Երեկվա ԱԺ նիստը բացառիկ էր իր բովանդակային և կատարողական գռեհկությամբ։ Հավաքվածները հուշեր էին պատմում հանգուցյալի մասին, որի դերում, ըստ էության, մենք էինք՝ մեր պետությունը, մեր հեռանկարը։ Նիկոլը վայելում էր, որ իրեն դիմում են «Մեծարգո»-ով, ինչը արվում էր ջանասիրաբար, բայց հոգու խորքում երևի ծիծաղում էր վրաները։
Ինչո՞ւ Ջհանգիրյանի առանձնատները չեն ընկնում բռնագանձման հոդվածի տակ Անցած տարվա հունիսի 20-ին Բարձրագույն դատական խորհրդի (ԲԴԽ) նախկին նախագահ Ռուբեն Վարդազարյանը մամլո ասուլիս հրավիրեց, որի ընթացքում ներկայացրեց 2021 թվականի փետրվարին Շիրակ հյուրանոցի ռեստորանում (Զաքյան-Խորենացի փողոցների խաչմերուկ) Գագիկ Ջհանգիրյանի հետ իր զրույցի գաղտնի ձայնագրությունը։
Երկու արտասահմանցիներ են վիրավորվել Երասխում օտարերկրյա ներդրումների միջոցով կառուցվող հայ-ամերիկյան մետալուրգիական գործարանի ուղղությամբ ադրբեջանական կրակի հետևանքով, հաղորդում է Հայաստանի ՊՆ-ն։ «Ադրբեջանի պաշտպանության նախարարությունը, 11:30-ի սահմաններում տարածելով ապատեղեկատվություն այն մասին, թե իբր ՀՀ ԶՈՒ-ն կրակ է բացել Երասխի հատվածում տեղակայված ադրբեջանական դիրքերի ուղղությամբ, ստեղծելով տեղեկատվական հիմք, 10-15 րոպե անց՝ ժամը 11:45-ի սահմաններում, նույն ուղղությամբ կրակ է բացել Երասխում օտարերկրյա ներդրումների միջոցով կառուցվող մետալուրգիական գործարանի ուղղությամբ, ինչի հետևանքով վիրավորում են ստացել օտարերկրյա 2 քաղաքացի»,-ասվում է հայկական պաշտպանական գերատեսչության հայտարարության մեջ, հաղորդում է ԱՌԿԱ-ն։
Այսօր առավոտյան ձերբակալվել և ՔԿ է ներկայացվել ՀՀԿ փոխնախագահ Արմեն Աշոտյանը: Տարիներ առաջ հարուցված շինծու քրեական գործն ի սկզբանե Արմեն Աշոտյանին մեկուսացնելու նպատակ է հետապնդել, բայց գործի քաղաքական բնույթն այնքան ակնհայտ էր, որ անգամ Հայաստանի գործող կառավարիչների ուղղակի ղեկավարման տակ գտնվող քննչական մարմինները չէին կարողանում նրան մեկուսացնելու որոշում կայացնել:
Ռազմական փորձագետ Կարեն Վրթանեսյանը սահմանային լարված իրավիճակն ու ՀՀԿ փոխնախագահ Արմեն Աշոտյանի ձերբակալությունն իրար հետ չի կապում:
ԱՄՆ-ն ստիպում է Լեռնային Ղարաբաղի ներկայացուցիչներին հանդիպել Ադրբեջանի ներկայացուցիչների հետ, մերժման դեպքում սպառնում են հակաահաբեկչական գործողությամբ։ Այս մասին «ՌԻԱ Նովոստի»-ին հայտնել է Վաշինգտոնում դիվանագիտական աղբյուրը։ Աղբյուրը նաև նշում է, որ «խաղաղապահ նախաձեռնության» լոբբինգն իրականացնում է Լեռնային Ղարաբաղի արտգործնախարար Սերգեյ Ղազարյանը, ում շահերը լիովին համընկնում են Ադրբեջանի շահերի հետ։
Թուրք-ադրբեջանական դաշինքը փաստացիորեն ձեռք չի քաշում զանգեզուրյան «միջանցք» եզրույթից, որն իրականում թուրանական միջանցք է, Aysor.am-ի թղթակցի հետ զրույցում ասաց իրանագետ Վարդան Ոսկանյանը՝ արձագանքելով Թուրքիայի նախագահ Էրդողանի հայտարարությանը։
Եվրոպական խորհրդարանում ԵՄ բարձր ներկայացուցիչ Ժոզեֆ Բոռելի հետ եվրոպատգամավորների հետ այսօրվա հարցուպատասխանի բովանդակությունից դուրս մնաց մի շատ կարևոր դրվագ, որի տեսանյութը ներկայացնում եմ ստորև:
Արցախի նախկին պետնախարար Ռուբեն Վարդանյանն իր ֆեյսբուքյան էջում գրել է. «Վերջերս տարբեր տեղերից ավելի հաճախ եմ լսում այլընտրանքներ չունենալու մասին: Այսօր իբր այլընտրանք չունենք, քան ապօրինի անցակետն օգտագործելը, վաղը միգուցե այլ կարմիր գիծ հատելու «այլընտրանք չենք ունենա»... Բարեբախտաբար, Արցախում այդպես մտածողները շատ չեն, քանի որ մեր պատմությունը մեզ ապացուցել է, որ այլընտրանքներ միշտ կան, պարզապես դրանք ոչ միշտ են հեշտ և հաճախ պահանջում են շատ ծանր աշխատանք, ուժերի կենտրոնացում ու համախմբում, հրաժարում շատ բաներից, նվիրում: Բայց միայն այդպես մենք կարող ենք ստիպել, որ մեզ հարգեն ու մեզ հետ հաշվի նստեն:
Համաշխարհային աշխարհաքաղաքականության մեջ բոլորը՝ մեծից փոքր, նայում են ռուս-ուկրաինական ճակատին։ Հակամարտության ահագնացումը շարունակվում է, հաղորդվում է, որ այսօր մեկնարկում են ՆԱՏՕ-ի ողջ պատմության ընթացքում ռազմաօդային ուժերի խոշորագույն զորավարժությունները, իսկ Ատլանտյան օվկիանոսում վխտում են ամերիկյան ատոմային սուզանավերը: