2020-12-23 21:25
Ара МЕЛИКСЕТЯН
ԿՈՏՐԵԼՈՎ ՏՆՏԵՍՈՒԹՅԱՆ ԻՄՈՒՆԻՏԵՏԸ
Հայաստանում էլեկտրաէներգիայի գինը 2021 թվականի փետրվարից կարող է աճել 10%-ով։ Հայաստանի էլեկտրացանցերի տնօրինությանը այդպիսի առաջարկ է ներկայացրել հանրապետության Հանրային ծառայությունները կարգավորող հանձնաժողովը, հաղորդում է Sputnik Արմենիան:
Ինչպես նշում է հանձնաժողովը, էներգետիկ համակարգում առաջացել է ֆինանսական ճեղքվածք, և այն լրացնելու համար հանձնաժողովը ուսումնասիրել է բոլոր էլեկտրակայանների, ինչպես նաև «Բարձրավոլտ էլեկտրացանցերի» և «Հայաստանի էլեկտրացանցերի» սակագները:
Հանձնաժողովը հանգել է այն եզրակացության, որ էլեկտրաէներգիայի սակագինը պետք է բարձրացնել 1 կՎտժ-ի համար միջինը 2,27 դրամով (ներառյալ ԱԱՀ-ն): Որպեսզի քաղաքացիների վրա լրացուցիչ բեռ չընկնի, ամսական մինչև 400 կՎտ սպառում ունեցող տնային տնտեսությունների համար սակագինը կմնա անփոփոխ, իսկ բիզնեսի համար այն կբարձրանա մեկ կՎտ ժամի դիմաց 3 դրամով կամ մոտ 10%-ով:
ԲԱՅՑ ԱՆՀՆԱՐ Է ԼՌԵԼ. ոչ, այդ մարդիկ այնուամենայնիվ անուղղելի են։ Ըստ երևույթին, պոպուլիզմը պարզապես նրանց արյան մեջ է։ Այլապես անբացատրելի է այն փաստը, որ ՀԾԿՀ-ի կողմից սակագնային որոշումներ կայացնելիս առաջնային է մնում քաղաքացիներին լրացուցիչ ֆինանսական ծանրաբեռնումից պաշտպանելու պատրանքի ստեղծումը։ Իրականում ակներև է մարդկանց աչքին թոզ փչելու և բնակչության շահերի մասին պաշտոնյաների առասպելական հոգատարության պիար իրականացնելու հերթական փորձը։ Եվ ամենակարևորը՝ հերթական անգամ խաբելու նրան (բնակչությանը)։
Տարրական բան է. խոշոր սպառողների համար էլեկտրաէներգիայի սակագնի թանկացումը ակնթարթորեն կխթանի գների հերթական տոտալ աճ սպառողական շուկաներում։ Պարզ է, որ գների նման աճի հարուցած լրացուցիչ ֆինանսական ծանրաբեռնումը շատ ավելի ցավոտ կլինի, քան կարող էր լինել էլեկտրաէներգիայի սակագինը 10%-ով բարձրացնելու դեպքում։ Կոպիտ ասած, եթե, ասենք, բնակչության համար 2.25 դրամով թանկանալու դեպքում միջին վիճակագրական ընտանիքը ստիպված կլիներ ամսական վճարել 500 - 800 դրամով ավելի, ապա սպառողական գների աճի պարագայում ամսական ծախսերը կավելանան հազարավոր դրամներով։ Այնպես որ ՀԾԿՀ-ն պարզապես բլեֆ է անում՝ ասելով, թե հոգ է տանում քաղաքացիների շահերի մասին, փորձում չծանրացնել նրանց ֆինանսական բեռը։
Բայց հարցը նույնիսկ դա չէ։ Բանն այն է, որ հերթական անգամ երկրի տնտեսությունը զոհաբերվում է, մի կողմից՝ իշխանության վարկանիշը փրկելուն (չնայած դա արդեն անհնար է փրկել), մյուս կողմից... Ահա այստեղ կանգ առնենք և ուշադրություն դարձնենք վերջին ամսվա ամենակարևոր տնտեսական իրադարձությանը։ Նոյեմբերի վերջին էկոնոմիկայի նոր նախարարը բառացիորեն ապշեցրեց հասարակայնությանը Թուրքիայի և Ադրբեջանի հետ առևտրատնտեսական համագործակցության հեռանկարների վերաբերյալ իր տեսակետներով։ Հիշեցնեմ, որ նա ասաց դա նոյեմբերի 9-ի խայտառակ, կապիտուլյանտային հայտարարությունն արդարացնող ճառում։ Ահա ուրեմն, անդրադառնալով տարածաշրջանում տրանսպորտային հաղորդակցությունների ապաշրջափակման մասին կետին (հայտարարության), Քերոբյանը հայտարարեց. «Տնտեսության համար բաց սահմանները շատ լավ են, քանի որ մրցակցության արդյունքում ավելի լավ ապրանքներ են ստեղծվում, այսինքն՝ մեր տնտեսությունը կարող ենք դարձնել աշխարհի մակարդակին հավասար։ Այսինքն, եթե մեզ մոտ էժան և որակյալ ապրանքներ են ներմուծվում, ապա մեր տեղական արտադրողը ստիպված է ավելի լավը դառնալ»։ Իսկ ինչպե՞ս պիտի տեղական արտադրողն «ավելի լավը դառնա», եթե երկրում սակագնային քաղաքականությունը բացահայտ աշխատում է նրա դեմ։ Նկատենք, խոսքը բնավ միայն «էլեկտրական» սակագների մասին չէ։
Նույն սկզբունքով (թանկացում միայն խոշոր սպառողների համար) մի քանի ամիս առաջ բարձրացվեց գազի սակագինը։ Այսպիսով, միանգամայն ակնհայտ է, որ մի կողմից՝ Հայաստանի տնտեսության մեջ ուղեգիծ է վերցված դեպի տեղական արտադրողի մրցունակության նվազեցում, մյուս կողմից՝ ուղեգիծ դեպի մեզ համար թշնամական երկրների հետ առևտրատնտեսական համագործակցության զարգացում ու խորացում։ Ըստ էության, մեր պաշտոնյաները աշխատում են մեր իսկ շուկաների դեմ զավթողականության (հիմնականում՝ թուրքական) ընդլայնման օգտին։ Մենք շարունակում ենք մեր բացահայտ ագրեսիվ թշնամիներին զիջել մերթ մեր տարածքները, մերթ շուկաները։ Ընդ որում, ընդգծենք, այլասերված սակագնային քաղաքականությամբ թուլացնում ենք սեփական հնարավոր մրցակցային դիմադրողականությունը։
Շատ նման է այն ամենին, ինչ տեղի ունեցավ պատերազմում։ Եվ ինչպես որ պատերազմն ավարտվեց լիակատար կապիտուլյացիայով, այնպես էլ թշնամու հետ առևտրատնտեսական համագործակցության հեռանկարներն ակնհայտորեն նույն ավարտը կունենան։ Ինչպես որ պատերազմի ժամանակ հայ մարտիկներին խոչընդոտել են հենց Հայաստանի ղեկավարները, այնպես էլ տնտեսության մեջ է միտումնավոր կերպով արվում նույնը. կոտրվում նրա (տնտեսության) իմունիտետը…
ПОСЛЕДНИЕ ОТ АВТОРА
-
2025-05-20 09:34Объем продукции, произведенной в первом квартале 2025 года в Армении в сферах сельского хозяйства, лесного хозяйства и рыбоводства, в текущих ценах составил 121 498.1 млн драмов, увеличившись по сравнению с аналогичным периодом 2024 года на 10%. Об этом сообщает Национальный статистический комитет республики, передает АРКА. Так, объем производства в сфере сельского хозяйства за отчетный период вырос на 10,5% и составил 97 469.9 млн драмов. При этом объем производства в сфере животноводства составил 74 631.0 млн драмов, увеличившись на 2,5% по сравнению с январем-мартом прошлого года, а в сфере растениеводства – 22 838.9 млн драмов при росте на 53,5%.
-
2025-05-17 10:15Министерство экономики Армении предлагает создать Фонд "Оператор текстильной отрасли", на который будут возложены функции оператора отрасли. Соответствующая инициатива размещена на едином портале правовых актов, передает АрмИнфо. Как говорится о пояснении к документу, текстильная промышленность является одним из приоритетных и ключевых секторов экономики, определенных правительством РА, который обеспечивает тысячи рабочих мест, особенно для женщин. Многие заводы и мастерские работают за пределами Еревана, в регионах, где это имеет большое значение в условиях высокого уровня безработицы. Текстильная продукция из Армении экспортируется в основном в Российскую Федерацию, страны ЕС и США. Расширение объемов экспорта способствует притоку иностранной валюты и улучшению платежного баланса Армении. Развитие текстильной отрасли также стимулирует местное производство сырья (например, хлопка, шерстяных изделий) и смежные отрасли: транспортировку, упаковку и маркетинг.
-
2025-05-09 09:41Объем внешнеторгового оборота Армении стремительно падает. За первый квартал этого года, по сравнению с аналогичным периодом 2024-го, он сократился более чем наполовину (на 56,2%). Согласно данным статистического комитета РА существенно сократился товарооборот со странами ЕАЭС. Спад составил 63%. С США товарооборот сократился на 21,6%, с Китаем – на 43,3%, с ОАЭ – на 78,8%. Со странами ЕС изменений объемов торговли практически нет.
-
2025-05-08 10:03В сравнении с январем-апрелем прошлого года налоговые поступления в государственный бюджет в январе-апреле 2025-го увеличились на 14,5% или 120 млрд драмов. Об этом написал на своей странице в «Facebook» премьер-министр Армении Никол Пашинян.«Выражаю благодарность всем гражданам, которые работают, создают результаты, выполняют свои налоговые обязательства в соответствии с законом, а также тем государственным служащим, работа которых способствует росту налоговых поступлений в государственный бюджет», - отметил Пашинян, передает NEWS.am.
ПОСЛЕДНЕЕ ПО ТЕМЕ
-
2022-02-16 19:49Գերակա ոլորտները հետադիմում են Մեկ տարի առաջ հերթական նիստում Հայաստանի կառավարությունը հաստատեց երկրի տնտեսության վերականգնման ծրագիրը՝ մինչև 2024 թվական վերջնաժամկետով: Այդ ծրագրի և դրա հիմնական առաջնահերթությունների մասին ժամանակին շատ է խոսվել ու գրվել։
-
2021-12-24 08:59Իշխանության գալու առաջին իսկ օրվանից Փաշինյանը սկսեց նպատակաուղղված ոչնչացնել ենթակառուցվածքները, պետական կառավարման համակարգերը, այդ թվում՝ տնտեսական։ Իսկ այսօր կառավարությունն ու մենք բոլորս քաղում ենք նման անհեռատես, եթե ավելի կոպիտ չասենք, որոշման պտուղները…
-
2021-10-22 08:32Տպավորություն է ստեղծվում, թե Հայաստանին մատակարարվող բնական գազի գնի շուրջ բանակցությունների վերջնական արդյունքները ներկայումս պահվում են «հույժ գաղտնի» կնիքի տակ։ Քանզի որևէ թիվ հնչեցնել կառավարությունում ոչ ոք չի շտապում կամ չի համարձակվում։ Չնայած նույնիսկ այն հանգամանքին, որ փոխվարչապետ Մհեր Գրիգորյանը օրերս հայտարարեց, որ ՀՀ կառավարությունն արդեն պայմանավորվել է «Գազպրոմի» հետ հանրապետություն մատակարարվող բնական գազի գնի մասին։
-
2021-05-07 17:05Իշխանավարման 3 տարիների արդյունքում Փաշինյանի թիմը ցույց տալու ոչինչ չունի Ի՞նչ բան է առհասարակ տնտեսությունը: Դա, ներեցեք ծեծված բնորոշման համար, երկրում ամեն օր արտադրվող բոլոր ապրանքների և ծառայությունների ամբողջությունն է։ Մեր երկրի տնտեսությունը բացառություն չէ։ Եվ ի՞նչ ունենք այսօր։