Ռուսական լրատվամիջոցներում «Ջերմուկ Գրուպ» ՓԲ ընկերության դեմ ներկայացված հայցի վերաբերյալ հրապարակումներում տեղ են գտել իրականությանը չհամապատասխանող, զրպարտող և անմեղության կանխավարկածը խախտող տեղեկություններ: «Արմենպրես»-ի հաղորդմամբ՝ այս մասին նշված է «Ջերմուկ Գրուպ» ընկերության տարածած հայտարարությունում:

Կառավարող «Քաղաքացիական պայմանագիր» խմբակցության պատգամավոր, առողջապահության նախկին նախարար Արսեն Թորոսյանը Ազգային ժողովի հունվարի 22-ի նիստում ընտրվել է առողջապահության խորհրդարանական մշտական հանձնաժողովի նախագահ։

Հայաստանի ծանրամարտի ֆեդերացիայի նախագահ է ընտրվել ՀՀ վարչապետ Նիկոլ Փաշինյանի աշխատակազմի ղեկավար Արայիկ Հարությունյանը։ Տեղեկությունը հայտնում է «Արմենպրեսը»։

Ես նախորդ օրվա քննարկումներից հետո, քննարկումների արդյունքում որոշել եմ կամովին իմ թեկնածությունը հանել: Այս մասին այսօր՝ հունվարի 22-ին, ԱԺ-ում Civic.am-ի հետ զրույցում նշեց ԲԴԽ թեկնածու Ալեքսանդր Սիրունյանը:

Համաշխարհային բանկի խմբի գործադիր տնօրենների խորհուրդը հաստատել է Հայաստանի հետ նոր հնգամյա «Երկրի գործընկերության շրջանակը» (ԵԳՇ): Այս շրջանակի նպատակն է նվազեցնել աղքատությունը և նպաստել բարգավաճմանը ողջ երկրում՝ ստեղծելով ավելի լավ աշխատատեղեր, զարգացնելով մարդկային կապիտալն և ուժեղացնելով դիմակայունությունը։ Այս մասին NEWS.am-ին հայտնում են ՀԲ-ի Երևանի գրասենյակից:

Բրիտանիայի կառավարությունը իր քաղաքացիներին կոչ է արել չմեկնել Հայաստանի սահմանամերձ շրջաններ Ադրբեջանի հետ հարաբերություններում պահպանվող լարվածության պատճառով։

ՊԵԿ նախագահի հրամանով նվազեցվող եկամուտների մասով սահմանվել է շեմ՝ 300 հազար դրամ, և մինչև այդ շեմը ստացված եկամուտները կարող են չհայտարարագրվել հայտարարատուի կողմից։ Այս մասին հայտնում են ՊԵԿ-ից։

ԱՄՆ նախագահ Դոնալդ Թրամփը չի բացառել Ուկրաինային ամերիկյան զենքի մատակարարումներն ամբողջությամբ դադարեցնելու հնարավորությունը։ «Արմենպրես»-ի փոխանցմամբ՝ հունվարի 21-ին Սպիտակ տանը լրագրողների հետ զրույցում նա նաև հույս է հայտնել, որ իր շփումը Ռուսաստանի առաջնորդ Վլադիմիր Պուտինի հետ «շատ շուտով» կկայանա։

Լրագրողների պաշտպանության կոմիտեն (CPJ) միացել է ինը այլ կազմակերպությունների՝ կոչ անելով Եվրոպայի խորհրդի խորհրդարանին մարտահրավեր նետել Ադրբեջանում աճող բռնաճնշումներին, այդ թվում՝ ԶԼՄ-ների դեմ: