ԱՄՆ-ում ՀՅԴ երիտասարդները Բաքվի բանտերում պահվող հայ ռազմագերիների նկարները փակցրել են Հայաստանի դեսպանատան պատին։
Հայաստանի իշխանություններն Իրանին հավաստիացրել են, որ ԱՄՆ-ի հետ ստորագրված ռազմավարական գործընկերության մասին փաստաթուղթը Հայաստան-Իրան հարաբերությունների դեմ չէ։ Իսլամական հեղափոխության հաղթանակի 46-րդ տարեդարձի կապակցությամբ հրավիրված մամուլի ասուլիսի ժամանակ այս մասին ասաց Հայաստանում Իրանի դեսպան Մեհդի Սոբհանին։
«Ռոսսոտրուդնիչեստվոյի» ղեկավար Եվգենի Պրիմակովը հաստատել է, որ Բաքվում Ռուսական մշակութային կենտրոնի (Ռուսական տան) գրանցման անհրաժեշտության մասին Ադրբեջանից նոտա է ստացվել։
Օտարերկրյա գործակալների մասին օրենքի ռուսական անալոգից հետո «Վրացական երազանքը» որոշել է ընդունել լրատվամիջոցների մասին օրենք։ Խորհրդարանում կուսակցության առաջնորդ Մամուկա Մդինարաձեն ասել է, որ Վրաստանի խորհրդարանում «Լրատվամիջոցների մասին օրենք» է նախաձեռնվելու, տեղեկացրել է Sova-ն։
Իրանի Իսլամական Հանրապետությունը դեմ չէ տարածաշրջանային ճանապարհների ապաշրջափակմանն այն դեպքում, եթե դա այն իրականացվում է երկրների ազգային և տարածքային ինքնիշխանության, իրավազորության ներքո։ Իսլամական հեղափոխության հաղթանակի 46-րդ տարեդարձի կապակցությամբ հրավիրված մամուլի ասուլիսի ժամանակ այս հայտարարությունն արեց ՀՀ-ում դեսպան Մեհդի Սոբհանին։
Microsoft կորպորացիայի հիմնադիր Բիլ Գեյթսը Սպիտակ տանն իր հետ հանդիպման ժամանակ կոչ է արել ԱՄՆ նախագահ Դոնալդ Թրամփին շարունակել արտաքին օգնություն տրամադրել Միջազգային զարգացման ամերիկյան գործակալության միջոցով, հայտնել է NBC հեռուստաալիքը, որին Գեյթսը հարցազրույց է տվել։
Դոնալդ Թրամփի վարչակազմը որոշել է վերանայել ԱՄՆ Միջազգային զարգացման գործակալության (USAID) ծրագրերը, որպեսզի պարզի` դրանցից որոնք են համապատասխանում երկրի ազգային շահերին: Գվատեմալայի նախագահ Բեռնարդո Արևալոյի հետ համատեղ ասուլիսի ժամանակ այս մասին ասել է ԱՄՆ պետքարտուղար Մարկո Ռուբիոն։
Հայաստանն ու Ռուսաստանը ռուս-վրացական սահմանի «Վերին Լարս» անցակետով բեռնատարների արագացված անցման փորձնական նախագիծ են իրականացնում: Այս մասին այսօր ՀՀ կառավարության նիստում ասաց Պետական եկամուտների կոմիտեի նախագահ Էդուարդ Հակոբյանը։
«Ատելության հրահրման հիմքով քրեական հետապնդման իրականացումն անձի նկատմամբ, իմ կողմից դիտարկվել է մտահոգիչ։ Այսինքն, խոսքը կարող է լինել կամ ընկալվել որպես ատելության խոսք, բայց քրեաիրավական պատասխանատվություն նման խոսքի համար պետք է կիրառվի բացառիկ դեպքերում»։ Այս մասին այսօր՝ փետրվարի 6-ին, կառավարության նիտից հետո լրագրողների հետ ճեպազրույցում ասաց ՄԻՊ Անահիտ Մանասյանը՝ անդրադառնալով 70-ամյա Ղարիբ Բաբայանի կողմից տեսանյութի հրապարակման համար նախաձեռնված քրեական վարույթին։
Բաքվում Ուկրաինայի նոր դեսպան Յուրի Գուսևը հրապարակել է գովաբանական հոդված Ադրբեջանի հասցեին։