Թուրքիայի նախագահ Ռեջեփ Թայիփ Էրդողանը մտադիր է իշխող «Արդարություն և զարգացում» կուսակցության (Ak Parti) ղեկավար կազմի հետ նոր ռազմավարություն սահմանել քրդական հարցի լուծման համար։ Այս մասին հայտնում է կառավարամետ Yeni Şafak թերթը։

Ն․Ս․Օ․Տ․Տ․ Գարեգին Բ ամենայն հայոց կաթողիկոսը սուրբ Աստվածածնի ավետման տոնի և մայրության ու գեղեցկության օրվա առթիվ շնորհավորական ուղերձ է հղել։ Տեղեկությունը հայտնում է Մայր աթոռի տեղեկատվական համակարգը։

Այլ երկրների հետ ԱՄՆ-ի առևտրային դեֆիցիտը վերացնելու միակ միջոցը մաքսատուրքերն են, իր Truth Social սոցցանցում հայտարարել է ԱՄՆ նախագահ Դոնալդ Թրամփը։

Չինաստանը պատրաստ է ակտիվ մասնակցել հայկական ատոմային էներգետիկայի կառուցմանն ու զարգացմանը։ Sputnik Արմենիայի հետ զրույցում այս մասին ասաց Հայաստանում Չինաստանի գործերի ժամանակավոր հավատարմատար Մին Չենը։

Եվրամիության երկրներն առաջիկա օրերին կփորձեն միասնական ճակատով հանդես գալ ԱՄՆ նախագահ Դոնալդ Թրամփի սահմանած մաքսատուրքերի դեմ և, ամենայն հավանականությամբ, կհաստատեն նպատակաուղղված հակաքայլերի առաջին փաթեթը մինչև 28 միլիարդ դոլարի ԱՄՆ ներմուծման դեմ՝ ատամնաթելից մինչև ադամանդ, գրում է Reuters-ը։

Գյումրու քաղաքապետի թեկնածու Վարդան Ղուկասյանը պատրաստակամություն է հայտնել ըննդիմադիր ուժերի աջակցությամբ, «հին եռանդով», ստանձնել քաղաքապետի պաշտոնը և իր «ճոխ նախընտրական ծրագրերը» կյանքի կոչել։ Այդ մասին ասվում է Ղուկասյանի գրասենյակի տարածած հայտարարության մեջ։

Ռուսաստանը բաց է Հայաստանի հետ համագործակցության համար և պատրաստ է ամեն ինչի, ինչին պատրաստ է հայկական կողմը, Երևանում լրագրողներին է ասել ՌԴ նախագահի միջազգային մշակութային համագործակցության գծով հատուկ ներկայացուցիչ Միխայիլ Շվիդկոյը, տեղեկացնում է РИА Новости-ն։

Ըմբշամարտի համաշխարհային ֆեդերացիայի Եվրոպական խորհուրդը Օլիմպիական չեմպիոն, բազմակի մրցանակակիր, աշխարհի քառակի, Եվրոպայի յոթակի չեմպիոն, Եվրոպական խաղերի չեմպիոն, հունահռոմեական ոճի լեգենդար ըմբիշ Արթուր Ալեքսանյանին ճանաչել է որպես Եվրոպայի հունահռոմեական ոճի տարվա լավագույն ըմբիշ։ Այս մասին հայտնում է Հայաստանի ըմբշամարտի ֆեդերացիան:

Վրաստանի, Ադրբեջանի և Թուրքիայի խորհրդարանների միջև կստեղծվի եռակողմ համագործակցության մեխանիզմ։ Այս մասին Տաշքենդում հայտարարել է Վրաստանի խորհրդարանի նախագահ Շալվա Պապուաշվիլին։