Ադրբեջանը վերջին մոտ մեկ ամիսը (զուգահեռվում է ՀՀ ընդդիմության փողոցային գործողությունների ժամանակացույցի հետ) հետևողականորեն հաղորդագրություններ է տարածում իբրև հայկական կողմից, հատկապես Քելբաջարի հատվածում, հրադադարի ռեժիմի խախտումներ են տեղի ունենում: Այս մասին գրում է քաղաքագետ Ալեն Ղևոնդյանը:

Թուրքիայի և ՆԱՏՕ-ի միջև` ընդլայնման շուրջ վերջին տարաձայնությունները բացահայտեցին դաշինքի վաղեմի խնդիրը՝ պայքարելու ավտորիտար առաջնորդի հետ, որը Թուրքիայի նախագահն է, որը պատրաստ է օգտագործել իր լծակները քաղաքական միավորների համար, գրում է New York Times-ը։

Այս ձմռանը Մեծ Բրիտանիայում վեց միլիոն տնային տնտեսություններ, ինչպես նաև ողջ Եվրոպայում սպառողները, կբախվեն առավոտյան և երեկոյան էլեկտրաէներգիայի հնարավոր անջատումների՝ Ռուսաստանի դեմ պատժամիջոցների պատճառով, գրում է Սայմոն Ջենքինսը The Guardian-ում:

Հայաստանում անցկացված հարցման մասնակիցների գրեթե 90%-ն անընդունելի է համարում Արցախի բնակչությանը Ադրբեջանի կազմում ազգային փոքրամասնության կարգավիճակ տրամադրելը: Այս մասին են վկայում «GALLUP International Association»-ի հայաստանյան ներկայացուցչության ղեկավար Արամ Նավասարդյանի ներկայացրած հետազոտության արդյունքները, հաղորդում Է Newsarmenia.am-ը։ Այսպես, այն հարցին, թե ընդունելի է արդյոք Արցախի բնակչությանն ազգային փոքրամասնության կարգավիճակի տրամադրումը Ադրբեջանի կազմում, «միանշանակ անընդունելի է» պատասխան է տվել հարցվողների 83,3%-ը, «ավելի շուտ անընդունելի է»՝ 6%-ը: Ընդ որում տվյալ տարբերակը միանշանակ ընդունելի է համարել 1,5%-ը, ավելի շուտ ընդունելի՝ 2,9%-ը, դժվարացել է պատասխանել 6,4%-ը: «Ճնշող մեծամասնությունը՝ գրեթե 90%, նշել են, որ այդ մոտեցումն իրենց համար անընդունելի է»,- ասաց Նավասարդյանը:

Ադրբեջանական լրատվամիջոցները լուսանկարներ են տարածում, որը ներկայացվում է որպես մի քանի օր առաջ, մեր զինծառայողի խոցման հատված։ Այս մասին Facebook-ի իր էջում գրել է ԱԺ «Պատիվ ունեմ» խմբակցության պատգամավոր Տիգրան Աբրահամյանը:

Հայաստանի ԱԳՆ-ը կրկին առաջարկել է Ադրբեջանին հայելային կերպով հետ քաշել զորքերը, հաղորդում է Sputnik Արմենիան: ՀՀ արտաքին քաղաքական գերատեսչությունը դատապարտել է հրադադարի ռեժիմի խախտումը, որի հետևանքով զոհվել է շարքային Դավիթ Վարդանյանը: ԱԳՆ-ը ուշադրություն է հրավիրում այն հանգամանքի վրա, որ դրան նախորդել են Ադրբեջանի նախագահի ապակառուցողական և ռազմատենչ հայտարարությունները, այդ թվում՝ նկրտումները Հայաստանի ինքնիշխան տարածքի նկատմամբ: «Այս առումով ցանկանում ենք հիշեցնել, որ Ադրբեջանի ԶՈՒ ստորաբաժանումները 2021թ. մայիսից Սոթք-Խոզնավար հատվածում ապօրինի կերպով ներխուժել են Հայաստանի Հանրապետության ինքնիշխան տարածք և օկուպացրել ավելի քան 45 քառակուսի կիլոմետր տարածք», - ասվում է հայտարարության մեջ: Մայիսի 28-ի սադրանքը և համանման նախորդ միջադեպերը, հրադադարի ռեժիմի խախտման փաստերը, ԱԳՆ-ի պնդմամբ, ևս մեկ անգամ հիմնավորում են Հայաստան-Ադրբեջան սահմանագծից զորքերի հայելային հետքաշման անհրաժեշտությունը, ինչի մասին հայկական կողմը բազմիցս բարձրաձայնել է:

Ադրբեջանը սողացող ձևով (անաղմուկ և մանր քայլերով) նվաճում է Սյունիքի մարզը՝ նորանոր տարածքներ վերցնելով փաստացի իր ԶՈՒ վերահսկողության տակ։ Այս մասին իր Տելեգրամ ալիքում գրել է պատմական գիտությունների թեկնածու, թյուրքագետ Վարուժան Գեղամյանը:

Եթե ամեն ինչ արդեն լուծվել է, մենք էլ ֆանտազիաները գիրկն ենք ընկել, այդ դեպքում ինչի է Ադրբեջանի ու ԵՄ-ի համար կարևոր Հայաստանի ստորագրությունը։ Այս մասին իր ֆեյսբուքյան էջում գրել է քաղաքագետ Ստեփան Դանիելյանը:

Սիրելի հայրենակիցներ, Մեր պետականությանն ուղղված սպառնալիքները ծայրահեղ խորացել են՝ հատելով բոլոր կարմիր գծերը։ Հայաստանում ստեղծված սոցիալ-տնտեսական, հոգևոր-մշակութային և քաղաքական ճգնաժամը ոչ միայն չի կասեցվում, այլև օրեցօր խորանում է։