Последние новости

ԱՐՏԱՔՆՈՑԻ ՀԱՍՑԵՆ ՀԱՅՏՆԻ Է։ ՄՆՈՒՄ Է ՍԱՏԿԱՑՆԵԼ...

Ադրբեջանի նախագահ Իլհամ Ալիևը հայտարարել է, թե Բաքուն պատրաստ է Հայաստանի հետ անհապաղ բանակցություններ սկսել Ղարաբաղի հարցով: Ընդ որում նա պնդում է, թե մոսկովյան բանակցությունների արդյունքում արված հայտարարությունը ենթադրում է հայկական ուժերի դուրսբերում հակամարտության գոտուց, հաղորդում է «ՌԻԱ Նովոստին»:

ԲԱՅՑ ԱՆՀՆԱՐ Է ԼՌԵԼ. թե հայտարարության տեքստում որտեղ է Ալիևը ձևակերպումներ տեսել հակամարտության գոտուց հայկական ուժերի դուրսբերման մասին, դժվար է ասել։ Ամենայն հավանականությամբ, նրա մոտ հալյուցինացիաներ են սկսվել՝ կապված ռազմաճակատում անվերապահ ձախողման պատճառած սթրեսի հետ։ Եվ այս ախտորոշումը կարող են հեշտությամբ տալ բոլոր նրանք, ովքեր ծանոթ են հայտարարության տեքստին։ Բայց տվյալ դեպքում խոսքն այն մասին չէ, որ Ալիևը լկտիաբար ստում ու չի էլ կարմրում։ Դա անվիճելի է, ապացուցված հարյուրավոր անգամներ։ Տվյալ դեպքում առանձնակի ուշադրության է արժանի մեկ այլ բան. ահաբեկչի հետ բանակցություններ վարելու փաստը։ Ըստ էության, հայկական կողմն ու միջնորդները ստիպված են բանակցային սեղանի շուրջ նստել ոչ թե պետության, այլ ահաբեկիչների ճամբարի ներկայացուցիչների հետ, ինչի վերածեց իր երկիրն Ալիևը։ Եվ հիմա այդ ճամբարը պայմաններ է առաջ քաշում։ Համաձայնեք, դասական ահաբեկչություն է։

Մի տեսակ այնքան էլ համարժեք չարձագանքեց աշխարհը Արցախի դեմ պատերազմում Ադրբեջանի կողմից ահաբեկչական խմբավորումների ներգրավման փաստին։ Ավելի ճիշտ՝ բացարձակ անհամարժեք։ Հիշեցնենք, որ դեռ մեկ շաբաթ առաջ Ռուսաստանի Արտաքին հետախուզության ծառայության մամուլի բյուրոյի պաշտոնական կայքում ԱՀԾ ղեկավար Սերգեյ Նարիշկինի մեկնաբանության մեջ նշվել է, որ ղարաբաղյան հակամարտության գոտի են տեղափոխվում հազարավոր գրոհայիններ Մերձավոր Արևելքի ահաբեկչական կազմակերպություններից: «Ըստ ԱՀԾ-ում առկա տեղեկատվության՝ հակամարտության գոտի են ակտիվորեն փոխադրվում վարձկաններ Մերձավոր Արևելքում պատերազմող միջազգային ահաբեկչական կազմակերպություններից, մասնավորապես՝ «Ջաբհաթ ան Նուսրա»-ից, «Ֆիրքաթ Համզա»-ից, «Սուլթան Մուրադ»-ից, ինչպես նաև քրդական ծայրահեղական խմբավորումներից։ Ընդ որում խոսքը հարյուրավոր և արդեն նույնիսկ հազարավոր արմատականների մասին է, որոնք հույս ունեն գումար վաստակել Ղարաբաղյան նոր պատերազմում», - նշվում էր մեկնաբանության մեջ։ Հայկական կողմը մինչ այդ էլ բազմիցս տեղեկատվություն է ներկայացրել այն մասին, որ Ադրբեջանի ԶՈՒ-ի հետ մեկտեղ՝ պատերազմին մասնակցում են ահաբեկիչներ։ Ընդ որում՝ հանցանշաններով ու ապացույցներով։ Այդ փաստն արձանագրվել է նաև օտարերկրյա լրատվամիջոցների հրապարակումներում։ Սակայն ԱՀԾ-ի մեկնաբանությունը դարձավ դրա (փաստի) յուրօրինակ պաշտոնական ճանաչումը: Եվ... Եվ ոչինչ։ Այսօր բանակցություններ են ընթանում ահաբեկիչների ճամբարի ներկայացուցիչների հետ, լսում են նրանց պայմանները։

Մինչդեռ այդ ահաբեկչական ճամբարն արդեն գործնականում դուրս է եկել Ղարաբաղյան ռազմաճակատի տարածքային շրջանակներից։ Պատերազմի երկու շաբաթվա ընթացքում ադրբեջանական հրթիռային արկեր են ընկել Իրանի տարածքում, Ռուսաստանի տարածքում (Դաղստանում), երկու անօդաչու թռչող սարք է ընկել Վրաստանում: Ասենք ուղղակի. արդեն այս պահին Ադրբեջանի կողմից ահաբեկչական սպառնալիքն ընդգրկել է ողջ տարածաշրջանը։

Արցախի խորհրդարանը օրերս կոչ արեց Հայաստանին, Ռուսաստանին և Իրանին՝ ստեղծել հակաահաբեկչական կենտրոն, տարածաշրջան ներթափանցած միջազգային ահաբեկիչներին բացահայտելու համար։ Այդ կոչին էլ արձագանք դեռևս չկա։

Վերջերս Վլադիմիր Սոլովյովի հաղորդման ժամանակ ՏԱՍՍ-ի դիվանագիտական ենթակառուցվածքների հետ կապերի բաժնի ղեկավար Սաադաթ Կադիրովան Ղազանչեցոց տաճարի վրա Ադրբեջանի զինված ուժերի հարվածի քննարկման ժամանակ մեջբերեց Պուտինի «սատկացնել արտաքնոցում» արտահայտությունը։ Նա շոկի մեջ գցեց բոլորին։ Իր հիմարությամբ, լպիրշությամբ, սրբապղծությամբ։ Բայց այդուհանդերձ, պետք է խոստովանել, որ նրա կոչն այսօրվա պատերազմի համատեքստում, պուտինյան թևավոր արտահայտության նրա վկայակոչումը բավական արդիական է։ Պարզապես հասցեն Սաադաթը սխալ նշեց։ Այո՛, ահաբեկիչներին պետք է «սատկացնել», այո՛, արտաքնոցում։ Միայն թե ահաբեկիչներն ախր Ադրբեջանում են, և հետևաբար՝ արտաքնոցն էլ այնտեղ է։ Ավելի ճիշտ՝ հենց բուն Ադրբեջանն է։

Ակնհայտ է, որ Ադրբեջանը ահաբեկչական ճամբարի վերածելուն աշխարհը, մեղմ ասած, այնքան էլ համարժեք չի վերաբերվում։ Առավել ևս՝ տարածաշրջանի երկրները։

Основная тема:
Теги:

    ПОСЛЕДНИЕ ОТ АВТОРА

    • БОЛЕЗНЕННЫЕ НЕСОВПАДЕНИЯ
      2021-11-27 09:50
      33

      У нас наблюдается достаточно существенный и серьезный спад числа случаев заражения коронавирусом, и Министерство здравоохранения думает о повторной консервации развернутых возможностей. Об этом заявил на заседании правительства 25 ноября премьер-министр Никол ПАШИНЯН, передает News.am.

    • ВОЗДУШНЫЙ МОСТ С ВРАГОМ
      2021-11-26 10:20
      898

      Армянская авиакомпания Flyone Armenia c 15 декабря начнет осуществлять прямые перелеты по семи направлениям, передает Sputnik Армения. "Все рейсы будут выполняться из международного аэропорта "Звартноц" с удобным расписанием, а также по доступным ценам. Первый рейс авиакомпания осуществит в Москву (Внуково)", - говорится в информации. Пресс-служба компании сообщает, что стоимость билетов будет начинаться от 39 евро по шести направлениям, от 44 евро - в Лион. Лайнеры будут летать в Москву, Тегеран, Лион, Тель-Авив, Краснодар, Тбилиси, Кутаиси. А также в Стамбул.

    • ЕДИНСТВЕННОЕ, ЧТО СООТВЕТСТВУЕТ АРМЯНСКИМ ИНТЕРЕСАМ НА ВСЕ СТО
      2021-11-25 10:27
      1353

      Когда мы говорим, что предложения о демаркации и делимитации приемлемы для Армении, это не означает, что данные предложения на 100% соответствуют представлениям армянской стороны. Об этом, отвечая на вопросы СМИ и НПО 23 ноября, заявил Никол Пашинян.

    • ТЕРРОРИСТЫ В РЕГИОНЕ: КИНУТЫЕ, ГОЛОДАЮЩИЕ И БОЛЕЕ ОПАСНЫЕ
      2021-11-24 09:45
      1724

      Сирийские наемники опубликовали видео, в котором жалуются на то, что Абу Aмша - лидер бригады "Сулейман шах" - не платит им за участие в боевых действиях Азербайджана против Арцаха. Как сообщает Арменпресс, об этом написала американская журналистка Линдси Снелл на своей странице в Twitter. "У нас есть раненые. Мы потеряли много людей на войне. У нас забрали зарплату. Люди умирают от голода", - отмечает в видеоролике один из террористов.






    ПОСЛЕДНЕЕ ПО ТЕМЕ

    • ԱՊԱՇՐՋԱՓԱԿՄԱՆ ՀԻՄՆԱԿԱՆ ՀԱՐՑԵՐԸ ԼՈՒԾՎԱ՞Ծ ԵՆ
      2021-11-08 20:40
      373

      Ահա և մեկ տարի անցավ Լեռնային Ղարաբաղում 44-օրյա պատերազմի ավարտից: Օգտվելով այն հանգամանքից, որ Հայաստանում իշխանության է եկել պոպուլիստ-դիլետանտների թիմը, Ադրբեջանը, թուրքական զինված ուժերի և սիրիական թուրքամետ կազմավորումների վարձկան-ահաբեկիչների ջոկատների անմիջական աջակցությամբ, ռևանշ վերցրեց 90-ականների սկզբի Արցախյան պատերազմում կրած պարտության համար։ Այսօր Բաքվի վերահսկողության տակ են ոչ միայն տխրահռչակ յոթ շրջանները, այլև Շուշիի և Հադրութի շրջանները, որոնք Լեռնային Ղարաբաղի ինքնավարության կազմում ընդգրկված են եղել դեռևս ԽՍՀՄ տարիներին։ Հայաստանն ու Արցախը տվեցին առնվազն հինգ հազար զոհ (իշխանությունն այդպես էլ չներկայացրեց վերջնական անվանական ցուցակը), տասնյակ հազարավորները վիրավորվեցին, հարյուրավորները համարվում են անհետ կորած։ Տասնյակ, եթե ոչ հարյուրավոր գերիներ մինչ օրս մնում են Ադրբեջանի բանտերում։

    • ՓԱՇԻՆՅԱՆԻ ՄԵՂՔԸ
      2021-09-27 21:48
      951

      Մեկ տարի է անցել Լեռնային Ղարաբաղում 44-օրյա պատերազմի սկսվելու օրից: Նիկոլ Փաշինյանի մեղքն անվիճելի է։ Առաջին հերթին՝ այն, որ նա իրավիճակը հասցրեց պատերազմի։ Դա դրսևորվեց առաջին հերթին բանակցային գործընթացի ընթացքում անհամարժեք քայլերով, որոնք հանգեցրին հայկական կողմի դիրքերի սասանմանն ու դաշնակիցների հետ կապերի թուլացմանը։ Երկրորդ. ո՛չ հայկական պետությունը, ո՛չ հայ հասարակությունը, ո՛չ էլ հայկական բանակը պատրաստ չէին պատերազմի։ Բոլորը զբաղված էին քաղաքական շոուներով, որոնք գրեթե ամեն օր ցուցադրում էր իշխող թիմը։ Հասարակական ընկալումներում երկրորդ պլան էին մղվել բանակում վարչապետի ձեռնարկած կադրային զտումները, 2016-ի ռազմական գործողություններից հետո ընդունված սպառազինության ծրագրի փոփոխությունը։

    • «ՍՊԱՍԻՐ ԻՆՁ, ԵՎ ԵՍ ԿԳԱՄ...»
      2021-09-27 20:16
      907

      Կապիտուլյանտի խղճին ծանրացած են հազարավոր կյանքեր 2020 թ. հոկտեմբերի 10-ին մարտական գործողությունների ժամանակ զոհված Արման Արզումանյանը 8 երեխաների հայր էր, որոնցից 5-ը՝ անչափահաս: Արզումանյանը որպես կամավոր մասնակցել է Արցախյան առաջին ազատամարտին, ապա 2016-ի Քառօրյա պատերազմին: 44-օրյա պատերազմին էլ կամավոր գնաց:

    • ԵԹԵ ՈՐՈՇԵԼ ԵՔ ՁԵՐ ՔՎԵՆ ՏԱԼ ՁԵԶ ՍՊԱՆՈՂԻՆ
      2021-04-12 16:13
      3865

      Ըստ Avia.pro համակայքի՝ օրերս Սիրիայում թուրքական հրետանու դիրքերը ենթարկվել են Ռուսաստանի օդատիեզերական ուժերի հարվածներին։ Սու-24 մարտավարական ռմբակոծիչները հարվածներ են հասցրել Խան Էս-Սաբլ բնակավայրի շրջանում գտնվող M114 դաշտային հրանոթներին, ոչնչացրել «Հայաթ Թահրիր աշ Շամ» խմբավորման ահաբեկիչների ճամբարն ու զրահատեխնիկան: Հաղորդվում է, որ ավելի վաղ գրոհայինները հարձակվել են Իդլիբ նահանգի հարավում գտնվող Ալ-Կաբիրա, Ջարադա և Դադիհ բնակավայրերի վրա, իսկ թուրքական կողմից ստացած M114 հրանոթներով գնդակոծել են Խան Էս-Սաբլ բնակավայրը: «Հերթական անգամ բախվելով պայմանավորվածությունների խախտմանը՝ Օդատիեզերական ուժերը հիշեցրել են Թուրքիային, որ այդպես վարվել պետք չէ»,- ասված է Avia.pro-ի աղբյուրի հաղորդագրության մեջ։