Պատերազմները ձախողված դիվանագիտության արդյունք են, ու այս իմաստով որևէ արտգործնախարար, ով ի վիճակի չի եղել կանխելու պատերազմը, անկախ որոշումների կայացման հարցում իրեն վերապահված գործառույթներից՝ կիսում է պատերազմի և պարտության քաղաքական պատասխանատվությունը։

Այսօր Անկախության օրն է։ Եվ հավանաբար դեռ երբեք Հայաստանն այս օրը չի եղել այսպիսի... Նույնիսկ դժվար է ընտրել ճիշտ բառը: Այսպիսի խարխլված, քայքայված վիճակում։

Սեպտեմբերի 21-ը մեզանում տոն դարձավ 1991 թվականին, երբ դեռ լինելով ԽՍՀՄ կազմում՝ Հայաստանը համաժողովրդական հանրաքվեի միջոցով հռչակեց իր անկախությունը։ Այդ օրը «այո» ասաց քվեարկության մասնակիցների 99,31%-ը կամ ընտրական իրավունք ունեցող բնակչության 94,39%-ը։ Անկախ Հայաստանի առաջին քաղաքացին դարձավ սեպտեմբերի 22-ի ժամը 00:01-ին Հանրապետական հիվանդանոցում ծնված տղան: Ծնողներն էին՝ Բորիս Արշալույսի Նազարյանն ու Հասմիկ Հայկի Խալաֆյանը: Հետաքրքիր է, որտե՞ղ են նրանք հիմա և ի՞նչ անուն են տվել տղային։

ԱՄՆ պետքարտուղար Էնթոնի Բլինքենը զանգահարել է Ադրբեջանի նախագահ Իլհամ Ալիևին, հայտնել Է Պետդեպարտամենտի պաշտոնական ներկայացուցիչ Նեդ Փրայսը, հաղորդում է NEWS.am-ը։ «Պետքարտուղար Բլինքենը ողջունել է Հայաստանի և Ադրբեջանի միջև վերջին ռազմական գործողությունների դադարեցումը: Նա նախագահ Ալիևին հորդորել է հավատարիմ մնալ հրադադարին, իրականացնել զորքերի հետքաշում և աշխատել Հայաստանի և Ադրբեջանի միջև առկա բոլոր խնդիրները լուծել խաղաղ բանակցությունների միջոցով»,- ասված է հաղորդագրության մեջ:

«Հայաստան» դաշինքը հրապարակել է տեսանյութ ՀՀ երկրորդ նախագահի և քաղաքացիների միջև սեպտեմբերի 19–ին տեղի ունեցած փակ հանդիպումից, որտեղ Ռոբերտ Քոչարյանը բացատրում է, թե ինչու է պասիվ, ինչու առաջնորդի դերում չէ, և ինչու հարցազրույցներ չի տալիս, միաժամանակ նշելով, որ ինքը պայքարի մեջ է։  

Ադրբեջանը, սանձազերծելով վերջին բախումը, Հայաստանի վրա ճնշում գործադրելով խաղաղության պայմանագիր կնքելու քաղաքական նպատակներ է հետապնդում։ Այս մասին News.am-ի թղթակցի հետ զրույցում ասաց քաղաքագետ Ալեքսանդր Իսկանդարյանը։

Որևէ պարագայում չի կարելի Հայաստանը վերածել մի տարածքի, որտեղ կբախվեն ԱՄՆ-ի, Ռուսաստանի և Իրանի շահերը, որովհետև դա մեր պետականության և մեր ժողովրդի անվտանգության համար կարող է հղի լինել լուրջ հետևանքներով։ Sputnik Արմենիայի հետ զրույցում, վերլուծելով ԱՄՆ բարձրաստիճան պաշտոնյայի այցը մեր երկիր, նման կարծիք հայտնեց իրանագետ Վարդան Ոսկանյանը։

Ավաղ, պարզվում է, որ 44-օրյա պատերազմից երկու տարի անց Հայաստանն առաջվա պես պատրաստ չէ արդյունավետորեն դիմակայել ագրեսիային։ Հակառակորդի ԱԹՍ-ներն ու հրետանին, ինչպեսև 2020-ի աշնանը, անպատիժ հարվածներ են հասցնում արդեն Հայաստանի ինքնիշխան տարածքին, իսկ դա նշանակում է, որ երկու տարվա ընթացքում իշխանությունն այդպես էլ չի հոգացել հրետանուն և ԱԹՍ-ներին հակազդող թեկուզ մի քանի կայանք գնելու մասին, չենք խոսում արդեն հակաօդային պաշտպանության ավելի ահեղ միջոցների մասին: Այլապես մենք հաստատ կտեղեկանայինք, օրինակ, հակառակորդի առնվազն մեկ անօդաչու թռչող սարքի ոչնչացման կամ հրթիռի կասեցման մասին։

Ադրբեջանական կողմի ագրեսիայի հետևանքով զոհվածների և անհետ կորածների թիվը հասնում է 207-ի, այդ թվում՝ զոհվել է քաղաքացիական 3 անձ, 2 քաղաքացիական անձի գտնվելու վայրը համարվում է անհայտ, վիրավորվել է 293 զինծառայող, 3 քաղաքացիական անձ, գերեվարվել է 20 զինծառայող: Այս մասին այսօր՝ սեպտեմբերի 19-ին, հայտնի է դարձել վարչապետ Նիկոլ Փաշինյանի գլխավորությամբ տեղի ունեցած ՀՀ Անվտանգության խորհրդի նիստից։ Անվտանգության խորհրդի նիստին ընդունվել է հայտարարություն, որում մասնավորապես, նշվում է.