Այսօր՝ մարտի 28-ին, կրակոցներ են հնչել Տավուշի մարզում: Ժամը 01:00-ի սահմաններում «կրծքվանդակի հրազենային վնասվածք» ախտորոշմամբ «Դիլիջան» բժշկական կենտրոն է տեղափոխվել մի քաղաքացի, հաղորդում է Shamshyan.com-ը:

Էպիկենտրոնում 7,7 բալ ուժգնությամբ հզոր երկրաշարժ է գրանցվել Մյանմայում, որին 10 րոպե անց հետևել է 6,4 բալ ուժգնությամբ հետցնցում։ Ցնցումները զգացվել են հարևան հինգ երկրներում, այդ թվում՝ Թաիլանդում:  

Միացյալ Նահանգները մտահոգություն է հայտնել Թուրքիայում անկայունության վերաբերյալ, ասել է ԱՄՆ պետքարտուղար Մարկո Ռուբիոն։

«Հրապարակ» թերթը գրում է. «Գյումրեցի որոշ թեկնածուների «պատերին ծեփելու, ասֆալտին փռելու» Փաշինյանի սպառնալիքներից մեկ օր անց իրավապահները երեկ մասսայական խուզարկություններ իրականացրին թեկնածուների գրասենյակներում: Մարտուն Գրիգորյանի որդուն և հորը ձերբակալեցին։

Հակակոռուպցիոն դատարանը մերժել է ընդդիմադիր Մարտուն Գրիգորյանի գլխավորած «Մեր քաղաքը» դաշինքի շտաբի անդամ Սուրեն Գասպարյանի նկատմամբ վարչական հսկողություն կիրառելու միջնորդությունը, հայտնել է փաստաբան Արսեն Բաբայանը։

Այսօր՝ ժամը 11:20-ին, Գյումրու քաղաքապետի թեկնածու Մարտուն Գրիգորյանի փաստաբան Արսեն Բաբայանը Հակակոռուպցիոն դատարանի մոտ կարևոր հայտարարությամբ է հանդես գալու։

Իրանն ԱՄՆ-ին է փոխանցել ԱՄՆ նախագահ Դոնալդ Թրամփի նամակի պաշտոնական պատասխանը։ Թրամփն իր նամակում պնդել է միջուկային ծրագրի շուրջ նոր համաձայնագրի կնքման անհրաժեշտությունը: Այս մասին հայտնում է IRNA գործակալությունը՝ վկայակոչելով Իրանի արտաքին գործերի նախարար Աբբաս Արաղչիին։

Միացյալ Նահանգները կասեցրել է Առևտրի համաշխարհային կազմակերպությունում վճարումները, հայտնում է Reuters-ը՝ վկայակոչելով առևտրի ոլորտի աղբյուրները։ ԱՄՆ նախագահ Դոնալդ Թրամփի վարչակազմը նահանջում է համաշխարհային ինստիտուտներից, որոնք, ըստ նրա, հակասում են նրա «Առաջին հերթին Ամերիկա» տնտեսական քաղաքականությանը, հայտնում են լրատվամիջոցները։

Արկտիկայի նշանակությունը Ռուսաստանի և ամբողջ աշխարհի համար անշեղորեն աճում է, ինչը հանգեցնում է տարածաշրջանում ազդեցության համար աշխարհաքաղաքական մրցակցության ուժեղացման: Այս մասին հայտարարել է Ռուսաստանի նախագահ Վլադիմիր Պուտինը՝ ելույթ ունենալով «Արկտիկա՝ երկխոսության տարածք» միջազգային համաժողովի լիագումար նիստում։ Նրա խոսքերը մեջբերում է ՌԻԱ Նովոստին։