Սահմանադրությունը փոխելու Ադրբեջանի պահանջի ֆոնին Հայաստանը ոչ մի դեպքում չպետք է որևէ բան փոխի, հակառակ դեպքում դա որպես թուլություն կընկալվի և Բաքվին կխրախուսի հետագա քայլեր ձեռնարկել։ Դրա մասին NEWS.am-ի թղթակցի հետ զրույցում հայտարարել է ռուսաստանյան քաղաքագետ Միխայիլ Ալեքսանդրովը։
Միջազգային իրավական հարցերով ներկայացուցչի գրասենյակը ողջունում է Արդարադատության միջազգային դատարանի 2024 թվականի նոյեմբերի 12-ի վճիռը, որով Դատարանը ամբողջությամբ մերժեց Ադրբեջանի ներկայացրած նախնական առարկությունները Խտրականության բոլոր ձևերի վերացման մասին կոնվեցիայի շրջանակում ներկայացված Հայաստանն ընդդեմ Ադրբեջանի գործով: Հայտնում են ՀՀ միջազգային իրավական հարցերով ներկայացուցչի գրասենյակից:
Տեսանկարահանող սարքերի մասին աղմկահարույց նախագիծը կասեցնելու որոշումը վկայում է, որ մասնագիտական հանրության մտահոգությունները տեղին էին ու փաստարկված: Sputnik Արմենիայի հետ զրույցում այս տեսակետը հայտնեց անձնական տվյալների պաշտպանության մասնագետ Գևորգ Հայրապետյանը։
Իշխանությունն ուներ քաղաքական որոշում` դեմ քվեարկել Ադրբեջանում պահվող հայ ռազմագերիների վերաբերյալ հայտարարությանը, ու այդ որոշումն արտահայտեց պարզապես չքվեարկելով։ Այսօր Ազգային ժողովում լրագրողների հետ ճեպազրույցում ասաց «Պատիվ ունեմ» խմբակցության քարտուղար Տիգրան Աբրահամյանը։
Ադրբեջոնում ընթացող COP 29-ի և ՀՀ-ի և Ադրբեջանի միջև ընթացող բանակցություններին ընդառաջ երբ տարբեր միջազգային դերակատարներ դրական ազդանշաններ էին հղում կողմերի հնարավոր փոխըմբռնման շուրջ, Ադրբեջանը շարունակում է բարձրագույն մակարդակով շանտաժի և սպառնալիքի լեզվով խոսել Հայաստանի Հանրապետության հետ: Այս մասին այսօր՝ նոյեմբերի 12-ին, ԱԺ-ում հայտարարեց «Պատիվ ունեմ» խմբակցության քարտուղար Տիգրան Աբրահամյանը՝ ներկայացնելով «Ադրբեջանում պահվող հայ ռազմագերիների վերաբերյալ» հասարակական հետաքրքրություն ներկայացնող հրատապ թեմայով քննարկում անցկացնելու մասին նախագիծը զեկուցելիս։
Արդարադատության միջազգային դատարանն այսօր Երևանի ժամանակով ժամը 18-ին կհրապարակի Հայաստանն ընդդեմ Ադրբեջանի գործով Ադրբեջանի ներկայացրած նախնական առարկությունների վերաբերյալ վճիռը։
Ադրբեջանի ԱԳ նախարար Ջեյհուն Բայրամովը կարծում է, որ Բաքվում ընթացող COP–29 կլիմաական գագաթնաժողովին Հայաստանի պատվիրակության չմասնակցելը հնարավորության բացթողում է։
Ադրբեջանից և Հայաստանից մի խումբ հիդրոլոգներ և ինժեներներ ԱՄՆ-ի աջակցությամբ համատեղ աշխատում են տարածաշրջանի սահմանային գետերի ջրային ռեսուրսների ինտեգրված կառավարման սխեմայի ստեղծման ուղղությամբ: Այս մասին հայտարարել է Բաքվում ԱՄՆ դեսպան Մարկ Լիբին:
Սպասվում է, որ ԱՄՆ նորընտիր նախագահ Դոնալդ Թրամփը պետքարտուղարի պաշտոնում կնշանակի Մարկո Ռուբիոյին։ Կարծես թե ԱՄՆ-ի գլխավոր դիվանագետը կլինի Ֆլորիդայից ընտրված սենատորը, որը կոշտ դիրքորոշում է որդեգրել Չինաստանի, Իրանի և Վենեսուելայի նկատմամբ: Այս մասին հայտնում է The New York Times-ը՝ հղում անելով սեփական աղբյուրներին։
Չինաստանը պատրաստ է Հայաստանի հետ սերտորեն համագործակցել ատոմային էներգետիկայի ոլորտում։ Լրագրողների հետ զրույցում այս հայտարարությունն արեց Հայաստանում Չինաստանի գործերի ժամանակավոր հավատարմատար Մին Չենը` պատասխանելով Sputnik Արմենիայի հարցին։