ՌԴ Կալինինգրադի մարզի էներգահամակարգը 2025թ. փետրվարի 8-ին սկսել է ինքնավար ռեժիմով գործել այն բանից հետո, երբ Լատվիան, Լիտվան և Էստոնիան դուրս են եկել Ռուսաստանի Դաշնության և Բելառուսի Հանրապետության հետ միասնական էներգետիկ օղակից, տեղեկացրել է ՌԴ էներգետիկայի նախարարությունը։

ԱՄՆ-ը հավանություն է տվել Իսրայելին ավելի քան 7,4 մլրդ դոլարի ռումբեր և հրթիռներ վաճառելուն, որն ամերիկյան ատադրության զենքն օգտագործել է Գազայի ավերիչ հետևանքներ ունեցած պատերազմում, տեղեկացրել է AFP-ը։

Ստեփանավանի բազմաբնակարան շենքում բռնկված հրդեհի հետևանքով բուժօգնության է դիմել 6 քաղաքացի, մեկը վերակենդանացման բաժանմունքում է: Հայտնում են ՀՀ առողջապահության նախարարությունից:

Փաշինյանական իշխանությունը Հայաստանը վերածել է մի երկրի, երբ հաղթանակած, մարտունակ ու ամուր մարտական ոգի ունեցող բանակը հանրային-քաղաքական դիսկուրսում տրանսֆորմացվել և քննարկվում է դատվող զինվորականների, դասալիքների, բարոյալքվածների համատեքստում: Այս մասին Ֆեյսբուքի իր էջում գրել է ԱԺ «Պատիվ ունեմ» խմբակցության քարտուղար Տիգրան Աբրահամյանը։

Գերմանիայի արտաքին գործերի նախարար Աննալենա Բերբոքը հանդես է եկել հայտարարությամբ՝ դատապարտելով Միջազգային քրեական դատարանի (ՄՔԴ) դեմ ԱՄՆ պատժամիջոցներ մցտնելը։

Հայ դատի Ամերիկայի հանձնախումբը, Միջազգային կրոնական ազատության գագաթաժողովի շրջանակներում, Ադրբեջանին միջազգային պատասխանատվության ենթարկելու կոչ է արել։

Փետրվարի 8-ին ՀՀ պաշտպանության նախարար Սուրեն Պապիկյանի գլխավորած պատվիրակությունն աշխատանքային այցով մեկնել է Հնդկաստանի Հանրապետություն։ Հայտնում են ՀՀ ՊՆ-ից:

ԱՄՆ դաշնային դատարանը ուրբաթ օրը նախագահ Դոնալդ Թրամփի վարչակազմին թույլ չի տվել վարչական արձակուրդ ուղարկելլ ԱՄՆ Միջազգային զարգացման գործակալության (USAID) 2 200 աշխատակցի՝ կանգնելով այդ աշխատողներին ներկայացնող արհմիությունների կողմում, տեղեկացրել է CBS News-ը։

Մեծի Տանն Կիլիկիո Արամ Ա կաթողիկոսը ԱՄՆ նախագահ Դոնալդ Թրամփին հորդորել է դիմել Ադրբեջանի նախագահ Ալիևին ու կոչ անել անհապաղ ու առանց նախապայմաների ազատ արձակել Արցախի ռազմաքաղաքական ղեկավարներին, որոնց դատը Բաքվում ընթանում է դռնփակ ու առանց միջազգային դիտորդների մասնակցության։