Գասպար ԱԴԱՄՅԱՆ

հոդվածներ 156

Բոլոր հոդվածները

  • 2025-02-07 08:54
    639
    анализ

    ՃՆՇՈՒՄՆ ԱՃՈՒՄ Է, ՓԱՇԻՆՅԱՆԻՆ ՊԱՐՏԱԴՐՈՒՄ ԵՆ ԴՈՒՐՍ ԳԱԼ ՀԱՊԿ-ԻՑ

    «Մենք էլ չենք ուզում նահատակ լինել, ուզում ենք լինել սովորական ապրող ժողովուրդ»,- ԱՄՆ հայ համայնքի ներկայացուցիչների հետ հանդիպման ժամանակ հայտարարեց այն գործիչը, որի մեղքով 21-րդ դարում արցախահայությունը ենթարկվեց շրջափակման, սովահարության, էթնիկ զտումների և բռնի տեղահանման, իսկ Հայաստանի բնակիչներից խլեցին ավելի քան 200 քառ.կմ տարածք։ Փաշինյանն ամերիկահայերին ներկայացրեց իր խաղաղ նախաձեռնությունը, որոշ շրջանակներ նրա անդրօվկիանոսյան այցի հետ են կապում ՀՀ արտաքին քաղաքական վեկտորի կոնկրետացման հեռանկարն ամենամոտ ապագայում...

  • 2025-01-30 09:35
    850
    анализ

    «ՈՍԿԵՊԱՐԻ ԵՌԱՆԿՅՈՒՆԻ». ԱՉՔ ԴՐԱԾ ՎԵՐԻՆ ՇՈՐԺԱՅԻ ՎՐԱ…

    Տարին սկսվեց այն հայտարարությամբ, որ սահմանազատման 2-րդ փուլը կրկին որոշվել է անցկացնել Տավուշում, որտեղ ադրբեջանցիներին նոր տարածքներ կանցնեն Ոսկեպարից։ Շուտով այնտեղ էլ սահմանասյուներ կհայտնվեն։ Տեղի ընտրությունը, բնականաբար, թելադրել է ադրբեջանական կողմը, քանզի փոխվարչապետ Մհեր Գրիգորյանի նախագահությամբ հանձնաժողովը գոյություն ունի միայն Ալիևի տարածքային նկրտումները բավարարելու համար, այլ գործառույթ դա փաստացի չունի:

  • 2025-01-17 16:30
    692
    анализ

    ՄԻՆՉ ՀԱՅԱՍՏԱՆԸ ԻՆՏԵԳՐՎՈՒՄ Է ԵՄ-ԻՆ, ՌՈՒՍԱՍՏԱՆԸ ԿԱՐՈՂ Է «ՏԻՏԱՆԻԿԻ» ՏՈՄՍ ՀԱՆՁՆԵԼ ՆՐԱՆ

    Հայաստանը հայտարարել է Եվրամիությանն ինտեգրվելու ծրագրերի մասին՝ ընդհուպ մինչև մշտական անդամի կարգավիճակ, մինչդեռ դաշինքի ապագան ամենևին էլ վարդագույն չի թվում։ Ոչ միայն Ռուսաստանում, այլև Արևմուտքում քաղաքագետները համեմատում են Դոնալդ Թրամփին Հիտլերի հետ՝ նկատի ունենալով եվրոպական պետությունների նկատմամբ վերաբերմունքը: Ռուս քաղաքագետներից մեկի դիպուկ արտահայտությամբ՝ Թրամփը ծնկին զարկելով կկոտրի եվրոպական երկրների ողնաշարը, արմատավորելով ամերիկացիների՝ որպես բացառիկ ազգի հայեցակարգը։

  • 2025-01-14 09:11
    474
    анализ

    ՓԱՇԻՆՅԱՆԸ ՀԱՏԱԿԻՑ ԷԼ ՎԱՐ Է ԳԼՈՐՎԵԼ, ԹԵԹև ՀԵԾԵԼԱԶՈՐԸ ԵՐԹԱՅԻՆ ՎԻՃԱԿՈՒՄ Է

    Ինչո՞ւ Տաթևիկ Ռևազյանը, որին Փաշինյանը վստահեց հայրենի ավիացիայի ղեկավարումը, պատիժ չկրեց մի ամբողջ ոլորտի փլուզման համար (ՀՀ-ն մինչև հիմա ԵՄ սև ցուցակում է), չնայած կան միանգամայն հիմնավորված կասկածներ, որ հմայիչ ժպիտով այդ տիկինը կարող էր գործել մեր երկրի արտաքին մրցակիցների թելադրանքով: Թեպետ, ինչպես ասում են, եթե ձեռից չես բռնել, չես կարող գող անվանել։

  • 2024-12-11 10:00
    655
    текущие события

    ԱՆԴՐԱՆԻԿ ՔՈՉԱՐՅԱՆԸ ՆԵՐՈՂՈՒԹՅՈՒՆ Է ԽՆԴՐԵԼ, ԲԱՅՑ ՓԱՇԻՆՅԱՆԻ ԶԱՅՐՈՒՅԹԸ ԿԱՐՈՂ Է ՏԵՂԱԼ ՆԱԵՎ ՆՐԱ ԳԼԽԻՆ

    Փաշինյանն անհետևանք չթողեց իր աներձագ Հրաչյա Հակոբյանին և ՔՊ խմբակցության իր գործընկեր Սիսակ Գաբրիելյանին հասցեագրված մեղադրանքները: Խոսքը, հիշեցնեմ, թմրաբիզնեսի հաշվին հարստանալու մասին էր։ Մանրամասները ներկայացված են «Գոլոս»-ի վերջին հրապարակումներից մեկում: Պատգամավորների պատիվն ու արժանապատվությունը արատավորող լուրեր տարածողի դերում հանդես եկավ ԱԺ պաշտպանության հանձնաժողովի ղեկավար Անդրանիկ Քոչարյանը։ Տեղեկություններն արտահոսեցին ԶԼՄ-ներ, աներձագը գանգատվեց Փաշինյանին, վերջինս էլ հրահանգեց Քոչարյանին կա՛մ ապացուցել իր մեղադրանքները, կա՛մ ներողություն խնդրել։

  • 2024-11-12 09:46
    697
    анализ

    ՌԵԺԻՄԸ ՇԱՐՈՒՆԱԿՈՒՄ Է ՄԱՍ-ՄԱՍ ՀԱՆՁՆԵԼ ԵՐԿԻՐԸ

    Ուղիղ 3 տարի առաջ՝ 2021թ.նոյեմբերի 11-ին, ԱԽ քարտուղար Արմեն Գրիգորյանը նկատառումներ հնչեցրեց Գորիս-Կապան ճանապարհի 21-կիլոմետրանոց հատվածում ադրբեջանցիների մաքսակետի բացման վերաբերյալ։ Մեջբերենք նրա խոսքը բառացի, քանզի այն առանցքային օղակ դարձավ իշխանությունների կողմից հայկական տարածքների հանձնման գործընթացում։ «Ադրբեջանական կողմը մեզ դեռ ամբողջապես չի տեղեկացրել՝ ինչ է դա ենթադրում, բայց տրամաբանությունը կարող է ենթադրել որոշակի վճարների գանձում ճանապարհից օգտվելու համար, բնականաբար նաև՝ անձնագրերի ստուգում»։ 3 տարի առաջ ռեժիմի վերնաշերտը ձևացնում էր, թե ոչինչ չգիտի Ադրբեջանի ծրագրերի մասին։ Անմիջապես սկսեցին ասել, թե Երևանի և Բաքվի միջև դիվանագիտական հարաբերություններ չկան, հետևաբար ՀՀ քաղաքացիները չեն կարող իրենց անձնագրերով հատել սահմանը և այլն։

  • 2024-11-06 10:52
    1019
    анализ

    ՆՈՅԵՄԲԵՐ-2020-Ը՝ 4 ՏԱՐՎԱ ՀԵՌԱՎՈՐՈՒԹՅՈՒՆԻՑ…

    2020թ.նոյեմբերի 9-ի լույս 10-ի գիշերը Պուտինի, Փաշինյանի և Ալիևի ստորագրած Եռակողմ հայտարարությունը 4 տարի անց գոյություն ունի լոկ դե յուրե, իսկ դե ֆակտո չի գործում: 9-րդ կետի մասին շատ է խոսվել, կրկնելն անիմաստ է։ Մնում է հիշեցնել, որ ընդհանուր համատեքստից մեկ կետ առանձնացնելը հակասում է փաստաթղթի տրամաբանությանը, և որ 44-օրյա պատերազմից հետո արցախցիներն այդ հայտարարության երաշխավորությամբ վերադարձան իրենց տները: Միջազգային հանրությունն ընդունում է, որ 2023թ.  սեպտեմբերի 19-20-ի ցեղասպանությունից և բռնի տեղահանումից հետո արցախցիների վերադարձի հարցը բաց է, չնայած նրան, որ ՀՀ իշխող ռեժիմն այդ հարցով չի զբաղվում…

  • 2024-10-31 09:26
    557
    анализ

    ՀԵՐՈՍԻ ՓՈՂՈՑՆ ՈՒ ՔԱՅԼՈՂ ՓԱՇԻՆՅԱՆԻ ՀՈՒՇԱՐՁԱՆԸ…

    Հայաստանի մարզերում որոշակի ժամանակից ի վեր ընդունված երևույթ են դարձել քաղաքային և գյուղական համայնքների անվանումներով անգլերեն ցուցանակները՝ կողքին սրտիկով: Հայրենի վայրերի նկատմամբ սիրո այդ խոստովանությունները կարելի է տեսնել ամենուր: Ոչ այնքան վաղուց նման ցուցանակ էր տեղադրվել Տավուշի մարզի Կիրանց համայնքի սահմանային պատի դիմաց։ 15 օր անց իշխանությունների հրահանգով ցուցանակը հանել են։

  • 2024-10-19 09:42
    736
    анализ

    ՈՍԿՈՒ ՍԱՐԵՐ Է ԽՈՍՏԱՆՈՒՄ՝ ԸՆՏՐԱՁԱՅՆԵՐԻ ԴԻՄԱՑ

    Տեղական նշանակության նախագծերը՝ «ժողովրդավարության բաստիոնի», «համակարգային կոռուպցիայի դեմ հաղթանակի», «հարյուր հազարավոր նոր բարձր վարձատրվող աշխատատեղերի ստեղծման» ու այլևայլի տեսքով արդեն «իրականացված» են, եկել է համաշխարհային մակարդակի ելնելու ժամանակը։ Հասկանալով, որ Ալիևը մտադիր չէ ստորագրել խաղաղության միջպետական համաձայնագիրը, Փաշինյանը որոշել է կենտրոնացնել հանրության ուշադրությունը մեկ այլ խաղաքարտի վրա՝ «Խաղաղության խաչմերուկ» անվանյալ նախագծին տալով հիրավի համամոլորակային նշանակություն։ Արդեն ակնհայտ է, որ նա խորհրդարանական ընտրությունների է գնալու մի նախագծի իրականացման կարգախոսով, որը, իր հավաստմամբ, «տասնյակ միլիարդավոր դոլարներ» կբերի Հայաստանին։

  • 2024-10-16 15:27
    612
    анализ

    ԱՐԵՎՄՈՒՏՔԸ ՍԻՐԱՇԱՀՈՒՄ Է ՑԵՂԱՍՊԱՆ ՊԵՏՈՒԹՅՈՒՆԸ ԳԼԽԱՎՈՐՈՂ ՊԱՏԵՐԱԶՄԱԿԱՆ ՀԱՆՑԱԳՈՐԾԻՆ

    Տպավորություն է ստեղծվում, որ ԱՄՆ փաստաբանների խումբը և Միջազգային քրեական դատարանի նախկին դատախազ Լուիս Մորենո Օկամպոն շատ ավելի մտահոգված են գերեվարված հայերի ճակատագրով, քան ՀՀ իշխող վերնաշերտը: Հենց նրանք են СОР29-ից առաջ հանդես գալիս նախաձեռնություններով՝ փորձելով միջազգային համաժողովի բոլոր մասնակիցների ուշադրությունը հրավիրել հայ գերիների ճակատագրի վրա։ Արցախի հարցով աշխատանքային խումբ է ստեղծվել Մեծ Բրիտանիայում՝ այդ երկրի և Իռլանդիայի հայոց թեմի առաջնորդ Հովակիմ եպիսկոպոս Մանուկյանի գլխավորությամբ: Նրա խոսքերով՝ «եթե միջազգային հանրությունը ոչինչ չձեռնարկի 23 գերիների վերադարձի ուղղությամբ, ապա դա կնշանակի, որ Ադրբեջանին ներվել են էթնիկ զտումներն ու ցեղասպանությունն Արցախում»։ Եպիսկոպոսը կոչ է արել երիտասարդներին սոցցանցերում գտնել Օկամպոյի էջը և տարածել գերիների վերաբերյալ նրա գրառումները: Ակցիային միացել են բնապահպանական և իրավապաշտպան կազմակերպություններ, եպիսկոպոսը միանալու կոչ է արել բոլոր հայերին…