Ռուսաստանն ու Միացյալ Նահանգները նոր հանդիպում են նախապատրաստում երկկողմ հարաբերություններում գրգռիչները վերացնելու և շփումները կարգավորելու համար։ Ըստ ТАСС-ի՝ դրա մասին լրագրողներին հայտնել է ՌԴ արտգործնախարար Սերգեյ Լավրովը: Ըստ ՌԴ ԱԳՆ ղեկավարի՝ Մոսկվան և Վաշինգտոնը երկու երկրների նախագահների հավանությամբ աշխատում են երկու մայրաքաղաքներում դեսպանատների աշխատանքին «այսպես կոչված գրգռիչների վերացման» թեմայով։

Միացյալ Նահանգները երեքշաբթի նոր պատժամիջոցներ է սահմանել Իրանին առնչվող վեց կազմակերպությունների և երկու ֆիզիկական անձանց նկատմամբ: Դրա մասին հայտնում է ԱՄՆ ֆինանսների նախարարության կայքը։

Հանրային ռադիոյի գործադիր տնօրեն Արմեն Քոլոյանը չի կարդում կնոջ ֆեյսբուքյան գրառումները և ընդհանրապես չի ցանկանում մեկնաբանել դրանք։ Sputnik Արմենիայի հետ զրույցում այս մասին ասաց ինքը` Քոլոյանը։

Հայաստանի Հանրապետությունում արձանագրվել է պետական սահմանն ապօրինի հատելու դեպքերի էական աճ։ Այս մասին նշված է ՀՀ գլխավոր դատախազության 2024 թվականի գործունեության հաշվետվության մեջ։

ՀՀ ԶՈՒ ԳՇ նախկին պետ, գեներալ-գնդապետ Մովսես Հակոբյանին և ՀՀ ԶՈւ հրթիռային զորքերի և հրետանու վարչության նախկին պետ, գեներալ-մայոր Արմեն Հարությունյանին մեղադրում են պաշտոնեական անփութության մեջ։

Հռոմի Ֆրանցիսկոս Պապի որոշմամբ՝ երեք երանելիներ, այդ թվում՝ Հայոց ցեղասպանության ժամանակ նահատակված հայ կաթոլիկ արքեպիսկոպոս Երանելի Իգնատիոս Շուքրալահ Մալոյանը կսրբադասվեն։

Ապրիլի 1-ին, տեղական ժամանակով ժամը 13:56-ին (Գրինվիչի ժամանակով` ժամը 09։56-ին) ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 41.10⁰ և արևելյան երկայնության 43․96⁰ աշխարհագրական կոորդինատներով Հայաստան-Վրաստան սահմանային գոտի՝ Բավրա գյուղից 13 կմ հարավ-արևելք, օջախի 10 կմ խորությամբ, 3․5 մագնիտուդով երկրաշարժ։

Ռուսաստանը և ԱՄՆ-ը շարունակում են շփումներն ուկրաինական կարգավորման թեմայով, սակայն քննարկվող հարցերը շատ բարդ են։ Այս մասին ճեպազրույցում նշել է ՌԴ նախագահի մամուլի քարտուղար Դմիտրի Պեսկովը՝ խաղաղ գործընթացում անբավարար հաջողության դեպքում ռուսական նավթարդյունաբերության դեմ պատժամիջոցներ կիրառելու Վաշինգտոնի սպառնալիքների համատեքստում, փոխանցել է ՏԱՍՍ-ը։

2024 թվականի ընթացքում Հայաստանի Հանրապետությունում արձանագրվել է հանցագործության 40 հազար 232 դեպք (2023 թվականին՝ 40 հազար 666 դեպք), որոնցից 18 հազար 397-ը (2023 թվականին՝ 20 հազար 231 դեպք)՝ Երևան քաղաքում: 2023 թվականի համեմատությամբ՝ հանցագործության դեպքերը նվազել են 434-ով կամ 1.1%-ով: