Գերմանիայի նախագահ Ֆրանկ-Վալտեր Շտայնմայերը ժամանեց Հայաստան: Այս մասին հայտնում է Armenpress.am-ը:

Իշխող «Քաղաքացիական պայմանագիր» կուսակցությունը ջախջախիչ պարտություն է կրել Արմավիրի մարզի Փարաքար խոշորացված համայնքի ավագանու արտահերթ ընտրություններում՝ հավաքելով ձայների ընդամենը 31.89%-ը (3669 ձայն)։

«Մայր Հայաստան» դաշինքը, ինչպես և հայտարարել էր, պատրաստ է իր ձայնը տալ առավելագույն քվեներ ստացած ընդդիմադիր ուժին, որպեսզի «Քաղաքացիական պայմանագիրը» իշխանազրկվի Գյումրիում, բայց դա բավարար չէ՝ գնդակն այժմ ավագանի անցած մյուս ընդդիմադիրների դաշտում է։ Այս մասին հայտարարել է «Մայր Հայաստան» դաշինքի առաջնորդ Անդրանիկ Թևանյանը։

Կենտրոնական ընտրական հանձնաժողովը ժամը 05:23-ի դրությամբ հրապարակել է Գյումրիում բացված 82 ընտրատեղամասից 56-ի քվեարկության արդյունքները։

Գյումրին այս պահին հոսանքազրկվել է: Նշենք, որ այս պահին դեռ ընթանում են քվեաթերթիկների հաշվարկման գործընթացը:

Գյումրի և Փարաքար համայնքներում տեղի ունեցող տեղական ինքնակառավարման մարմինների ընտրությունների ընթացքում արձանագրվել է ատելության, խտրական խոսքի ու հասարակության բևեռացման բարձր մակարդակ, ինչն անթույլատրելի է։ Այդ մասին նշված է ՀՀ մարդու իրավունքների պաշտպանի հայտարարության մեջ։

Հայաստանի երկրորդ քաղաքում այս պահին շարունակվում է ներկայացուցչական մարմնի արտահերթ ընտրություններում ձայների հաշվարկը։ Հաղորդումներ են ստացվում, որ որոշ ընտրատեղամասերում, որտեղ հաշվարկը ուշ է սկսվել, լարված իրավիճակ է ստեղծվել: Մասնավորապես՝ 31/69 ընտրատեղամասում։

«Այն, ինչ կատարվում է Գյումրիում, բոլորիդ աչքի առաջ է` «ժողովրդավարության բաստիոնում» «ազատ, արդար, թափանցիկ» ընտրություններ են ընթանում։ Այս ամենը մեծամասամբ մեր դեմ է կատարվում»,- ասուլիսում ասաց Գյումրու ընտրություններին մասնակցող «Մեր քաղաքը» դաշինքի քաղաքապետի թեկնածու Մարտուն Գրիգորյանը։  

Փարաքար և Գյումրի համայնքներում, նախնական տվյալներով, քվեարկությանը մասնակցել է 58978 ընտրող կամ ընտրական իրավունք ունեցող քաղաքացիների 44.61%-ը: Տեղեկությունը հայտնում է ՀՀ կենտրոնական ընտրական հանձնաժողովը։