ՊԵՏՈՒԹՅՈՒՆԸ ՊԱՐՏԱՎՈՐ Է ՄՏԱԾԵԼ ՀԱՍԱՐԱԿՈՒԹՅԱՆ ԱՆՎՏԱՆԳՈՒԹՅԱՆ ՄԱՍԻՆ․ 26 ՏԱՐԻ ԱՌԱՋ ԴԱԺԱՆԱԲԱՐ ՍՊԱՆՎԱԾ ԻՈՍԻՖ ԱՂԱՋԱՆՈՎԻ ՔՈՒՅՐ (ՏԵՍԱՆՅՈՒԹ)
1996 թվականի հուլիսին հայ հասարակությունը ցնցեց բժշկական ինստիտուտի 19-ամյա ուսանող Իոսիֆ Աղաջանովի սարսափելի սպանությունը։ 1996 թվականի վերջին դատարանի որոշմամբ սպանվածի համակուրսեցի Մհեր Ենոքյանը և նրա ընկեր Արամ Հարությունյանը մեղավոր ճանաչվեցին և դատապարտվեցին 15 տարվա ազատազրկման, Ենոքյանը՝ գնդակահարության՝ որպես սպանության կազմակերպիչ։ Գործի նյութերի համաձայն՝ հանցակիցները մանրակրկիտ նախապատրաստվել են սպանությանը, հանցագործությունը կատարելուց հետո թաքցրել են մարմինը, սպանվածի ծնողներից պահանջել 20 հազար դոլար: Հայաստանի կողմից մահապատժի մորատորիում հայտարարելուց հետո Ենոքյանի պատիժը փոխարինվել է ցմահ բանտարկությամբ։ Ի տարբերություն 15 տարվա ազատազրկման դատապարտված Արամ Հարությունյանի՝ Ենոքյանը ոչ դատավարության ընթացքում, ոչ էլ դրանից հետո իր մեղքը չի ընդունել և չի զղջացել: Նա երկու անգամ փախել է կալանավայրից (2004 և 2009 թվականներին)։