Սահմանադրական դատարանը վաղը կքննի Հայաստան-Ադրբեջան սահմանազատման հանձնաժողովների համատեղ աշխատանքի մասին կանոնակարգի սահմանադրականության հարցը։ ՍԴ աշխատակարգային որոշման համաձայն՝ գործի քննությունը նախատեսված է վաղը՝ սեպտեմբերի 24-ին՝ ժամը 11։00-ին։
Ա. Սպենդիարյանի անվան օպերայի և բալետի ազգային ակադեմիական թատրոնը և Լա Սկալա թատրոնի Կատարողական արվեստների և արհեստների ակադեմիան այսօր՝ սեպտեմբերի 23-ին, ստորագրել են համագործակցության հուշագիր, որը նպատակ ունի նպաստել երկու հաստատություններում կատարողական արվեստի զարգացմանը, ինչպես նաև սահմանել թատրոնների միջև համագործակցության ուղղությունները, այդ թվում՝ փորձի փոխանակման, կրթական և տեխնիկական վերապատրաստումների ոլորտներում։
ՀՀ ԱԺ նախագահի գլխավորած պատվիրակության՝ Կանադա կատարվելիք այցը հետաձգվել է՝ պայմանավորված Կանադայում ստեղծված ներքաղաքական լարվածությամբ։ Այս մասին NEWS.am-ի հետ զրույցում հայտնեց Սիմոնյանի օգնական Մովսես Հարությունյանը:
Միացյալ Նահանգների Փենսիլվանիա նահանգի Փիթսբուրգ քաղաքի քաղաքապետ Էդ Գեյնը սեպտեմբերի 21-ը հայտարարել է որպես «Հայաստանի ազգային օր»։ Այս մասին նշված է Փիթսբուրգի քաղաքապետի ստորագրած հրամանում։
Հայաստանի երեխաների առողջության հիմնադրամը (ՀԵԱՀ) ակտիվորեն ներգրավված է Արցախից տեղահանված և ՀՀ-ում բնակվող երեխաների առողջական խնդիրների լուծման գործում: Հիմնադրամը, համագործակցելով Հայ օգնության ֆոնդի, ԱԿԲԱ բանկի և Հայ ավետարանչական ընկերակցության հետ, ներգրավել է շուրջ 40,000,000 դրամ՝ աջակցելու քրոնիկ շնչառական, իմունային համակարգի, ռևմատոլոգիական, նյարդաբանական, գաստրոէնտերոլոգիական, լյարդաբանական խնդիրներ և լեյշմանիոզ ունեցող երեխաների բուժմանը:
Վրաստանի համար առանց վիզայի ռեժիմը չեղարկելու Եվրամիության սպառնալիքները սովորական շանտաժ են։ Ինչպես տեղեկացնում է Sputnik Գրուզիան, այս հայտարարությունն արել է Թբիլիսիի քաղաքապետ Կախա Կալաձեն։
Հաշվեքննիչ պալատի նախկին նախագահ Լևոն Յոլյանին, նրա կնոջը` Անուշ Ասլանյանին և Մերի Յոլյանին հրավիրել են ՀՀ դատախազություն։ Տեղեկությունը հրապարակված է պաշտոնական հայտարարությունների «Ազդարար» համակարգից։
Ադրբեջանի նախագահ Իլհամ Ալիևը հայտարարել է, որ հայկական կողմը, ուղարկելով Բաքվի վերջին առաջարկների պատասխանը, բոլոր չհամաձայնեցված դրույթները հանել է խաղաղության պայմանագրի նախագծից:
Փոլադ Բյուլբյուլօղլուն հետ է կանչվել Ռուսաստանի Դաշնությունում Ադրբեջանի Հանրապետության արտակարգ և լիազոր դեսպանի պաշտոնից։
Հայաստանի մշակույթը, զբոսաշրջային հնարավորություններն առաջիկա մեկ տարվա ընթացքում տարբեր հարթակներում ներկայացվելու են Չինաստանում։ «Հայաստանի մշակույթի օրեր» ծրագրի մեկնարկը տրվելու է սեպտեմբերի 28-ին և շուրջ մեկ տարի Չինաստանի տարբեր քաղաքներում անցկացվելու են Հայաստանին վերաբերող մի շարք միջոցառումներ։