Հայտնի է 1937 թվականի Հայաստանի Կոմկուսի կենտկոմի պլենումը, որին մասնակցելու համար Երևան էին ժամանել ԽՍՀՄ բարձրագույն ղեկավարության անդամ Անաստաս Միկոյանը, Միութենական կենտկոմի բաժնի վարիչ Գեորգի Մալենկովը (Ստալինի մահվանից հետո Խորհրդային կառավարության ղեկավար), ՆԳ Ժողկոմատի դահիճներից Միխայիլ Լիտվինովը և Լազար Արտմանը։ Թիֆլիսից գալիս է Լավրենտի Բերիան։ Հայտարարվում է ընդմիջում։ Ժողովը տևում է չորս օր։ Արդյունքում երկրում ծավալվում են բռնաճնշումներ։

Ստեփանակերտի ռուսական դրամատիկական թատրոնը, որը 2023 թ․ սեպտեմբերին Լեռնային Ղարաբաղի ողջ բնակչության հետ միասին վտարվել է հայրենի հողից, 2024 թ․ նոյեմբերի 15–22-ը Մուրմանսկում մասնակցել է «Արկտիկական բեմ» թատերական փառատոնին, որի արդյունքում արժանացել է երկու մրցանակի՝ մասնագիտական ժյուրիի «Ռուսաց լեզվի պահպանության համար» հատուկ դիպլոմի և այլընտրանքային ժյուրիի «Ռուսաց լեզվի, մշակույթի պահպանության և դրամատիկական ներկայացման միջոցով ակտիվ քաղաքացիական դիրքորոշման դրսևորման համար» հատուկ դիպլոմի։  

Երևանում կայանալու է վերածնված «Արցախ» կամերային նվագախմբի առաջին համերգը Կամերային երաժշտության տանը։

Ադրբեջանական պետական ​​մեքենան հարձակումներ է գործում միջազգային փառատոներում ներկայացված հայկական ֆիլմերի մասնակցության դեմ, և այս ֆոնին Հայաստանի պետական ​​մարմինները ցուցաբերում են լիակատար անգործություն։ Այս մասին դեկտեմբերի 19-ին լրագրողների հետ զրույցում ասաց «Հայաքվե» ազգային քաղաքացիական միավորման խորհրդի անդամ Մենուա Սողոմոնյանը։

2025 թ․ հունվարի 4-ին և 5-ին Երևանի պատանի հանդիսատեսին սպասում է «Մոխրոտիկը և ռոքնռոլը» ամանորյա գրավիչ ներկայացումը՝ Շառլ Պերոյի հեքիաթների մոտիվներով։

Վերջին 300-400 տարիներին գրված օպերային գլուխգործոցները միավորվել են մեկ ներկայացման մեջ. Ալեքսանդր Սպենդիարյանի անվան օպերայի և բալետի ազգային ակադեմիական թատրոնի բեմում պրեմիերա է՝ «Լաբիրինթ» ներկայացումն առաջինը հենց հայկական բեմում է ցուցադրվում։ Նախագծի պրոդյուսեր, գաղափարի ու սցենարի հեղինակ, ռուսաստանաբնակ Օլեգ Թումանովն ասում է՝ սա օպերային աշխարհում յուրօրինակ նոու-հաու է։  

«Արկտիկական բեմ» երկրորդ միջազգային թատերական փառատոնի կազմկոմիտեի հրավերով և ԴԻԱԼՈԳ կազմակերպության ղեկավարության աջակցությամբ Ստեփանակերտի ռուսական դրամատիկական թատրոնը 2024 թ․ նոյեմբերի 15-22-ը Մուրմանսկում մասնակցել է այս նշանակալի մշակութային իրադարձությանը և դրա արդյունքում պարգևատրվել երկու հատուկ դիպլոմով։

Նզովյալ նկարների պատմությունները շրջանառվել են դարեր շարունակ, և մենք սիրում ենք այս պատմությունները, քանի որ դրանք ենթադրում են, որ ստեղծագործական գործընթացը կարող է անդրշխարհիկ ինչ-որ բան արթնացնել: Արդյո՞ք արվեստի որոշ գործեր չար էներգիա են պարունակում. էներգիա, որը հանդես է գալիս առեղծվածային կերպով՝ վնասելով նրանց, ովքեր շփվում են արվեստի այդ գործերի հետ։ Դա հաստատապես պարզելու ոչ մի միջոց չկա, թեպետ թանգարաններում և մասնավոր հավաքածուներում կան բազմաթիվ նկարներ, որոնք, ըստ ասեկոսեների, անիծված են, բնակեցված անհանգիստ ոգիներով կամ չար էներգիայով համակված, գրում է Observer պարբերականը։

Հայաստանում նկարահանվում է լիամետրաժ ֆիլմ՝ «Ոսկե դուբլ» խորագրով, որի գլխավոր դերում հանդես է գալիս Եգոր Բերոևը։ Այն ստեղծվում է AP Cinema կինոընկերության ու START օնլայն-կինթատրոնի կողմից։ Ֆիլմը նվիրված է Նիկիտա Սիմոնյանի կյանքին ու մարզչական կարիերայի փայլուն փուլերից մեկին։