2021-09-01 17:49
Рубен МАРГАРЯН
ՏՈՆԵԼՈՒ ՊԱՐՏԱԿԱՆՈՒԹՅՈՒՆ
Սեպտեմբերի 1-ին Արցախի խորհրդարանի հատուկ նիստով, ինչպես միշտ, մեկնարկում են հանրապետության Անկախության օրվան նվիրված հանդիսավոր միջոցառումները: Ճիշտ է, այս անգամ միջոցառումներին ներկա չի լինի Հայաստանի վախեցած բարձրագույն ղեկավարությունը. խորհրդարանական բոլոր երեք խմբակցությունների ներկայացուցիչների կազմով Երևանի պատվիրակությանը կգլխավորի Ազգային ժողովի փոխխոսնակներից մեկը։
Հավանաբար, առաջիկա օրերին պետք է սպասել Բաքվի հերթական սադրանքներին, բայց խնդրի էությունը դրանից չի փոխվում. այո, Ադրբեջանի ագրեսիայի հետևանքով հանրապետությունը կորցրել է իր տարածքների զգալի մասը, բայց ինչպես որ արդեն 30 տարի է, ինչ Ադրբեջանի կազմում չէ, այնպես էլ շարունակում է մնալ դրա կազմից դուրս։
Մի՞թե Իլհամ Ալիևը հույս ունի, թե Արցախը կճանաչի իր սյուզերենությունը։ Կա՛մ Արցախը չի լինի Ադրբեջանի կազմում, ինչպես որ ներկայումս է, և Ալիևն ինչպես որ պատերազմից առաջ իշխանություն չուներ Արցախում, այնպես էլ չունի հիմա, կա՛մ Արցախում պարզապես հայեր չեն լինի։ Հավանաբար, հենց այդ գիտակցումն էլ դրդեց Ադրբեջանի առաջնորդին հայատյաց հայտարարությունների նոր չափաբաժին անել, որոնք նա օրերս հնչեցրեց բռնազավթված Շուշիում։
Կարո՞ղ է արդյոք Բաքուն պահանջել ռուս խաղաղապահների դուրսբերում, որոնք այսօրվա դրությամբ արցախցիների խաղաղ կյանքի գլխավոր երաշխավորն են: Պահանջել դա հիմա կամ 4 տարի անց։ Տեսականորեն՝ գուցեև կարող է: Բայց խաղաղապահների հետ կհեռանան նաև արցախցիները, եթե նրանք չունենան իրենց բանակը, որը կարող է պաշտպանել երկրի ինքնիշխանությունը։ Իսկ եթե Լեռնային Ղարաբաղն ունենա այդպիսի բանակ, ապա խաղաղապահների հեռանալուն պես պարզապես նոր պատերազմ կսկսվի։
Խաղաղապահների դուրսբերման միակ տեսական հնարավորությունը Արցախի կարգավիճակի հարցի լուծումն է։ Այո, նման դասավորության դեպքում դա ամենևին չի նշանակում անվտանգության երաշխիքներ Արցախի համար՝ առանց ռուսական զորակազմի ներկայության, բայց գլխավոր հարցն այն է, թե կարո՞ղ է արդյոք այդ կարգավիճակը որոշվել Արցախի կամքի անտեսումով։ Ոչ։ Կհամաձայնի՞ արդյոք Արցախը Ադրբեջանի կազմում կարգավիճակի։ Կրկին ոչ։
Կարո՞ղ է արդյոք Բաքուն Արցախին առաջարկել մի այնպիսի բան, որին ի պատասխան կստանա արցախցիների համաձայնությունը. ենթադրենք՝ լայն ինքնավարություն։ Ասենք՝ վերադարձնել Հադրութը։ Նախ՝ Իլհամ Ալիևը նման քայլի չի գնա, երկրորդ՝ նույնիսկ այդ պարագայում դժվար է պատկերացնել, որ Ստեփանակերտը ճանաչի Բաքվի գերակայությունն ու համաձայնի ռուս խաղաղապահների դուրսբերմանը։ Այսպիսով, Արցախի կարգավիճակի հետ կապված բոլոր հարցերը եթե ոչ փակուղային, ապա ծայրաստիճան տևական գործընթացներն են։
ԿԱՐՈ՞Ղ Է ԱՐԴՅՈՔ ԻՆՉ-ՈՐ ԲԱՆ ՆՊԱՍՏԵԼ ԽԱՂԱՂ ԳՈՐԾԸՆԹԱՑՆԵՐԻ ԱՐԱԳԱՑՄԱՆԸ։ Մոսկվան համարում է, թե դրան կարող է նպաստել հաղորդակցության ուղիների ապաշրջափակումը տարածաշրջանում։ Թվում է, թե կողմերի բարի կամքի դեպքում գործընթացը կարելի է սկսել. Սկզբի համար բացել գոյություն ունեցող կապուղիները, իսկ հետո մտածել նաև նորերի մասին։ Բայց, ինչպես տեսնում ենք, Բաքվի բարի կամք այդ հարցում չկա, այլ հակառակը, կա ձգտում՝ արգելափակելու Հայաստանի տարածքով անցնող կապուղիները։
Թուրքիան կարող էր առաջին քայլն անել և բացել սահմանը, որը կողպած է պահում 1992 թվականից ի վեր, սակայն մտադիր չէ դա անել։ Էրդողանը կրկին խոսում է ինչ-որ նախապայմանների մասին։ Թուրք լրագրողների հետ զրույցում նա ճամարտակում էր, թե սկզբում պետք է կայունացնել խաղաղությունը, հետո նոր մտածել հաղորդակցությունների մասին։ Ընդ որում, ակնհայտորեն, նկատի ուներ Երևանի կողմից Արցախի ճանաչումն Ադրբեջանի կազմում, ինչն անհնար է։
Բացի այդ, Էրդողանը հայտարարեց, որ Հայաստանի հետ հարաբերությունների կարգավորման մասին կարելի է խոսել միայն այն բանից հետո, երբ Երևանը դադարի շեշտադրել անցյալը, այսինքն՝ մոռանա և՛ Ցեղասպանությունը, և՛ 44-օրյա պատերազմը, որում Թուրքիան ակտիվորեն ներգրավված էր: Մի խոսքով, այստեղ նույնպես փակուղի է։
Եզրահանգումը պարզ է: Ստեփանակերտն ու Երևանը չունեն այլ ճանապարհ, քան հզորանալ, հզորանալ ու հզորանալ։ Ամրապնդել պետական ինստիտուտները՝ կառույցներից հետևողականորեն դուրս նետելով կոսմոպոլիտ ուժերին, որոնք պետականության կորստի շեմին հասցրեցին Հայաստանն ու Արցախը։ Մեծ դեր ունի, ի դեպ, խորհրդարանական ընդդիմությունը։ Ինչպես ասում է Սեյրան Օհանյանը, եթե խնդիրը լուծված չէ, բայց մեկ գիծ վերցված է, ապա պետք է ամրացնել այդ գիծը՝ նախադրյալներ ստեղծելով հետագա առաջխաղացման համար։
Եվ ուրեմն, Արցախն ունի իր Անկախության օրը տոնելու ոչ միայն իրավունք, այլև պարտականություն։ Այդ իրավունքը, այդ պարտականությունը վերջին պատերազմում հերոսաբար պաշտպանել և, ի վերջո, սեփական կյանքի գնով պահպանել են Հայաստանի և Արցախի հազարավոր որդիներ։
Հ.Գ.- ՀՀ վարչապետ Նիկոլ Փաշինյանը օգոստոսի 31-ից մինչև սեպտեմբերի 3-ը արձակուրդի մեջ է։ Ինչպես հաղորդում է նրա մամլո ծառայությունը, արձակուրդն անցկացնելու է Հայաստանում։ Թերահավատները համոզված են, որ այդ կերպ Փաշինյանը հերթական անգամ փախավ։ Այս անգամ՝ այն հարցերին պատասխանելուց, թե ինչու ինքը չի մասնակցելու Ստեփանակերտում կայանալիք հանդիսավոր միջոցառումներին։ Առանձին հատուկենտ լավատեսները չեն բացառում, որ Փաշինյանը կարող է այնուամենայնիվ համարձակվել այցելել Ստեփանակերտ՝ որպես մասնավոր անձ։ Դժվար թե. վախկոտը արձակուրդի ժամանակ էլ մնում է վախկոտ։
ПОСЛЕДНИЕ ОТ АВТОРА
-
2025-05-30 10:19Пашинян не был бы Пашиняном, если бы не воспользовался праздничными мероприятиями в Сардарапате для саморекламы. Поставив по правую руку от себя президента страны, а по левую - спикера парламента, Пашинян поделился с присутствующими другими официальными лицами и представителями силовых структур своими новыми «открытиями».
-
2025-05-29 09:48После заключения мирного договора, спустя 5 минут, армяне начнут торговать с азербайджанцами. Армяне смогут жить в Баку, а азербайджанцы в Армении, как армяне в Грузии. Автор этих «гениальных» мыслей - спикер парламента РА Ален Симонян. Тот самый, которого некоторые неполиткорректные господа называют человеком из аквариума, напоминая о видеоролике, героем которого был наш спикер в дни, когда большая политика не подозревала о его существовании. Николу Пашиняну стоит обеспокоиться. У него появился достойный конкурент по части… Как бы пополиткорректней выразиться… Не получается. Пусть читатель сам даст характеристику этим мыслям спикера армянского парламента.
-
2025-05-28 09:36Много слышим ласковых слов в адрес официального Еревана со стороны европейцев. Представители Еревана - желанные гости в Европе, европейские политики, разные самые, - желанные гости официального Еревана. Только вот странность: давно уже не слышно от европейских политиков не только слова, даже намека на осуждение этнической чистки, которую провел в Арцахе Алиев…
-
2025-05-27 09:24Обеспокоенный негативными процессами в отношениях между Москвой и Баку главный «евразиец» Александр Дугин написал открытое письмо президенту Азербайджана Ильхаму Алиеву. Непосредственным поводом послужило то, что лидер Евразийского движения Азербайджана Ибрагим Гасанов и его товарищ Ибрагим Гумбатов приговорены в Азербайджане «за шпионаж в пользу России» к тюремному заключению на срок 14 и 13 лет. Сообщается, что недавно был арестован еще один «евразиец».
ПОСЛЕДНЕЕ ПО ТЕМЕ
-
2021-11-08 20:40Ահա և մեկ տարի անցավ Լեռնային Ղարաբաղում 44-օրյա պատերազմի ավարտից: Օգտվելով այն հանգամանքից, որ Հայաստանում իշխանության է եկել պոպուլիստ-դիլետանտների թիմը, Ադրբեջանը, թուրքական զինված ուժերի և սիրիական թուրքամետ կազմավորումների վարձկան-ահաբեկիչների ջոկատների անմիջական աջակցությամբ, ռևանշ վերցրեց 90-ականների սկզբի Արցախյան պատերազմում կրած պարտության համար։ Այսօր Բաքվի վերահսկողության տակ են ոչ միայն տխրահռչակ յոթ շրջանները, այլև Շուշիի և Հադրութի շրջանները, որոնք Լեռնային Ղարաբաղի ինքնավարության կազմում ընդգրկված են եղել դեռևս ԽՍՀՄ տարիներին։ Հայաստանն ու Արցախը տվեցին առնվազն հինգ հազար զոհ (իշխանությունն այդպես էլ չներկայացրեց վերջնական անվանական ցուցակը), տասնյակ հազարավորները վիրավորվեցին, հարյուրավորները համարվում են անհետ կորած։ Տասնյակ, եթե ոչ հարյուրավոր գերիներ մինչ օրս մնում են Ադրբեջանի բանտերում։
-
2021-09-21 18:0730 տարի առաջ Հայաստանի ժողովուրդը հանրաքվեում քվեարկեց հանրապետության անկախության օգտին։ Սակայն իրավաբանորեն Հայաստանն անկախացավ միայն այն բանից հետո, երբ 1991-ի տարեվերջին Ելցինը, Կրավչուկը և Շուշկևիչը ստորագրեցին պայմանագիր, որը դադարեցրեց Խորհրդային Միություն անվանումով պետության գոյությունը։ Բայց, ինչն առավել կարևոր է. հասկանում ենք, որ մեր անկախ պետության կառուցումը փաստացի սկսվել է 1988-ին՝ Հայաստանի և Արցախի վերամիավորման շարժումով։
-
2021-09-21 10:38Նիկոլաթուրքերը հրավիրում են նշելու հանրապետության անկախության 30-րդ տարեդարձը Սեպտեմբերի 17-ին Գորիս-Կապան ավտոճանապարհի ոստիկանական կետում ադրբեջանցիները կանգնեցրել են Արցախի Հանրապետության ֆուտբոլի մանկապատանեկան հավաքականի ավտոբուսը: Տեսախցիկն արձանագրել է, թե ինչպես է ադրբեջանցի զինվորը ավտոբուսի կողային հատվածից դանակով քերում հայկական երկրորդ հանրապետության դրոշի պատկերը։
-
2021-09-07 17:06Ադրբեջանը և Թուրքիան զորավարժություններ են սկսել Քաշաթաղի (Լաչինի) շրջանում։ Սա նրանց առաջին համատեղ մարտավարական զորավարժություններն են Արցախի բռնազավթված տարածքում։ Ինչպես հաղորդում է Ադրբեջանի պաշտպանության նախարարությունը, հատուկ ուշադրություն է նախատեսվում հատկացնել ժամանակակից մարտական տեխնիկայի օգտագործման հմտությունների կատարելագործմանը դժվարանցանելի տեղանքում: