Հայաստանը ուժային մի սցենարի կարող է պատրաստվել՝ դիմակայելու հնարավոր ագրեսիային, իսկ սա ցանկացած երկրի լեգիտիմ իրավունքն է, և սահմանամերձ հատվածներում Հայաստանի բոլոր քայլերը տեղավորվում են բացառապես պաշտպանական տրամաբանության մեջ։ «Արմենպրեսի» հետ զրույցում ասել է ՀՀ ԱԳՆ խոսնակ Անի Բադալյանը՝ պատասխանելով լրատվամիջոցի հարցին, որը վերաբերում է Ադրբեջանի մեղադրանքներին՝ «Հայաստանի միլիտարիզացիայի» և «ուժային սցենարի պատրաստվելու» մասին։

«Ազատություն» ռադիոկայանը դատական հայց է ներկայացրել Գլոբալ մեդիայի գործակալության (USAGM), ինչպես նաև գործակալության պաշտոնյաներ Քերի Լեյքի և Վիկտոր Մորալեսի դեմ՝ կանխելու Կոնգրեսի կողմից «Ազատության»-ը տրամադրված դրամաշնորհը դադարեցնելու նրանց փորձերը։ Այս մասին հայտնում է «Ազատություն»-ը:

Վարդաշենի հանրակացարանի՝ 68ա շենքի բնակիչներն այսօր՝ մարտի 19-ին, անձրևի տակ բողոքի ակցիա են իրականացնում Երևանի քաղաքապետարանի շենքի դիմաց: Նրանք նշում են, որ դեռ քարոզարշավի ժամանակ Տիգրան Ավինյանն իրենց խոստացել էր ընտրվելու դեպքում իրենց հարցը լուծել, այդ վթարային շենքից իրենց դուրս բերել և բնակարաններով ապահովել:  

Ադրբեջանը կալանքի մեջ պահվող հայերի համար պետք է ապահովի արդար դատաքննության իրավունքը և բավարար պայմաններ՝ համաձայն իր միջազգային պարտավորությունների:

ԱՄՆ-ն գաղտնազերծել է 80000 էջ արխիվ. ԿՀՎ-ն փորձել է կանխել փաստաթղթի գաղտնազերծումը, որտեղ բացվում է Քենեդու դեմ մահափորձի նախապատրաստման գործում ԽՍՀՄ-ի դերը։

Օրերս ՀՀ ԶՈՒ ԳՇ պետի տեղակալ, գեներալ-մայոր Արթուր Երոյանի գլխավորած պատվիրակությունը Շտուտգարտում (ԳԴՀ) տեղակայված ԱՄՆ զինված ուժերի եվրոպական հրամանատարության կենտրոնակայանում մասնակցել է ՀՀ և ԱՄՆ եվրոպական հրամանատարության միջև արդեն երկրորդ տարին անընդմեջ անցկացվող շտաբային բանակցություններին։ Այդ մասին NEWS.am-ին տեղեկացնում է ՀՀ պաշտպանության նախարարությունը:

«Հրապարակ» թերթը գրում է. «Ադրբեջանի հետ «խաղաղության պայմանագրի» համաձայնեցման մասին հայտարարությամբ փորձում են կեղծ քարոզչություն անել, թե խաղաղություն ենք բերում, սակայն անգամ ՔՊ-ականներն են խոստովանում, որ վատ երազը դեռ առջևում է։ Բանն այն է, որ Ալիևը չի հրաժարվում ո՛չ միջանցքի, ո՛չ Սահմանադրության փոփոխության, ո՛չ ադրբեջանցիներին Հայաստանում բնակեցնելու, ո՛չ էլ անկլավների թեմայից։

Ուկրաինացի պաշտոնյաների մասնակցությամբ հրադադարի շուրջ բանակցությունները կշարունակվեն կիրակի Սաուդյան Արաբիայի Ջիդդա քաղաքում, ասել է Մերձավոր Արևելքի հարցերով ԱՄՆ նախագահ Դոնալդ Թրամփի հատուկ բանագնաց Սթիվ Ուիտկոֆը։

Գլխավոր դատախազ Աննա Վարդապետյանի դեմ հերթական հայցադիմումն է ներկայացվել դատարան: Այս մասին NEWS.am-ը տեղեկացավ՝ ուսումնասիրելով դատական տեղեկատվական համակարգում հրապարակված տվյալները: Մասնավորապես Էրեբունի և Նուբարաշեն վարչական շրջանի դատախազության դատախազ Արտակ Հովհաննիսյանը, որը գլխավոր դատախազի՝ 2025 թվականի հունվարի 31-ի հրամանով ազատվել է պաշտոնից, դիմել է Երևանի քաղաքացիական դատարան՝ պահանջելով անվավեր ճանաչել ՀՀ գլխավոր դատախազի՝ իր նկատմամբ կարգապահական տույժ նշանակելու որոշումը, պաշտոնից ազատելու հրամանը, ինչպես նաև բռնագանձել հարկադիր պարապուրդի ամբողջ ժամակահատվածի համար միջին աշխատավարձը և վերականգնել նախկին աշխատանքում: Երևան քաղաքի առաջին ատյանի ընդհանուր իրավասության քաղաքացիական դատարանը՝ նախագահությամբ դատավոր Մ.Ստեփանյանի, մարտի 3-ին հայցադիմումն ընդունել է վարույթ: