Բաքվում Ռուսասական տան շուրջ ստեղծված իրավիճակը կարող է քննարկվել Ռուսաստանի Դաշնության և Ադրբեջանի նախագահներ Վլադիմիր Պուտինի և Իլհամ Ալիևի միջև, երբ ամենաբարձր մակարդակով շփումներ տեղի ունենան։ Այդ հնարավորությունը լրագրողների հետ զրույցում չի բացառել ՌԴ ղեկավարի մամուլի քարտուղար Դմիտրի Պեսկովը, փոխանցում է ՏԱՍՍ-ը։

Արցախի Հանրապետության ՊԲ նախկին հրամանատար Ջալալ Հարությանը դատապարտվեց ազատազրկման։ Սյունիքի մարզի ընդհանուր իրավասության դատարանը՝ դատավոր Գարիկ Աբելյանի նախագահությամբ, քիչ առաջ հրապարակեց Ջալալ Հարությունյանի գործով վճիռը՝ դատապարտելով նրան ազատազրկման՝ 5 տարի 6 ամիս ժամկետով։ Այս մասին «Փաստինֆո»-ն տեղեկանում է տուժողների իրավահաջորդների ներկայացուցիչ Լիպարիտ Սիմոնյանից։

Զանգեզուրի պղնձամոլիբդենային կոմբինատն աշխատանքից ազատման հրամաններ են տրվել ութ աշխատակիցների, ովքեր մասնակցում են գործադուլի։

Շրջանառության հարկի համակարգի վերանայման օրենսդրական նախաձեռնությունը, որն առնչվում է ավելի քան 55 հազար տնտեսվարող սուբյեկտների, ընդունվել է առանց պատշաճ հանրային քննարկման։ Այս մասին փետրվարի 7-ին Ազգային ժողովում հայտարարեց ՓՄՁ համագործակցության ասոցիացիայի ղեկավար Հակոբ Ավագյանը՝ ԱԺ Տնտեսական հարցերի մշտական ​​հանձնաժողովի նախաձեռնած փոքր և միջին բիզնեսի հիմնախնդիրների թեմայով քննարկումների ժամանակ։

«․․․Թող նրանք, ովքեր կարող էին լինել մեր տեղում, իրենց հարց տան, իրենք ինչպես կվարվեին․․․» Դավիթ Բաբայան

Նիկոլ Փաշինյանի մամուլի խոսնակը ֆեյսբուքյան էջում գրել էր, թե Սպիտակ տանը տեղի է ունեցել Նիկոլ Փաշինյանի հանդիպումը Միացյալ Նահանգների փոխնախագահ Ջեյմս Դեյվիդ Վենսի հետ։ Հանդիպման ընթացքում քննարկվել են Հայաստան-ԱՄՆ երկկողմ հարաբերություններին, ինչպես նաև տարածաշրջանային օրակարգին վերաբերող հարցեր։

Ամեն անգամ, երբ ՔՊ-ական իշխանությունը ստիպված է լինում բախվել հայկական ֆուտբոլի լեգենդ Հենրիխ Մխիթարյանի սկզբունքայնության հետ, երբ վերջինիս անունն առանց արհեստական աղմուկի ու բարձրագոչ հայտարարությունների, օրեր շարունակ չի իջնում հասարակության շուրթերից, փաշինյանամերձ տարբեր տրամաչափի հայտնի ու անհայտ «գործիչներ» սկսում են ժայթքել թույնի հերթական չափաբաժինն ու հայրենասիրության դասեր տալ, իսկ պետական բարձր պաշտոն զբաղեցնող անձինք էլ հաճույքով հավանում են նմանատիպ գրառումները:

Գյումրու նախկին քաղաքապետ Սամվել Բալասանյանի որդին՝ Խաչատուր Բալասանյանը, կշարունակի մնալ արգելանքի տակ։ Տեղեկությունը Sputnik Արմենիայի հետ զրույցում հաստատեց Հակակոռուպցիոն դատարանի խոսնակ Արմինե Նովրուզյանը։

Ռուսաստանը ափսոսում է Բաքվում Ռուսաստանի տան փակման համար և դա համարում է թյուրիմացություն, որը հնարավոր է լուծել երկխոսության միջոցով, հայտարարել է ՌԴ նախագահի մամուլի քարտուղար Դմիտրի Պեսկովը, փոխանցում է РИА Новости-ն։