Սիեթլում դատարանը ժամանակավորապես արգելափակել է ԱՄՆ նախագահ Դոնալդ Թրամփի՝ ի ծնե քաղաքացիությունը դադարեցնելու փորձը՝ Սահմանադրությամբ ամրագրված այն գաղափարը, որ ԱՄՆ-ում ծնված յուրաքանչյուր ոք ԱՄՆ քաղաքացի է, գրում է Seattle Times-ը։

ՄԱԳԱՏԷ-ն մտահոգված է Զապորոժիեի ԱԷԿ-ում տիրող իրավիճակով, հաճախակի պայթյուններ են լսվում հարթակի սահմաններից դուրս։ Այս մասին հայտարարել է գործակալության գլխավոր տնօրեն Ռաֆայել Գրոսին։

Հայաստանում ազատազրկման վայրերում հունվարի դրությամբ մահացել է 3 մարդ, որոնցից 2-ը՝ ինքնասպանության հետևանքով, հայտնել է Մարդու իրավունքների պաշտպան Անահիտ Մանասյանը:

Շոն Բեյքերի «Անորա» դրաման Ամերիկյան կինոակադեմիայի «Օսկար» մրցանակաբաշխության «Տարվա լավագույն ֆիլմ» անվանակարգում է:

Առաջարկը (Ադրբեջանի դեմ պատժամիջոցներ մտցնել-խմբ.) հետաքրքիր է։ Այս մասին հայտարարել է Շվեդիայի Ռիկսդագի (Խորհրդարանի) փոխխոսնակ Քենեթ Ֆորսլունդը հունվարի 23-ին Երևանում Բալթյան և Հյուսիսային Եվրոպայի երկրների խորհրդարանների ղեկավարների մասնակցությամբ «Միասին հանուն խաղաղության և ժողովրդավարության» թեմայով պանելային քննարկումից հետո կայացած ճեպազրույցի ժամանակ։

ԱՄՆ նախագահ Դոնալդ Թրամփը Դավոսի Համաշխարհային տնտեսական ֆորումում հեռակա ելույթի ժամանակ ասել է, որ «կցանկանար հնարավորություն ունենալ շուտով հանդիպելու նախագահ Պուտինի հետ՝ այս պատերազմին վերջ տալու համար»։ Այսն մասին հաղորդում է NBC News-ը։

Հայաստանում կա հստակ ըմբռնում և հստակ կամք՝ լքելու ռուսական տնտեսական և ռազմական ազդեցության գոտին, մինչդեռ Հայաստանը պետք է կատարի աշխատանքի իր մասը, իսկ մենք կանենք հնարավոր ամեն ինչ մեր կողմից։ Այս մասին հայտարարել է Ֆինլանդիայի խորհրդարանի նախագահ Յուսի Հալլա-ահոն՝ Երևանում Բալթյան և Հյուսիսային Եվրոպայի երկրների խորհրդարանների ղեկավարների մասնակցությամբ «Միասին հանուն խաղաղության և ժողովրդավարության» թեմայով պանելային քննարկման ժամանակ։

Հայ-թուրքական հարաբերություններում լուրջ, շոշափելի արդյունքներ դեռ չկան։ Այս մասին այսօր հայտարարել է ՀՀ ԱԳ նախարար Արարատ Միրզոյանը Երևանում Բալթյան և Հյուսիսային Եվրոպայի երկրների խորհրդարանների ղեկավարների մասնակցությամբ «Միասին հանուն խաղաղության և ժողովրդավարության» թեմայով պանելային քննարկման ժամանակ։

Ռուսաստանը հավատարիմ է մնում եռակողմ պայմանավորվածություններին, որոնք ուղղված են Հայաստանի և Ադրբեջանի միջև հումանիտար խնդիրների լուծմանը: Այս մասին ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ պատասխանելով Բաքվում գերության մեջ գտնվող Լեռնային Ղարաբաղի առաջնորդների և մյուս հայերի ազատ արձակման մասին հարցին: