ՈՉ ՄԻ ԱՆՁՆԱԿԱՆ ԲԱՆ…
Քանի դեռ Ազգային ժողովը չի ընդունել վերակազմավորման մասին օրենքը, ցանկություն է առաջանում հանդես գալ քաղաքացիական նախաձեռնությամբ։ Այն է՝ օպտիմալացնել Մշակույթի նախարարությունը և միացնել ոչ թե մասամբ՝ Կրթության և մասամբ Քաղաքաշինության նախարարություններին, կամ է՞լ ինչ է այնտեղ ծրագրվում, այլ Ֆինանսների նախարարությանն ու հարկային տեսչությանը։ Առնվազն։
Կա նաԵՎ Գլխավոր դատախազությանը միացնելու տարբերակը։ Եվ այստեղ արդեն գծագրվում է բոլորովին անմխիթարական հեռանկար. գուցե Մշակույթի նախարարությունն օպտիմալացումից փրկելու բոլոր ձգտումները սխա՞լ էին, գուցե ընդհանրապես արժե այն օպտիմալացնել հիմնովի՞ն։ Մանավանդ որ հիմնավորումն ակնհայտ է, և այդ հիմնավորումը իսկը թրենդային է՝ գործառույթների բացարձակ նույնություն վերոնշյալ Ֆինանսների նախարարության և հարկային տեսչության հետ։ Քանզի հույսը, թե Մշակույթի նախարարությունը կսովորի կատարել իր անմիջական գործառույթը՝ պաշտպանել մշակույթի շահերը, մեռել է անվերադարձ։
Վերջերս վարչապետ Փաշինյանը խոսում էր նախարարություններում աշխատող մարդկանց մասին, որոնք ուրիշ բան ու գործ չունեն, բացի «Մալբերի» ծրագրով կառավարական որոշումներին հետևելուց, որպեսզի «իրենց հանրապետական ղեկավարներին ուղարկեն», և սխալվում էր։ Մշակույթի նախարարությունում, օրինակ, նստած են մարդիկ, որոնք այնտեղ հաստատ բան ու գործ չունեն և որոնք ստեղծում ու այդ նույն «Մալբերի»-ով ուղարկում են հերթական ղեկավար հրահանգները, խանգարելով ոչ միայն աշխատել, այլև ապրել նրանց, ովքեր զբաղվելու բան ունեն։
Օրերս Մշակույթի նախարարության ընդերքում ծնվեց և լույս աշխարհ եկավ հերթական թուղթը, որը բառացիորեն շոկի մեջ գցեց ՊՈԱԿ-ների տնօրեններին։
«Կազմակերպությունների բոլոր ղեկավարներին, որոնք գտնվում են նախարարության գերատեսչության տակ»,-այսպիսի համապարփակ դիմումով է սկսվում հերթական թղթոնը։
Հաջորդում է, ինչպես ասում են, «նամակի մարմինը». «Խնդրում ենք ձեզ մինչև 15.03.2019 Մշակույթի նախարարություն ներկայացնել քաղվածքներ ձեր ղեկավարած կազմակերպություններում աշխատող ֆիզիկական անձանց անձնական հաշիվներից՝ համաձայն հաստատված հաստիքային ցուցակով զբաղեցրած պաշտոնի»։ Ապա կցվում է վարչական մասնահատվածի հենց այդ հաստիքների ցուցակը. Ամեն տեսակի փոխտնօրենների, հաշվապահների, ադմինիստրատորների, կադրային աշխատողների, հսկիչների, գանձապահների և այլն։ Դե, և վերջում, բնականաբար, ստորագրությունը. նախարարի պաշտոնակար Նազենի Ղարիբյան։ Բա ո՛նց, առանց նրա կլինի՞։ Չէ, չի՛ լինի։
«Եթե մարդն ինձ մոտ աշխատում է, բարեխղճորեն կատարում իր պարտականությունները, աշխատավարձ է ստանում իմ կազմակերպությունում ու վճարում բոլոր հարկերը, ապա իմ ի՞նչ գործն է՝ նա գիշերը վագոն է դատարկում, թե՞ էլի ինչ-որ տեղ աշխատում։ Ես ի՞նչ իրավունք ունեմ քիթս խոթել նրա անձնական տվյալների մեջ»,- դառնացած գոռում էր Պարոնյանի անվան թատրոնի տնօրեն Կարո Շահբազյանը։ Որովհետև, եթե որևէ մեկը չհասկացավ, պարզաբանում եմ. Մշակույթի նախարարությունն իր ենթակայության տակ գտնվող տնօրեններից պահանջում է ներկայացնել իրենց ենթակաների բոլոր ֆինանսական հաշիվների տվյալները. ով որտեղ է հարկեր վճարում, և հետևաբար, հնարավոր է, համատեղության կարգով աշխատում երկու, իսկ գուցեև երեք տեղում։
Այդ հրահանգի հայտնվելը մի փոքրիկ գյուտի առիթ դարձավ։ Պարզվում է, արվեստի հաստատությունների ղեկավարները, որ արտաքուստ չափազանց բարեկիրթ մարդիկ են, գիտեն բազմաթիվ շա՜տ վատ, տպագրման ոչ ենթակա բառեր։ Եվ, պատկերացրեք, դրանք բոլորը հասցեագրված էին Մշակույթի նախարարությանը…
Կրքերը հանդարտվելուց հետո այն տնօրենները, որոնք վերջին շրջանում իրավագետներ էին վարձել (ո՞նց կլինի այսօր առանց նրանց. հաստատ՝ չի՛ լինի, և սա արդեն միանգամայն լուրջ), դիմեցին նրանց ծառայություններին։ Իրավագետները կազմեցին համազոր պատասխան, ճիշտ է, առանց հայհոյական արտահայտությունների, բայց ուղարկեցին նախարարությանն ուր որ հարկն է։ Կոնկրետ. հաստատությունների ղեկավարները չեն կարող Մշակույթի նախարարությանը ներկայացնել պահանջվող տվյալները, քանզի այդ պահանջը հակասում է Հայաստանի Հանրապետության Աշխատանքային օրենսգրքի 134-րդ հոդվածին։ Իսկ այնտեղ ասվում է, որ քաղաքացու անձնական տվյալները չեն կարող հրապարակվել առանց իր համաձայնության, բացառությամբ այն իրավիճակի, որը սպառնում է ՀՀ քաղաքացու կյանքին և առողջությանը։
Ինչպես նկատեց չափից ավելի սրամիտ մի տնօրեն. «Վերջին ժամանակներս իմ մեջ ամրանում է մի զգացողություն, թե ես ոչ թե պրոֆեսիոնալ թատրոն եմ ղեկավարում, այլ թատերական խմբակ՝ խիստ ռեժիմի գաղութում։ Եվ բոլորին պարզ է, թե շուրջը գողեր ու հանցագործներ են, իսկ ես ամենագլխավորն եմ նրանց մեջ»…
Թեպետ, Մշակույթի նախարարության նոր ղեկավար հրահանգը, ամենայն հավանականությամբ, ուղղված է ոչ թե արվեստի միջավայրում հանցագործ-կոռուպցիոներների որոնմանը, այլ ինչ-որ ուրիշ բանի։ Եթե տնօրենները ներկայացնեն իրենց աշխատակիցների անձնական տվյալները, ինչն օրենքի խախտում է, ապա կարելի է կազմել նոր ցուցակներ. նրանց, ովքեր աշխատում են մի քանի տեղում։ Եվ դրանք, ըստ երևույթին, մասնագետներ են, եթե այդքան պահանջված են։ Բայց պրոֆեսիոնալիզմը, ինչպես հայտնի է, թրենդից դուրս է։ Շատ ավելի լավ է օպտիմալացնել նրանց, և այդժամ հնարավոր կլինի հայտարարել, թե բացվել են նոր աշխատատեղեր։ Մշակույթի ոլորտում միջին աշխատավարձը դժվար թե գերազանցի 80 հազար դրամը։ Համատեղության դեպքում էլ շատ կուշտ չես լինի, բայց կառավարությանը դա էլ, ըստ երևույթին, չափից ավելի յուղալի է թվում։ Ժամանակին Ուինսթոն Չերչիլն ասել է. «Կապիտալիզմի բնածին արատը բարիքների անհավասարաչափ բաշխումն է, սոցիալիզմի բնածին արատը՝ աղքատության հավասարաչափ բաշխումը»… Կարելի է որքան ասես ճառաբանել գլուխներում և ուղեղներում աղքատության դեմ տարած հաղթանակի մասին, իսկ իրականում բոլորովին այլ բան է ստացվում։
Բայց ինչն առավել վշտալի է և, կարելի է նույնիսկ ասել՝ նողկալի, դա սեփական քաղաքացիների անձնական տվյալները ուրիշի ձեռքերով փորփրելու պետության փորձն է։ Չէ՞ որ այդպես կարելի է շա՜տ հեռուն գնալ։ Ճիշտ ժամանակն է հրավիրելու Ջուլիան Ասանժին՝ իր WikiLeaks-ով, երկրորդ աշխատանքից վաստակած փողերով։ Երեք «հա՛-հա՛» և երեք «սմայլիկ»… Եվ «Հազարավորների դժբախտություն՝ հանուն միլիոնների երջանկության». ինչ-որ տեղ մենք սա արդեն լսել ենք…
ПОСЛЕДНИЕ ОТ АВТОРА
-
2025-05-22 10:40
Культура, остающаяся верной своему неизменному принципу объединения людей под знаком взаимопонимания и гуманизма, созидания и сотворчества. 6 июля в рамках Московского Международного Театрального фестиваля им. А. П. Чехова состоится мировая премьера спектакля "ПЕНЕЛОПА" ереванского Государственного театра "Амазгаин" им. Соса Саркисяна - результат сотрудничества фестиваля и театра. Автор пьесы и режиссер - Симон Абкарян, наш соотечественник из Франции и мировая звезда. В "Амазгаин" прошла первая репетиция.
-
2025-05-21 11:03
Вместе с летом в нашу столицу впорхнет невесомое, прыгучее-летучее и всегда прекрасное искусство высокой хореографии. 2-5 июня в парке им. Туманяна будет проходить Ереванский фестиваль балета. Вот уж правда, ереванская мэрия, ставшая организатором этого проекта, внезапно решила выступить в качестве трикстера - того самого не подчиняющегося общим правилам антагониста "культурного героя", решившего поменять суть игрового процесса.
-
2025-05-17 09:53
Испанское от испанской певицы в ансамбле с испанским концертмейстером - из первых рук! "De España vengo", "Я из Испании" - так называется знаменитая песня Кончи из сарсуэлы Пабло Луны. "De España vengo", "Я из Испании" - так называется программа, с которой впервые в Ереване выступит легендарная испанская дива Айноа АРТЕТА.
-
2025-05-13 14:36
"... С семи часов утра к Босому начали звонить по телефону, а затем и лично являться с заявлениями... В них заключались мольбы, угрозы, кляузы, доносы, обещания произвести ремонт на свой счет... В числе прочего было потрясающее по своей художественной силе описание похищения пельменей, уложенных непосредственно в карман пиджака, два обещания покончить жизнь самоубийством и одно признание в тайной беременности..." - булгаковская стилистика описания очередных окаянных времен актуальности не утрачивает.
ПОСЛЕДНЕЕ ПО ТЕМЕ
-
2020-09-21 20:08
Դատելով խորհրդարանի նիստից՝ ԳԿՄՍ նախարար Արայիկ Հարությունյանն այդ կարգավիճակով չի տեղավորվում ապագա լուսավոր և բարգավաճ Հայաստանի պատկերում։ Եթե ավելի պարզ. խորհրդարանական ընդդիմադիր կուսակցությունները պահանջել են ԳԿՄՍՆ ղեկավարի հրաժարականը։
-
2019-05-04 21:13
Պրոֆեսիոնալ արվեստագետներն ու Նազենի Ղարիբյանը՝ որպես հանճար և չարագործ Եթե դու կառավարական հանձնաժողովի անդամ ես և քեզ դադարել են կանչել դրա նիստերին, ապա գուշակիր մեղեդին առաջին նոտայից։ Ճի՛շտ է։ Նախ՝ դու այլևս այդ հանձնաժողովի անդամ չես, երկրորդ՝ դա Մշակույթի նախարարության ստեղծած հանձնաժողովն է, երրորդ՝ գերատեսչությունը ղեկավարում է Նազենի Ղարիբյանը։ Համապատասխանաբար՝ զայրույթի նոտաներ արձակել չարժե. միայն ուրախություն ու հրճվա՛նք…
-
2019-03-14 14:26
Այսօր մենք ի կատար ենք ածում երկար տարիների մեր երազանքը` ազատագրում ենք Օպերայի շրջակայքը և հետ բերում մշակութային օջախի մթնոլորտը, Facebook–յան պաշտոնական էջում գրել է Երևանի քաղաքապետ Հայկ Մարությանը։
-
2019-03-05 08:25
Օրերս Analitik.am կայքում հայտնված հրապարակումը՝ «Սոս Սարգսյանի անվան պետական թատրոնը, Երգի պետական թատրոնը և մի շարք այլ ՊՈԱԿ-ներ լուծարվելու են» երկարաշունչ վերնագրով, անհուսալիորեն փչացրեց նույնիսկ այն մշակութային գործիչների շաբաթավերջը, որոնք չէին մտել «Շինդլերի ցուցակ»։ Թեպետ, փոխաբերությունը կոռեկտ չէ։ Շինդլերի ցուցակը փրկության ցուցակ էր։ Մշակույթի նախարարությանը՝ մահվան։ Այսպես թե այնպես պարզ է, որ օպտիմալացված, բայց լավատեսությամբ առլեցուն մշակույթի նախարարությունը չի պատրաստվում կանգ առնել նվաճածի վրա։