Փոփոխությունների համատարած հանրային պահանջը և դրանց չիրականացումը մի կողմից, և իշխանության ակնհայտ սպառվածությունը, անվտանգ ու կայուն զարգացում ապահովելու անկարողությունը մյուս կողմից, ցույց են տալիս մեր միակ ճիշտ ճանապարհը. պետք է ավարտել 3 խմբակցության քաղաքական իրականությունը Հայաստանում։

«Դեպի նոր աշխարհակարգ» թեմայով Բաքվում ընթացող 7-րդ քաղաքական համաժողովի ժամանակ ուշագրավ հայտարարություն է արել Իլհամ Ալիևը: Նա ասել է, որ չի հավատում Ռուսաստանի և Ուկրաինայի միջև խաղաղության հնարավորությանը:

Սոցիալական ցանցերում շրջանառվում են կեղծ լուրեր՝ իբր հիմնված Wikileaks-ի փաստաթղթի վրա, որոնք վերաբերում են 2007 թվականին ԱՄՆ Կոնգրեսի կողմից Հայոց ցեղասպանության ճանաչման շուրջ տեղի ունեցած դիվանագիտական խոսակցություններին։ Կցանկանայի ներկայացնել մի քանի դիտարկում։ Այս մասին Ֆեյսբուքի իր էջում գրել է ՀՀ նախկին արտգործնախարար Վարդան Օսկանյանը:

ՀՀ ԱԳՆ անվանյալ գերատեսչության այն հերթական հակահայկական հայտարարության կապակցությամբ չդադարող հասարակական վրդովմունքի խորապատկերին, որ «արցախցիների իրավունքների հարցը հանվել է «Հայաստանի և Ադրբեջանի միջև միջպետական հարաբերությունների կարգավորման» օրակարգից», հայտնվեց վրդովմունքի ալիք բարձրացրած ևս մեկ հաղորդագրություն: Ըստ Yerevan Today ռեսուրսի, Արցախի պետական կառույցների պաշտոնական կայքերը՝ Nankr.am-ը (Ազգային ժողով), Nkr.am-ը (Արտաքին գործերի նախարարություն), Nkrgov.am-ը (կառավարություն), Milnkr.am-ը (Պաշտպանության բանակ) և մյուսներն այլևս չեն գործում։

Հայաստանի գլխավոր դատախազ Աննա Վարդապետյանը, ով պաշտոնը ստանձնելիս երդվել էր հանցավոր ոտնձգություններից պաշտպանել մարդու և քաղաքացու իրավունքներն ու ազատությունները, Արցախի հայաթափումից և Արցախի ռազմաքաղաքական ղեկավարության գերեվարումից հետո որևէ որևէ տեսանելի գործողություն չի ձեռնարկել Բաքվում խոշտանգվող ՀՀ քաղաքացիների իրավունքներն ու ազատությունները պաշտպանելու ուղղությամբ: Այս մասին պարզ է դառնում News.am-ի գրավոր հարցումներին դատախազությունից ստացված նույնաբովանդակ պատասխանների վերլուծությունից:

Թեև վերջին շրջանում անհեռանկար եմ համարել այս իշխանության որևէ ներկայացուցչի հետ որևէ հարցի բովանդակային քննարկումը, այսօր, սակայն, ուզում եմ դիմել ուժային կառույցների կին ղեկավարներին՝ ՆԳՆ, Արդարադատության նախարարության և դատախազության։ Ձեր աչքի առաջ տեղի է ունենում անթույլատրելի, այլանդակ պրոցես, որին դուք պարզապես չեք կարող անտարբեր լինել։ Այս մասին իր հոդվածում գրել է Այլընտրանքային նախագծեր խմբի անդամ, ԱԺ պատգամավոր Էլինար Վարդանյանը:

Ըստ մամուլի հրապարակումների՝ «կրթվողների ատամանը» օրերս ասել է, թե «պատերազմը իմ օրոք չի եղել, ե´ս եմ եղել պատերազմի օրոք»։

Գեներալ Մովսես Հակոբյանը մեղադրվում է «Ռոսօբորոնէքսպորտ»-ի հետ 2017թ. ՀՀ և Արցախի զորամասեր մատակարարված ռադիոլոկացիոն կայանքների գնման պայմանագիր կնքելու մեջ: Դրանք շահագործելիս ռուս մասնագետների կարիք է առաջացել, որոնք գալով ՀՀ՝ չեն կարողացել օգնել: Այլ կերպ ասած՝ կայանքները մարտական առաջադրանքների կատարման համար պիտանի չեն եղել, ինչը դրսևորվել է 44-օրյա պատերազմի ընթացքում։ Այդպես է նշված մեղադրանքում, որը Հակոբյանը չի ընդունում՝ պարզաբանելով, որ իրեն վերագրվող գործողությունները չեն համապատասխանել իր լիազորություններին։

Արցախի տեղեկատվական շտաբը հայտարարություն է տարածել․ «Անդրադառնալով ՀՀ արտաքին գործերի նախարարության կողմից սույն թվականի ապրիլի 5-ի հայտարարությանը, այն է. «Լեռնային Ղարաբաղի հայության բռնի տեղահանության և Լեռնային Ղարաբաղի լուծարման վերաբերյալ հրամանագրի հրապարակումից հետո խնդիրը դուրս է եկել Հայաստանի Հանրապետության և Ադրբեջանի Հանրապետության միջև միջպետական հարաբերությունների կարգավորման օրակարգից», հարկ ենք համարում ընդգծել, որ այն որևէ իրավական հիմք չունի և իրական խնդիրներից հասարակության ուշադրությունը շեղելու անհաջող փորձ է: