Այսօր Թեհրանում Ադրբեջանի դեսպան Ալի Ալիզադեն կանչվել է Իրանի ԱԳՆ։ Նրան բողոքի նոտա են հանձնել Ադրբեջանում իրանցի ուսանողների նկատմամբ «որոշ շրջանակների անբարոյական գործողությունների» կապակցությամբ, հաղորդում է պետական ​​IRNA գործակալությունը։

Գործարար Գագիկ Ծառուկյանի որդու` Նվեր Ծառուկյանի նկատմամբ միջազգային հետախուզում է հայտարարվել։ Տեղեկությունը հայտնում է ՀՀ գլխավոր դատախազությունը։

Թրամփի վարչակազմն այս շաբաթ սկսել է Թուրքիայի հետ բանակցությունների նոր փուլը՝ կենտրոնանալով երկկողմ և տարածաշրջանային խնդիրների վրա, ներառյալ Հարավային Կովկասում խաղաղությունը, հայտնում է TURAN-ի Վաշինգտոնի թղթակիցը։

Ստամբուլի Բաքըրքյոյ թաղամասում զինված հարձակում է տեղի ունեցել հայկական Տատյան վարժարանի նախկին շենքի վրա, որն այժմ քրդերն են վարձակալում։ Sputnik Արմենիայի հետ զրույցում այս մասին ասաց Ստամբուլում լույս տեսնող «Ակոս» թերթի խմբագիր Բագրատ Էստուկյանը։

Վրաստանի մայրաքաղաքում հասարակական տրանսպորտում խափանում է եղել, ինչի հետևանքով ճանապարհորդությունները ժամանակավորապես անվճար են դարձել։ Քաղաքային իշխանությունները կարծում են, որ կիբերհարձակում է իրականացվել, հայտնում է Вестник Кавказа-ն։

Եվրամիության 27 երկրների մշտական ​​ներկայացուցիչները հունվարի 24-ին կայացած նիստում հավանություն են տվել Վրաստանի դիվանագետների համար անայցագիր ռեժիմը դադարեցնելու որոշմանը երկրում, այսպես կոչված, դիվանագիտական հետընթացի պատճառով։ «Արմենպրես»-ի փոխանցմամբ՝ այդ մասին ՏԱՍՍ-ի թղթակցին հայտնել է Եվրամիության խորհրդում ԵՄ երկրներից մեկի պատվիրակության աղբյուրը։

Amnesty International միջազգային իրավապաշտպան կազմակերպությունը նոր զեկույց է հրապարակել Ադրբեջանում տիրող իրավիճակի վերաբերյալ։ Զեկույցում, մասնավորապես, նշված է, որ Ադրբեջանում մարդու իրավունքների իրավիճակի բարելավման հույսի նշաններ չկան, և որ մարդու իրավունքների համակարգային լուրջ խախտումները պետք է խստորեն դատապարտվեն։

Շախմատի միջազգային ֆեդերացիան (ՖԻԴԵ) Ռուսաստանի և Բելառուսի շախմատիստներին թույլ կտա մասնակցել մինչև 18 տարեկան և սահմանափակ հնարավորություններով խաղացողների մրցումներին; Որոշումը հրապարակվել է կազմակերպության կայքում։

Չնայած բուռն քննարկումներին և տարաձայնություններին, ԵՄ–ին ՀՀ անդամակցելու գործընթացի մեկնարկի մասին հարցը ներառվեց ԱԺ լիագումար նիստերի օրակարգում։ Համապատասխան որոշումն ընդունվեց ՀՀ ԱԺ Եվրոպական ինտեգրման հարցերի մշտական հանձնաժողովի նիստի ժամանակ։