Խորհրդարանում Նիկոլի վերջին հայտնությունները շատ բանի մասին են վկայում։ Մասնավորապես, թե Երևանից ստացվող ինչ դրական ազդանշանների մասին է խոսում Իլհամ Ալիևը՝ Հայաստանի և Ադրբեջանի միջև խաղաղության պայմանագիր կնքելու Բաքվի առաջարկի կապակցությամբ։

Տարածաշրջանը ռազմականապես եռում է, Հայաստանի սահմանների երկայնքով խոշորամասշտաբ զորավարժություններ են։ Նախիջևանում ընթացող «Անխախտ եղբայրություն-2021» խորագրով թուրք-ադրբեջանական զորախաղերը վերջին մեկ ամսում այդ երկու երկրի հինգերորդ համատեղ վարժանքն է։ Փաստորեն, Թուրքիայի ցամաքային ուժերը, ադրբեջանական զինուժն ու Նախիջևանի համազորային բանակն արդեն փաստացի հանդես են գալիս որպես մեկ ամբողջություն՝ ընդհանուր հրամանատարությամբ։

Ուղիղ երկու շաբաթ առաջ խորհրդարանում «Հայաստան» և «Պատիվ ունեմ» ընդդիմադիր խմբակցությունները Գորիս-Կապան ճանապարհահատվածում ադրբեջանցիների տեղակայած ոստիկանական պահակետի առնչությամբ պահանջել էին կազմակերպել ստեղծված իրավիճակի փակ քննարկում՝ պատասխանատուների մասնակցությամբ: Երեկ այդ խմբակցությունները հայտարարություն են տարածել՝ նշելով, որ տվյալ հարցի քննարկման համար հրավիրված անվտանգության և պաշտպանության հարցերի մշտական հանձնաժողովի արտահերթ նիստը՝ ԱԱԾ տնօրենի, պաշտպանության և ԱԳ նախարարների, Մարդու իրավունքների պաշտպանի և ՊԵԿ նախագահի մասնակցությամբ, չի կայացել. իշխող խմբակցության պատգամավորները բոյկոտել են նիստը։

Այժմ, փաստորեն, 44-օրյա պատերազմի արդյունքները ամփոփվելով ՝ աշխատանքներն ավարտվում են Երևանի և Բաքվի միջև մեծ հաշտության պայմանագրի նախապատրաստման ուղղությամբ: Այս մասին հոկտեմբերի 6-ին լրագրողների հետ զրույցում ասաց ՀՀԿ ներկայացուցիչ, նախկին պատգամավոր Գագիկ Մինասյանը: Նրա խոսքով՝ շատ կարևոր է, թե ինչ դրույթներ կլինեն, ինչպես կազդեն դրանք ղարաբաղյան հիմնախնդրի կարգավորման վրա:

Մհեր Եղիազարյան անունն այսօր քչերին է ինչ-որ բան ասում։ Լրագրող Մհեր Եղիազարյանը մահացավ 2019-ի հունվարին բանտում՝ նախնական կալանքի տակ՝ 44 օրվա հացադուլի հետևանքով, թեև մահվան պահին նա արդեն դուրս էր եկել հացադուլից։ Նրա մեղավորությունն այդպես էլ չապացուցվեց, ու չնայած վատթարացող առողջական վիճակին՝ դատարանն այդպես էլ չփոխեց խափանման միջոցն ու նրան դատապարտեց դանդաղ մահվան։

Ավագանու հրաժարականի պատճառը «քաղաքական ճգնաժամն» էր Գորիսի քաղաքապետ Առուշ Առուշանյանի, Մեղրիի նախկին քաղաքապետ Մխիթար Զաքարյանի, Սիսիանի նախկին քաղաքապետ Արթուր Սարգսյանի սկանդալային կալանավորումների, ինչպես նաև Քաջարանի քաղաքապետ Մանվել Փարամազյանին, Քարահունջ և Որոտան տարածքային միավորների ղեկավարներին ներկայացված մեղադրանքների խորապատկերին Կապանի մասին միառժամանակ մոռացան:

Նախկին փոխվարչապետ Արմեն Գևորգյանի փաստաբան Լուսինե Սահակյանը դատարանին խնդրեց ժամանակ տալ` գործի նյութերին ծանոթանալու համար: «Ես տաղանդ չունեմ 5 օրում, բայց իրականում` 2 օրում, գործի 82 հատորին ծանոթանալու համար»,- պարզաբանեց փաստաբանը: Ավելի վաղ նա հայտնել էր, որ դատարանից նյութեր էլ. փոստով չի ստացել:

Արտահերթի նախընտրական ամբողջ ժամանակաընթացքում ընդդիմադիր անվանյալ բոլոր 25 ուժերին լրագրողական հանրույթը հարցադրում էր անում՝ ՔՊ-ի հաղթանակի դեպքում հնարավոր համարո՞ւմ են կոալիցիան նրա հետ։ Հանրայնորեն տրված խոստումը և անգամ ընդդիմադիր ուժերի միջև հնարավոր հուշագրի կնքումը, որը չէր բացառվում, ճիշտ է, երկաթյա երաշխիք չէ՝ հաշվի առնելով նախկին քաղաքական փորձառությունը, ամեն դեպքում՝ գոնե բարոյական պարտավորություն էր դնում մասնակից ուժերի վրա՝ հետընտրական պատասխանատու վարք դրսևորելու։

Հայաստանի վարչապետ Նիկոլ Փաշինյանը կիրակի օրը Լիտվայի հայ համայնքի հետ հանդիպման ժամանակ հայտարարել է, որ պատրաստ է հանդիպել Ադրբեջանի նախագահ Իլհամ Ալիևի հետ, հաղորդում է ԱՌԿԱ-ն: «Ադրբեջանի նախագահը հայտարարել է, որ պատրաստ է ինձ հետ հանդիպել։ Ասեմ, որ դեռ հուլիսին եմ հայտարարել, որ մենք պատրաստ ենք և՛ բարձր, և՛ բարձրագույն մակարդակում հանդիպել, այսինքն՝ դա թարգմանաբար նշանակում է, և՛ արտգործնախարարների մակարդակով, և՛ վարչապետ-նախագահ մակարդակով պատրաստ ենք հանդիպել»,- կառավարության ղեկավարին մեջբերել է նրա մամլո քարտուղար Մանե Գևորգյանն իր ֆեյսբուքյան էջում։