Մարինա ԳՐԻԳՈՐՅԱՆ

հոդվածներ 426

«ԳԱ» գլխավոր խմբագրի տեղակալ։

Ժուռնալիստիկայում է 1987 թվականից։ Մասնագիտական հետաքրքրությունները. Ղարաբաղյան հիմնախնդիր, Հայոց Ցեղասպանություն, հակամարտությունների կարգավորում և տարածաշրջանային քաղաքական խնդիրներ։ Աշխատել է հայկական և ռուսական մի շարք ԶԼՄ-ներում, կազմակերպություններում և գերատեսչություններում, եղել է Միջազգային ֆրանսիական ռադիոյի (RFI ) թղթակից։ 1995 թվականին առաջադրվել է ՀՀ ԱԺ պատգամավորության թեկնածու։ Ժուռնալիստական մի քանի մրցանակների դափնեկիր է, 2013 թվականին պարգևատրվել է Լեռնային Ղարաբաղի Հանրապետության «Վաչագան Բարեպաշտ» մեդալով։

1997 թվականից «Ընդդեմ իրավական կամայականության» ՀԿ-ի խորհրդի անդամ է։ 2009 թվականից ղեկավարում է «Սովորական ցեղասպանություն» նախագիծը, որն իրագործվում է ՀՀ նախագահի վարչակազմի Հասարակական կապերի և տեղեկատվության կենտրոնի կողմից և որի շրջանակներում ստեղծվում են փաստագրական ֆիլմեր, ինտերնետ-կայքեր և հրատարակվում են գրքեր, նվիրված ղարաբաղյան հակամարտության տարածաշրջանի 1988-1992թթ. իրադարձություններին։

Հետաքրքրությունները. գրականություն, կինո, ճանապարհորդություններ, թարգմանություններ։ Մոսկվայում հրատարակված դետեկտիվ վեպերի հեղինակ է։ Տիրապետում է հայերեն, ռուսերեն և անգլերեն լեզուներին։

Բոլոր հոդվածները

  • 2022-06-08 09:38
    669
    анализ

    ՊԱՏՄԱԲԱՆ ՄԻՐԶՈՅԱՆՆ ՈՒ ԻՐ ԴԻԼԵՏԱՆՏԻԶՄԻ «ԲԱՍՏԻՈՆԸ»

    Որքան էլ տարօրինակ է հնչում, բայց երբեմն Փաշինյանի թիմի անդամներն ասում են ճշմարտությունը։ Դա տեղի է ունենում ակամա, հիմնականում այն դեպքերում, երբ նրանք ցանկանում են կշիռ հաղորդել իրենց մտքերին և թաքցնել սեփական բարդույթները։ Այդպես եղավ երեկ Արարատ-Արաբատ-Օմեգա Միրզոյանի հետ, որը դեմքին կարևոր արտահայտություն տված՝ ճամարտակում էր խորհրդարանում այն մասին, որ իր ղեկավարած գերատեսչությունը, ինչպեսև պետապարատն ամբողջությամբ, կարիք ունի «կադրերի էական և շարունակական թարմացման»։ Ընդ որում, նա ոչ միայն նշեց Հայաստանի ԱԳՆ-ում տիրող այդօրինակ վիճակի պատճառը, այլև բաց տեքստով հայտարարեց, որ «թարմացումն» իրականացվելու է ոչ թե պրոֆեսիոնալների, այլ «քաղաքական նշանակումների» հաշվին: Իմա՝ ուսապարկերի։

  • 2022-06-07 09:21
    709
    анализ

    ՂԵԿԻՆ ԵՐԵՍՊԱՇՏՈՒԹՅՈՒՆՆ ՈՒ ԿԵՂԾԻՔՆ ԵՆ. Ո՞Վ Է ՄԵԿՆԵԼՈՒ ՍՏՐԱՍԲՈՒՐԳ

    Ադրբեջանում Ֆրանսիայի դեսպան Զաքարի Գրոսը հունիսի 3-ին հաղորդել Է, որ այս շաբաթ Ստրասբուրգում տեղի է ունենալու «հայ և ադրբեջանցի երիտասարդության ներկայացուցիչների» հանդիպում: Նրա խոսքերով՝ այդ նախաձեռնությունը քննարկվել Է Բրյուսելում և համաձայնեցվել անցած տարվա դեկտեմբերին երկու երկրների ղեկավարների հանդիպման ժամանակ: «Ստրասբուրգ կմեկնի Ադրբեջանի ընդհանուր 10 ներկայացուցիչ։ Նրանք այնտեղ հանդիպում կանցկացնեն Ֆրանսիայի, Գերմանիայի և Հայաստանի երիտասարդ սերնդի ներկայացուցիչների հետ։ Հիմնական նպատակն Ադրբեջանի և Հայաստանի միջև խաղաղ գործընթացին մասնակցելն է»,- ասել է Գրոսը։

  • 2022-05-30 20:24
    557
    анализ

    ԱՐՑԱԽՑԻ ԼԱՈՆ ՆՈՒՅՆՊԵՍ ԶԱՐԹՆԵԼ Է. ՀԱՐՈՒԹՅՈՒՆՅԱՆՆ ՈՒ ԲԵԳԼԱՐՅԱՆԸ ԿԱՆԳՆԱԾ ԵՆ ԸՆՏՐՈՒԹՅԱՆ ԱՌՋԵՎ

    Մայիսի 28-ը կարող է շրջադարձային դառնալ Դիմադրության շարժման համար, և դա բավական խորհրդանշական կլինի։ Երևանում և Ստեփանակերտում գրեթե զուգահեռաբար անցկացված տպավորիչ հանրահավաք-երթերը, ըստ էության, նշանավորեցին հայ ժողովրդի երկու հատվածների միավորումը Արցախի և Հայաստանի թուրքացման դեմ պայքարում: Բազմահազարանոց ցույցերը հայոց երկու մայրաքաղաքներում, նույն կարգախոսներն ու պահանջները, հոգեկան ցնցումից ուշքի գալու և ընդարմությունից սթափվելու նույն մթնոլորտը և հույսի վերածնունդը, որ դեռևս ուշ չէ փրկել Հայրենիքը. այս ամենը շարժման մասնակից բոլոր հասարակական ու քաղաքական ուժերի շարունակական պայքարի, տեղեկատվական ու լուսավորչական գործունեության արդյունքն էր:

  • 2022-05-27 20:21
    678
    анализ

    ՍԻՄՈՆՅԱՆԸ ԻՐԱՎԱՑԻ ԷՐ. ԳԵՐԻՆԵՐԻ ՀԱՐՑԸ ԴՈՒՐՍ Է ՆԵՏՎԱԾ ԻՇԽԱՆՈՒԹՅՈՒՆՆԵՐԻ ՕՐԱԿԱՐԳԻՑ

    Բրյուսելում կայացած հանդիպումից 4 օր անց Ադրբեջանը Հայաստանին վերադարձրեց մեկ գերու։ Ընդամենը մեկին. ըստ պաշտոնական տեղեկատվության՝ ապրիլի վերջին մոլորված ու գերեվարված Էդուարդ Մարտիրոսովին։ Դրա համար բնավ պետք չէր բարձր մակարդակի հանդիպումներ անցկացնել Եվրախորհրդի նախագահի մասնակցությամբ. հայ ժամկետային զինծառայողի վերադարձը բխում էր միջազգային կոնվենցիաների շրջանակներում Բաքվի պարտավորություններից։ Այսինքն Ադրբեջանը պարզապես արեց այն, ինչը պարտավոր էր անել համաձայն միջազգային իրավունքի նորմերի։

  • 2022-05-25 09:09
    585
    анализ

    ՆԱՀԱՆՋԵԼՈՒ ՏԵՂ ՉԿԱ. ԹԻԿՈՒՆՔՈՒՄ ԱՐՑԱԽՆ ՈՒ ՀԱՅԱՍՏԱՆՆ ԵՆ

    «Եթե կորցնենք Արցախը, ապա մենք կշրջենք հայոց պատմության վերջին էջը» Մոնթե Երբ մեկ տարի առաջ որոշ փորձագետներ նախազգուշացնում էին, որ առջևում մեզ ավելի վատ բան է սպասվում, քան նույնիսկ 2020-ի նոյեմբերի 9-ին, նրանք նկատի ունեին 2022-ի մայիսի 22-ի բրյուսելյան հանդիպման արդյունքների պես մի բան: Երբ Արցախի նախագահ Արայիկ Հարությունյանը պատերազմից հետո հայտարարում էր, որ առջևում մեզ «ցավոտ լուծումներ» են սպասում, նա գիտեր, թե ինչ աստիճանի ցավոտ են դրանք լինելու։ Եվ երբ իշխանությունները, ի դեմս ՀՀ Անվտանգության խորհրդի քարտուղար կոչեցյալի, հանգստացնում էին հասարակությանը, թե իբր՝ Բելգիայում որևէ փաստաթուղթ չի ստորագրվելու, նրանք շատ լավ գիտեին, որ հանդիպման արդյունքները, թեկուզև չամրագրված (?) թղթի վրա ստորագրությամբ, իրոք շատ ավելի վատթար են լինելու, քան նոյեմբերի լույս 10-ի գիշերը ստորագրված եռակողմ հայտարարությունը։

  • 2022-05-19 19:29
    706
    мнение

    ՀԱՅԱՍՏԱՆԻ ԹՈՒՐՔԱՑՈՒՄՆ ԻՐԱԿԱՆԱՑՆՈՒՄ Է ՈՍՏԻԿԱՆՈՒԹՅՈՒՆԸ

    Երբ օրերս ոստիկաններն իրենց թույլ տվեցին դաժան վերաբերմունք ցուցաբերել անհնազանդության ակցիայի տարեց մասնակցի նկատմամբ, Ֆեյսբուք սոցցանցում միանգամից մեմ հայտնվեց՝ երկու լուսանկարի համադրումով: Դրանցից մեկը 44-օրյա պատերազմի ժամանակ լայնորեն տարածված տեսանյութի կադրերից է՝ արդեն բռնազավթված Շուշիում հայ ծերունու հանդեպ ադրբեջանցի ճիվաղների անմարդկային վերաբերմունքի մասին, երկրորդը՝ ոստիկանների կողմից Երևանում ալեհեր քաղաքացու ձերբակալման կադրերից։ «Ասում էի, չէ՞, որ հաստավիզ կարմրագլուխները Յաշմայի ֆիլիալն են Երևանում…Խնդրեմ... գտեք մեկ տարբերություն»,- գրել է արցախցի բլոգեր Ալեն Ղուլյանը՝ տեղադրելով լուսանկարներն իր ֆեյսբուքյան էջում։

  • 2022-05-05 21:39
    746
    анализ

    ՍԱՍՈՒՆՑԻՆԵՐՆ ԸՆԴԴԵՄ ՓԱՇԱՆԵՐԻ. ՋՐԲԱԺԱՆՆ ԱՆՑՆՈՒՄ Է ԱՅՍՏԵՂ ԵՎ ԱՅՍՕՐ

    Երեկվա արտառոց տեսարանը խորհրդարանում՝ նիկոլաթուրքերի կողմից իրենց իսկ պատվին ծափահարություններով, տրամաբանական շարունակությունն էր ավելի վաղ նրանց հրապարակավ արտահայտած գովեստի ու հավանության՝ սանձազերծ կամայականություններ գործել շարունակող ոստիկանության հասցեին։ Հանցավոր խմբավորման բաքոսատոնը, որն ակնհայտորեն զգում է իր մոտալուտ վախճանը և այդ պատճառով ջերմորեն աջակցում ու, պետք է ենթադրել, շռայլորեն վարձատրում է իր վերջին ապավենին՝ ուսադիրավոր ցերբերներին, գնալով ավելի է հիշեցնում վհուկախրախճանք, որտեղ կարմիր գծերն արդեն վաղուց նույնիսկ ոչ թե հատված են, այլ պարզապես չկան: Եվ բողոքի ցույցերի յուրաքանչյուր օրը բերում է դրա ավելի ու ավելի համոզիչ ապացույցներ։

  • 2022-05-04 17:49
    576
    анализ

    «ԳՈՐՇ ԳԱՅԼ» ՉԱՎՈՒՇՕՂԼՈՒՆ ԵՎ ՓԱՇԻՆՅԱՆԻ «ԿԱՐՄԻՐ ԲԵՐԵՏԱՎՈՐՆԵՐԸ»

    Երկիրը փոթորկում է, Դիմադրության շարժման ակցիաները դառնում են գնալով ավելի մասշտաբային և զանգվածային, քաղաքացիները բարձրաձայն և վճռական «ոչ» են ասում Արցախին հանձնմանն ու Հայաստանի թրքացմանը։ Դրանով իսկ իրապես հաստատելով վերջին մի քանի սոցհարցումների արդյունքները, որոնց համաձայն՝ բնակչության ճնշող մեծամասնությունը չի ցանկանում բացել սահմանը Թուրքիայի հետ, համարելով թշնամական պետություն։ Այս խորապատկերին ակնհայտորեն արագացվում են «հարաբերությունների կարգավորման» և «խաղաղության դարաշրջանի» հաստատման գործընթացները. գրեթե միաժամանակ տեղի ունեցան Ալիևի օգնական Հիքմեթ Հաջիևի հետ ԱԽ քարտուղար Արմեն Գրիգորյանի հանդիպումը Բրյուսելում և հատուկ ներկայացուցիչներ Քըլըչի ու Ռուբինյանի հանդիպումը Վիեննայում։

  • 2022-04-30 09:31
    698
    анализ

    «ԱԳՈՐԱՆ» ԳՈՌՈՒՄ Է, ԻՍԿ ՓԱՇԻՆՅԱՆԸ ԼՍՈՒՄ Է ՄԻԱՅՆ ԱԼԻԵՎԻՆ

    Ապրիլի 25-ին՝ իր բազմամարդությամբ և վճռականությամբ տպավորիչ ջահերով երթի հենց հաջորդ օրը, վաղ առավոտյան հայտնվեց ՀՀ ԱԳՆ մամլո ծառայության հաղորդագրությունն այն մասին, որ Միրզոյանն ու Բայրամովը հեռախոսազրույց են ունեցել և համաձայնեցրել սահմանազատման և սահմանային անվտանգության հարցերով հանձնաժողովի կառուցվածքը: «Պայմանավորվածություն է ձեռք բերվել առաջիկայում սահմանազատման և սահմանային անվտանգության հանձնաժողովի վերաբերյալ հանդիպում անցկացնել։ Կողմերը քննարկել են նաև հումանիտար խնդիրների լուծման, ինչպես նաև խաղաղ բանակցությունների նախապատրաստման հետ կապված հարցեր»,- ասված էր հաղորդագրության մեջ:

  • 2022-04-27 19:49
    777
    анализ

    ՆԻԿՈԼԸ ԿԱՐՈՂ Է ՀՐԱՄԱՅԵԼ ԿՐԱԿԵԼ ՆՈՒՅՆԻՍԿ ԶՈՀՎԱԾ ԶԻՆՎՈՐՆԵՐԻ ԾՆՈՂՆԵՐԻ ՎՐԱ

    Իրավիճակը երկրում շարունակում է թեժանալ, բայց սա որակապես այլ թեժացում է, քան նույնիսկ 2020-2021-ի ձմռանն ու գարնանը։ Եվ բանը միայն այն չէ, որ բողոքը թափ է առնում ու ընդգրկում գնալով ավելի մեծ թվով մարդկանց՝ ողջ Հայաստանում։ Բանը միայն այն չէ, որ մարդիկ դուրս են եկել ընդարմությունից և իմաստավորել այն ամենը, ինչ տեղի է ունեցել երկրի և իրենց հետ՝ սկսած նույնիսկ ոչ թե 2020-ի սեպտեմբերի 27-ից, այլ, և դա շատ ավելի կարևոր է, 2018-ի գարնանից: Ներկա իրավիճակի տարբերիչ առանձնահատկությունը բողոքի շարժմանը հասարակության տարբեր շերտերի մասնակցությունն է, որոնք միավորվել են մեկ նպատակով և անսասան ձգտմամբ. հեռացնել հանցավոր իշխանությանը և փրկել Հայրենիքը: