Համընդհանուր հայտարարագրման համակարգի ներդրման հետևանքով 2025թ–ի փետրվարին կանխիկի շրջանառությունը ՀՀ–ում ավելացել է 22 մլրդ դրամով։ Sputnik Արմենիայի հետ զրույցում ասել է «Ապրելու երկիր» կուսակցության համահիմնադիր, աշխատանքի և սոցիալական հարցերի նախկին նախարար Մեսրոպ Առաքելյանը։

Այս իշխանությունը հեռանկար չունի և սրանց ստեղծած համակարգը փլվելու է ու որքան շուտ դա տեղի ունենա, այնքան երկիրը առավել քիչ կորուստներ կկրի: Այս մասին գրում է ԱԺ «Պատիվ ունեմ» խմբակցության պատգամավոր Տիգրան Աբրահամյանը:

ՀՀ վարչապետ Նիկոլ Փաշինյանը կոպիտ սխալ է թույլ տալիս, երբ արդարացնում է Երևանում բնակարանների գույքահարկի բազմակի թանկացումը և դա բացատրում նրանով, որ հարկային բեռի ավելացումը պայմանավորված է այդ անշարժ գույքի թանկացմամբ։ Վարչապետը խիստ խեղաթյուրված պատկերացում ունի անշարժ գույքի շուկայի օրենքների վերաբերյալ, բացի այդ նա իրավունք չունի մարդկանց տեղափոխվելու կոչերով հանդես գալ։ Sputnik Արմենիայի հետ զրույցում նման կարծիք հայտնեց փորձագետ, «Այլընտրանքային նախագծեր» խմբի համահիմնադիր Վահե Հովհաննիսյանը։

Հարգելի քաղաքացինե՛ր, ձեզ ստում են, երբ ասում են, թե բարձր գույքահարկը հարստացնում է քաղաքացուն: Այս մասին ֆեյսբուքյան իր էջի ուղիղ եթերում հայտնել է ԱԺ «Հայաստան» խմբակցության պատգամավոր Թադևոս Ավետիսյանը։

«Հարավկովկասյան երկաթուղի» ընկերությունը հայտարարում է գարնանային զեղչեր Երևան-Թբիլիսի-Երևան միջազգային գնացքի տոմսերի ձեռքբերման համար: Մասնավորապես, փետրվարի 22-ից կգործեն 25% զեղչեր գնացքի բոլոր կատեգորիաների տոմսերի համար՝ պլացկարտ, կուպե, ՍՎ։

Ամերիաբանկը դրամային ավտովարկերի պորտֆելով ՀՀ բանկային համակարգի բացարձակ առաջատարն է շուկայի ավելի քան 50% մասնաբաժնով (31․12․2024թ․ դրությամբ)։ Ամերիաբանկի դրամային ավտովարկերի պորտֆելը 2024թ․-ին նախորդ տարվա համեմատ աճել է 49%-ով։  

«Հրապարակ» թերթը գրում է. «Դեկտեմբերի 17-ին ԱՄՆ-ում ՀՀ դեսպան Լիլիթ Մակունցը քննարկում էր կազմակերպել՝ նվիրված ԱՄՆ Միջազգային զարգացման գործակալության` USAID-ի «տևական ազդեցությանը ՀՀ տնտեսական զարգացման և ժողովրդավարության ամրապնդման գործում»: Միջոցառումը, որն ավելի շատ նման էր ՄԶԳ կառավարիչ Սամանթա Փաուերի մեծարման երեկոյի, վարել է Հայաստանում ԱՄՆ նախկին դեսպան Մարի Յովանովիչը:

«Ժողովուրդ» օրաթերթը գրում է. «2024 թվականից մեկնարկել է ֆիզիկական անձանց եկամուտների համընդհանուր հայտարարագրման համակարգի երկրորդ փուլը, որի շրջանակում 2024 թվականի հաշվետու տարվա համար հայտարարագրերը ներկայացվում են մինչև 2025 թվականի նոյեմբերի 1-ը ներառյալ։ Այս համակարգի շրջանակում հայտարարագիր է լրացրել 5 հազար 766 ֆիզիկական անձ, այս մասին «Ժողովուրդ» օրաթերթի հարցմանն ի պատասխան հայտնել են ՀՀ պետական եկամուտների կոմիտեից։

Եգիպտոսում հնագետները սկսել են Ռամզես փարավոնի հնագույն տաճարի վերականգնումը, տեղեկացրել է Fox News-ը։