Մարինա ԳՐԻԳՈՐՅԱՆ

հոդվածներ 486

«ԳԱ» գլխավոր խմբագրի տեղակալ։

Ժուռնալիստիկայում է 1987 թվականից։ Մասնագիտական հետաքրքրությունները. Ղարաբաղյան հիմնախնդիր, Հայոց Ցեղասպանություն, հակամարտությունների կարգավորում և տարածաշրջանային քաղաքական խնդիրներ։ Աշխատել է հայկական և ռուսական մի շարք ԶԼՄ-ներում, կազմակերպություններում և գերատեսչություններում, եղել է Միջազգային ֆրանսիական ռադիոյի (RFI ) թղթակից։ 1995 թվականին առաջադրվել է ՀՀ ԱԺ պատգամավորության թեկնածու։ Ժուռնալիստական մի քանի մրցանակների դափնեկիր է, 2013 թվականին պարգևատրվել է Լեռնային Ղարաբաղի Հանրապետության «Վաչագան Բարեպաշտ» մեդալով։

1997 թվականից «Ընդդեմ իրավական կամայականության» ՀԿ-ի խորհրդի անդամ է։ 2009 թվականից ղեկավարում է «Սովորական ցեղասպանություն» նախագիծը, որն իրագործվում է ՀՀ նախագահի վարչակազմի Հասարակական կապերի և տեղեկատվության կենտրոնի կողմից և որի շրջանակներում ստեղծվում են փաստագրական ֆիլմեր, ինտերնետ-կայքեր և հրատարակվում են գրքեր, նվիրված ղարաբաղյան հակամարտության տարածաշրջանի 1988-1992թթ. իրադարձություններին։

Հետաքրքրությունները. գրականություն, կինո, ճանապարհորդություններ, թարգմանություններ։ Մոսկվայում հրատարակված դետեկտիվ վեպերի հեղինակ է։ Տիրապետում է հայերեն, ռուսերեն և անգլերեն լեզուներին։

Բոլոր հոդվածները

  • 2024-01-26 17:34
    588
    анализ

    ԱԼԻԵՎԸ ԵՐԿԱՐԱՁԳՈՒՄ Է ԱՐՑԱԽԻ ԱՌԱՋՆՈՐԴՆԵՐԻ ԿԱԼԱՆՔԸ. ՓԱՇԻՆՅԱՆԸ ՆՐԱՆ «ՆՈՐ ՏՎՅԱԼՆԵՐ» Է ՆՎԻՐՈՒՄ ԱԿԱՆԱԴԱՇՏԵՐԻ ՄԱՍԻՆ

    Հիրավի, «աննախադեպ» բառն այլևս չի կարող լիովին բնութագրել գործողությունների այն սինքրոնությունը, որ ցուցաբերում են թուրքական երկու բռնապետական ռեժիմները՝ Հայաստանի և Ադրբեջանի իշխանությունները։ Հերթական ապացույցը դարձան հունվարի 25-ի դեպքերը։ Սկզբում Բաքուն հայտարարեց ապօրինի պահվող արցախցի ութ առաջնորդների կալանքը 4 ամսով երկարաձգելու մասին։ Մի քանի ժամ էլ չէր անցել, երբ Երևանից ուրախ արձագանքեցին. պարզվում է, որ ԱԱԾ-ն հանկարծ նոր տվյալներ է գտել Արցախում ականապատ դաշտերի մասին և պատրաստ է անհապաղ տրամադրել դրանք Ադրբեջանին:

  • 2024-01-25 09:31
    673
    анализ

    ՓԱՇԻՆՅԱՆԻ ՊԱՅՔԱՐԸ ՍՓՅՈՒՌՔԻ ԴԵՄ ՇԱՐՈՒՆԱԿՎՈՒՄ Է. ԹՈՒՅԼ ԿՏԱ՞Ն ԱՐԴՅՈՔ ՀԱՅԱՍՏԱՆ ՄՏՆԵԼ ՓԱՓԱԶՅԱՆԻՆ ԵՎ ԱԲՐԱՀԱՄՅԱՆԻՆ

    Հունվարի 22-ին տեղի ունեցավ բավական նշանակալի իրադարձություն. Հայաստանի Վարչական դատարանը բավարարեց Սփյուռքի երկու ազեցիկ ներկայացուցիչների՝ Մուրադ Փափազյանի և Մասիս Աբրահամյանի հայցերը, պարտավորեցնելով ԱԱԾ-ին հեռացնել նրանց տվյալները Հայաստանի տարածքում անցանկալի հայտարարված օտարերկրացիների տվյալների բանկից։ Հիշեցնենք, որ Փափազյանը ՀՅԴ Բյուրոյի անդամ է, Ֆրանսիայի հայկական կազմակերպությունների համակարգող խորհրդի (CCAF) համանախագահ, Աբրահամյանը Հոլանդիայում Հայդատի գրասենյակի պատասխանատուն է։

  • 2024-01-20 09:28
    758
    анализ

    ՍԻՄՈՆՅԱՆԸ ՇՆՈՐՀԱԿԱՈՒԹՅՈՒՆ Է ՀԱՅՏՆՈՒՄ ՖՐԱՆՍԻԱՅԻ ՍԵՆԱՏԻՆ ՆՐԱ ՀԱՄԱՐ, ԻՆՉ ՉՀԱՄԱՐՁԱԿՎԵՑ ԱՆԵԼ ՀՀ ԱԺ-Ն. ՀԱՅԱՆՊԱՍՏ ԲԱՆԱՁԵՎԻ

    Հունվարի 17-ին Ֆրանսիայի Սենատի ընդունած բանաձևը արդեն թվով երրորդ փաստաթուղթն է Արցախի և Հայաստանի իրավիճակի վերաբերյալ, որ ընդունում է ֆրանսիական պառլամենտի վերին պալատը 44-օրյա պատերազմից երեք տարուց քիչ ավելի ժամանակահատվածում։ Այո, ինչպեսև նախորդ բանաձևերը, այն կրում է խորհրդատվական բնույթ և ավելի շուտ բարոյական նշանակություն ունի։ Այո, այդ երկրի գործադիր իշխանությունը դժվար թե դիմի Բաքվի դեմ պատժամիջոցների կիրառման։ Միաժամանակ արժե ընդգծել, որ փաստաթղթի գործնականում բոլոր դրույթները այս կամ այն ձևով բազմիցս հնչել են Ֆրանսիայի կառավարության ներկայացուցիչների, այդ թվում՝ արդեն նախկին արտգործնախարար Կատրին Կոլոնի ելույթներում։

  • 2024-01-18 09:06
    713
    анализ

    ՀԱՅԵՐԻ ՑԵՂԱՍՊԱՆՈՒԹՅՈՒՆԸ ԲԱՔՎՈՒՄ ԵՎ ԱՐՑԱԽՆ ԱՌԱՆՑ ՀԱՅԵՐԻ. ՏԱՐԱԾՔԻ ԶԱՎԹՈՒՄ ԵՎ ԱՆՊԱՏԻԺ ՀԱՆՑԱԳՈՐԾՈՒԹՅՈՒՆՆԵՐ

    Բաքվում հայերի ցեղասպանության 34-րդ տարելիցն առանձնահատուկ է. իր բազմադարյա պատմության մեջ առաջին անգամ հայկական Արցախը մնաց առանց հայերի։ Կարելի է ներկայացնել տասնյակ և հարյուրավոր փաստեր, վկայություններ, մեջբերումներ, գնահատականներ, հայտարարություններ և զեկույցներ այն մասին, թե ինչ էր կատարվում Բաքվում 1988թ. հունվարի 13-20-ին, և գործնականում դրանցից յուրաքանչյուրը կաթվածահար կանի ցանկացած նորմալ մարդու երևակայությունը իրադարձությունների բացարձակ աննորմալությամբ։ Կարելի պարզապես փաստել. 1988-1992 թթ. նախկին Ադրբեջանական ԽՍՀ-ից բռնի տեղահանվել է ավելի քան 500 հազար հայ։ Իսկ կարելի է մեջբերել ընդամենը մեկ նախադասություն, որ իր օրագրում գրի է առել ռուս պոետ Դավիդ Սամոյլովը 1990 թվականի հունվարի 18-ին. «Ցնցում է Ադրբեջանի վայրենությունը»։

  • 2024-01-16 09:26
    526
    анализ

    ԳԵՐԵՎԱՐՈՒՄԸ ՈՐՊԵՍ ՑԵՂԱՍՊԱՆՈՒԹՅԱՆ ԳԱԳԱԹՆԱԿԵՏ. ԻՆՉՈ՞Ւ ԴԱԴԱՐԵՑՎԵՑ ՏԻԳՐԱՆԱԿԵՐՏԻՆ ՄԵՐՁԱԿԱ ՀԱՄԱԿԵՆՏՐՈՆԱՑՄԱՆ ՃԱՄԲԱՐԻ ՇԻՆԱՐԱՐՈՒԹՅՈՒՆԸ

    «Հայերի մտավախությունները Լեռնային Ղարաբաղում համակենտրոնացման ճամբարի վերաբերյալ, հնարավոր է, արդարացված էին». Այսպիսի վերնագրով ամերիկյան New Lines Magazine պարբերականը հունվարի 12-ին հանդես եկավ հոդվածով, որը լայն արձագանք հարուցեց։ Եվ դա հասկանալի է. խոսակցություններն այն մասին, որ ադրբեջանցիները արցախահայերի համար բանտ են կառուցում, վաղուց էին շրջանառվում մամուլում, բայց առաջին անգամ այդ լուրերը հաստատվեցին լրագրողական հետաքննությամբ՝ հիմնված օբյեկտների ճանաչման տեսության կիրառմամբ արբանյակային լուսանկարների վրա։

  • 2024-01-13 09:15
    757
    анализ

    «ԿՈՎԵՐՈՒ ՊԱՐՏԵԶԸ» ԵՎ ՀՈՒՇԱՐՁԱՆԸ ՔՅՈԼՆՈՒՄ. ԻՆՉՈ՞Վ ԵՆ ՊԱՐԾԵՆՈՒՄ ՄԻՐԶՈՅԱՆՆ ՈՒ ՍԻՆԱՆՅԱՆԸ

    Տարեվերջին ԶԼՄ-ներում տեղեկություն տարածվեց, թե իբր՝ գերմանական Քյոլնում ապամոնտաժվել է Հայոց ցեղասպանության զոհերի հիշատակին նվիրված «Այս ցավը բոլորինս է» անվանումով հուշարձանը: Գերմանական Welt լրատվական գործակալության հրապարակման վկայակոչումով հավաստիացվում էր, որ այն ապամոնտաժել է քաղաքապետարանը՝ թուրք ազգայնականների ճնշման տակ։ Այնուհետ, սակայն, պարզվեց, որ խոսքը հուշարձանի ոչ թե ապամոնտաժման, այլ հետագայում այն հեռացնելու քաղաքապետարանի վերջնական որոշման մասին է։

  • 2024-01-10 09:10
    775
    анализ

    ԻՆՉՈ՞Ւ ԵՆ ԹԻՐԱԽԱՎՈՐԵԼ ՄԻՔԱՅԵԼ ԲԱԴԱԼՅԱՆԻՆ ԵՎ ԻՆՉՈ՞Ւ Է ԼՌՈՒՄ «ԳԵՂԱՐԴ» ՀԻՄՆԱԴՐԱՄԻ ՂԵԿԱՎԱՐՈՒԹՅՈՒՆԸ

    Սկսված տարվա առաջին օրերին բռնկվեց հերթական սկանդալը՝ կապված Երևանի նկատմամբ ադրբեջանական ոտնձգությունների և «արևմտյան ադրբեջան» տխրահռչակ նախագծի «առաջմղման» հետ։ Մասնավորապես, խոսքը Բաքվի նույն CBC հեռուստաալիքի նոր ֆիլմի մասին է, որն արդեն որերորդ անգամ բառացիորեն պայթում է ինքնագոհությունից՝ իր հանրությանը մատուցելով հերթական «նկարահանումները Երևանում»։ Այս անգամ սկանդալը կապված էր հայ ազնիվ և պարկեշտ գիտնականներից մեկի՝«Էրեբունի» պատմահնագիտական արգելոց-թանգարանի տնօրեն Միքայել Բադալյանի անվան հետ:

  • 2023-12-29 10:39
    1926
    анализ

    ԱՌԱՆՑ ԱՐՑԱԽԻ ԵՎ ԱՌԱՆՑ ՊԱՏՐԱՆՔՆԵՐԻ՝ ՀԱՅԱՍՏԱՆՈՎ, ՈՐԻՆ ԱՆՀՆԱՐ Է ԴԱՎԱՃԱՆԵԼ

    ...Հիշո՞ւմ եք, թե ինչ անհամբերությամբ էինք սպասում, որ ավարտվեր այն սարսափելի 2020 թվականը։ Ինչպես էին հավատում, թե հայոց հողում բուն դրած մղձավանջն ու դժոխքը կարող են ավարտվել տարենիշի չորս թվերից մեկի փոփոխությամբ, թե նորը՝ 2021-ը, կբերի ցանկալի փոփոխություններ, վերածնված հույսեր ու լույս թունելի վերջում։ Հավատում էինք, քանզի լրիվ ուրիշ էինք՝ դեռևս պահպանած մեր ինքնությունը, գլխահակ, բայց չկոտրված, թուլացած, բայց չհանձնված։ Եվ այդ ժամանակ մենք դեռ Արցախ ունեինք, թեկուզ նրա մի փոքրիկ կտորը, բայց ունեինք…

  • 2023-12-26 09:22
    478
    анализ

    ԳՐԵԹԵ 500 ԶՈՀ ԵՎ ԴԱՎԱՃԱՆՎԱԾ ԱՐՑԱԽ. ԻՆՉՈ՞Ւ ՍԳԱԼ, ԵՐԲ ԿԱ ՀՐԱՎԱՌՈՒԹՅՈՒՆ ԵՎ ԱՆՍԱՆՁ ԽՐԱԽՃԱՆՔ

    Դեկտեմբերի 21-ին Պրահայի համալսարաններից մեկում հրաձգության հետևանքով զոհվեց 15 մարդ, վիրավորվեց 25-ը։ Հաջորդ օրը Չեխիայի կառավարությունը սուգ հայտարարեց ողջ երկրում։ Եվ դա իշխանությունների միանգամայն բնական արձագանքն է սեփական քաղաքացիների՝ իրենց հարազատներին կորցրած մեկուկես տասնյակ ընտանիքների ողբերգությանը, որոնց ցավը համազգային ցավ ու վիշտ է։

  • 2023-12-22 17:26
    648
    анализ

    ԶԱԽԱՐՈՎԱՆ ԵՎ ՇՈՅԳՈՒՆ «ՓՈՓՈԽՎՈՂ ԱՇԽԱՐՀՈՒՄ». Ո՞ՒՄ ՀԱՄԱՐ ԵՆ ԽԱՂԱՂՈՒԹՅՈՒՆ ՊԱՀՊԱՆՈՒՄ ԽԱՂԱՂԱՊԱՀՆԵՐՆ ԱՐՑԱԽՈՒՄ

    Հոկտեմբերի 12-ին Ռուսաստանի արտգործնախարար Սերգեյ Լավրովը հայտարարեց, որ Հայաստանում հակառուսական տրամադրությունների բորբոքումը տեղի է ունենում արհեստականորեն: Եվ դրանում մեղադրեց հասարակական կազմակերպություններին, որոնք նպատակադրված են «հող ստեղծել հակառուսական տրամադրությունների համար և նախապատրաստել ԱՄՆ-ի, Եվրամիության ու ՆԱՏՕ-ի շահերի առաջմղումը»։ Միևնույն ժամանակ Լավրովը համոզված է, որ «հայ ժողովուրդն իր ճնշող մեծամասնությամբ շահագրգռված է Ռուսաստանի հետ ավանդական, պատմականորեն եղբայրական կապերի զարգացման հարցում»: