«Գեղարդ» հիմնադրամը դիմում-բողոք է ներկայացրել Ռուսաստանի Գիտությունների ակադեմիայի նախագահություն, Բարձրագույն ատեստավորման հանձնաժողովի (ԲԱԿ) պատմության փորձագիտական խորհուրդ, «Web of Science» վարչակազմ՝ «Вопросы истории» ամսագրի կողմից ակադեմիական և գիտաէթիկական չափորոշիչների խախտումների կապակցությամբ։
Եթե «Հայաստանի էլեկտրական ցանցեր» ընկերությունը պետականացվի հանրային գերակա շահ ճանաչելու ճանապարհով, ի հայտ կգան լրջագույն խնդիրներ, և պետության վրա կմնա միլիարդավոր դոլարներ ՀԷՑ–ին փոխհատուցելու պարտավորություն։ Այս մասին Sputnik Արմենիայի հետ զրույցում ասաց «Իրավական կրթություն և վերահսկողություն» ՀԿ–ի իրավաբան Ռոբերտ Հայրապետյանը։
Անցյալ շաբաթավերջին Իրանի երեք միջուկային օբյեկտների վրա ԱՄՆ ռազմական հարվածները չեն ոչնչացրել երկրի միջուկային ծրագրի հիմնական բաղադրիչները և, հավանաբար, այն միայն մի քանի ամսով հետ են մղել, ըստ ԱՄՆ հետախուզության գնահատականի, որը ուրվագծել են հարցին իրազեկ չորս անձինք։ Այս մասին հաղորդում է CNN-ը։
Իսրայելը հարվածներ հասցնելով Իրանի միջուկային օբյեկտներին՝ չի կարողացել հասնել իր նպատակներին և դրա համար բարձր գին է վճարել: Այդ մասին Իսլամական Հանրապետության բնակչությանը հղած ուղերձում հայտարարել է Իրանի նախագահ Մասուդ Փեզեշքիանը:
Իրանի արտգործնախարար Աբբաս Արաղչին Չինաստանի արտգործնախարար Վան Իի հետ հեռախոսազրույցում քննարկել է Իրանի դեմ «սիոնիստական ռեժիմի» և Միացյալ Նահանգների ձեռնարկած ագրեսիայից հետո տարածաշրջանային վերջին զարգացումները։
ՀՀ նախկին վարչապետ Կարեն Կարապետյաննը իր աջակցությունն է հայտնել գործարար Սամվել Կարապետյանին․
Հունիսի 17-ին գործարար Սամվել Կարապետյանի տանն իրականացված խուզարկությունների ընթացքում տան շրջակայքից ոստիկանների կողմից առգրավված 50 մեքենաները դեռևս չեն վերադարձվել իրենց սեփականատերերին. իրավապահները ո´չ առգրավման պահին են որևէ հիմնավորում ներկայացնել, ո´չ հիմա: Այս մասին NEWS.am-ի հետ զրույցում ասաց փաստաբան Տիգրան Հայրապետյանը:
Իրանում հունիսի 13-ից ի վեր Իսրայելի հարվածների հետևանքով զոհվել է առնվազն 606 մարդ, հայտնել է Իրանի առողջապահության նախարար Մոհամմադ Ռեզա Զաֆարգանդին, փոխանցում է ՏԱՍՍ-ը։
«Ռիո Մոլի» ողջ անձնակազմն իր աջակցությունն է հայտնել առևտրի կենտրոնի հիմնադիր, գործարար, բարերար Սամվել Կարապետյանին` ակնկալելով նրա շուտափույթ ազատ արձակումը։ Այդ մասին հայտարարություն է տարածել առևտրի կենտրոնի աշխատակազմը։
Ռուսաստանի իշխանությունները արգելել են ՀՀ ԱԺ «Քաղաքացիական պայմանագիր» խմբակցության պատգամավոր, գործարար Խաչատուր Սուքիասյանի մուտքը երկիր։ Տեղեկությունը հայտնում է 24News-ը` հղում անելով դիվանագիտական աղբյուրներին։