամբ՝ նման որոշում ԿԲ-ն կայացրել է մայիսի 6-ին տեղի ունեցած խորհրդի նիստում:

Սննդամթերքի անվտանգության տեսչական մարմնի նախկին ղեկավար Արմեն Դանիելյանը կալանավորվել է։ Տեղեկությունը Sputnik Արմենիային հայտնեցին Հակակոռուպցիոն կոմիտեից։