«Ուժեղ Հայաստան» դաշինքից ԱԺ պատգամավոր ընտրված Նարեկ Կարապետյանի տանը քննչական գործողություններ են իրականացվում նախաձեռնված քրեական վարույթի շրջանակներում։ Sputnik Արմենիային հայտնեցին ՀՀ քննչական կոմիտետից։
Վարույթն առնչվում է «Ուժեղ Հայաստան» կուսակցության համահիմնադիր, Սամվել Կարապետյանի մտերիմներից Ալիկ Ալեքսանյանին։
Ավելի վաղ հայտնի դարձել, որ վաղ առավոտից իրավապահները խուզարկություններ են իրականացնում Նարեկ Կարապետյանի տանը։ Դրանից առաջ հայտնի դարձավ, որ դատարանը ևս երկու ամսով երկարաձգել է Ալիկ Ալեքսանյանի կալանքի ժամկետը։
Հիշեցնենք, որ Ալիկ Ալեքսանյանը մեղադրվում է հավաքներին մասնակցելու համար մարդկանց նյութապես շահագրգռելու և փողերի լվացման մեջ:
Քննչական կոմիտեի պնդմամբ` նա «Ուժեղ Հայաստան» կուսակցության և «Մեր ձևով» շարժման ցույցերին, հավաքներին մասնակիցների հավաքագրելու համար 2025 թվականի սեպտեմբերից մինչև 2026 թվականի մայիսն ընկած ժամանակահատվածում ծառայությունների մատուցման պայմանագրերի հիման վրա «Մեր ձևով» ՀԿ-ի գրասենյակներում ձևականորեն աշխատանքի է ընդունել շուրջ 1400 քաղաքացու, որոնցից ավելի քան 400-ը համատեղությամբ աշխատել են նաև այլ ընկերություններում:
