Իրանի արևմուտքում գտնվող Ահվազ քաղաքի մերձակայքը հրթիռային հարձակումների է ենթարկվել ԱՄՆ-ի կողմից, հաղորդում է Mehr գործակալությունը՝ վկայակոչելով տեղի իշխանություններին:
«Թշնամու հրթիռային հարձակումը Ահվազի մերձակայքում գտնվող օբյեկտի վրա։ Խուզեստան նահանգի նահանգապետի անվտանգության հարցերով տեղակալը հայտարարել է, որ Ահվազի մերձակայքում գտնվող օբյեկտներից մեկը հարձակման է ենթարկվել ԱՄՆ – ի կողմից», – ասված է գործակալության հաղորդագրության մեջ:
Տեղակալի խոսքով՝ հարձակվել են ասֆալտի պահեստի վրա։
ԱՄՆ նախագահ Դոնալդ Թրամփը հուլիսի 8-ին հայտարարել էր, որ հունիսի 18-ի գիշերը Իրանի հետ ձեռք բերված հրադադարի համաձայնագիրն այլևս չի գործում։ Այդ օրվանից ամերիկյան զինուժը մի քանի հարված է հասցրել Իրանին։ ԱՄՆ Կենտրոնական հրամանատարությունը պնդում էր, թե դա պատասխան էր Հորմուզի նեղուցով անցնող առևտրային նավերի դեմ Թեհրանի գործողություններին։
Իրանի զինվորականները պատասխանեցին Մերձավոր Արևելքի մի շարք երկրներում տեղակայված ամերիկյան ռազմաբազաներին հասցված հարվածներով։ Թեհրանը Վաշինգտոնին մեղադրեց ռազմական գործողությունների դադարեցման հուշագիրը խախտելու մեջ։
Sputnik Արմենիա
