ՀՀ վարչապետ Նիկոլ Փաշինյանը վերջապես հասկացել է, որ ինքն ու իր թիմը չեն կարող ապահովել Հայաստանի անվտանգությունը։ Sputnik Արմենիայի հետ զրույցում նման կարծիք է հայտնել քաղաքագետ, Սթենֆորդի համալսարանի պրոֆեսոր Արթուր Խաչիկյանը` մեկնաբանելով ՀՀ վարչապետի` Գերմանիայում հայ համայնքի հետ հանդիպմանը հնչեցրած հայտարարությունը։

Դատելով ամենից, Ադրբեջանի զինված ուժերի կիրակնօրյա սադրանքը Իլհամ Ալիևի այդպիսի բնորոշ «պատասխանն» էր Փաշինյանի Գերմանիա կատարած այցին, որտեղ կանցլեր Շոլցը խոսեց ժողովուրդների ինքնորոշման՝ որպես միջազգային իրավունքի հիմնարար կանխադրույթի մասին, տարածքային ամբողջականության սկզբունքին հավասարազոր։ Դրանով իսկ փաստացի հերքելով Փաշինյանի այն հայտնի թեզը, թե միջազգային հանրությունը, իբր, պահանջում է իջեցնել Արցախի վերաբերյալ հայկական կողմի պահանջների նշաձողը։ Դրա համար էլ ինքը՝ Փաշինյանը, երբեք չի խոսում Արցախի ինքնորոշման մասին, այլ միայն՝ Լեռնային Ղարաբաղի ժողովրդի իրավունքների և անվտանգության։ «Իջեցնում է նշաձողը»՝ հաճոյանալով միջազգային հանրությանը…

2022 թվականի դեկտեմբերի 12-ին Ադրբեջանը շրջափակել է Արցախի հայերին․ այն կոչվում է նաև Լեռնային Ղարաբաղ։ 120 հազար հայ բնակիչ զրկված է սննդից, դեղորայքից, վառելիքից և այլ կենսական պաշարներից, որոնք սովորաբար անցնում են Լաչինի միջանցքով, որը հայերին արտաքին աշխարհի հետ կապող միակ ցամաքային ճանապարհն է: Իրավիճակն օրեցօր վատանում է։ Այս մասին Telegram & Gazette-ի ամերիկյան պարբերականի էջերում գրում է հայազգի ամերիկացի քահանա, Չարլթոնի դաշնային եկեղեցու հոգևոր հովիվ Գարի Շահինյանը։

Արցախի Հանրապետության նախկին պետնախարար Արտակ Բեգլարյանն իր թվիթերյան միկրոբլոգում մեկնաբանել է մարտի 5-ին ադրբեջանական դիվերսիային Հարավային Կովկասում Եվրամիության հատուկ ներկայացուցիչ Տոյվո Կլաարի տված արձագանքը՝ իր անվստահությունը հայտնելով Հարավային Կովկասում ԵՄ հատուկ ներկայացուցչի հանդեպ։

Միջազգային հանրությունը գործ ունի հանցավոր վարչախմբի և միջագային իրավունքը լկտիաբար անտեսող և հեղինակազրկող սուբյեկտի հետ, որին համոզելու միակ ճանապարհը զսպիչ և պատժիչ միջոցառումների իրականացումն է: Այս մասին ասվում է Արցախի ՄԻՊ Գեղամ Ստեփանյանի տարածած հայտարարությունում այսօր տեղի ունեցած դիվերսիոն ներթափանցման վերաբերյալ:

Ադրբեջանական վերջին օրերի սադրանքների գլխավոր նպատակը Արցախի հետ տարաբնույթ բանակցությունների համատեքստում ճնշումների ապահովումն է: Այս մասին ֆեյսբուքյան իր էջում գրել է «Պատիվ ունեմ» խմբակցության քարտուղար Տիգրան Աբրահամյանը։ Նա, մասնավորապես, գրել է.

ՀՀԿ փոխնախագահ, պաշտպանության նախկին փոխնախարար Արտակ Զաքարյանը գրում է.

Մինսկի խմբի համանախագահող երկրների դեսպանությունները, ինչպես նաև Հայաստանում Եվրամիության պատվիրակությունը «սումգայիթի» 35-րդ տարելիցի կապակցությամբ հանդես են եկել հայտարարություններով։ Ըստ էության, դրանք հայտարարություններ անվանելը դժվար է. այնպես, մեկ-երկու նախադասություն, բայց ինչևէ, այդպիսիք հնչեցին։ Եվ ամեն դեպքում սա աննախադեպ փաստ է. չեմ հիշում, որ վերջին տարիներին նման բան եղած լինի, թերևս միայն ամերիկացիներն են երբեմն այդպիսի մի բան հայտարարել։ Թվում է, թե լավ երևույթ է, որի համար պետք է շնորհակալ լինել, բայց... Չի լքում սրբության պղծման, ցինիկ հաշվենկատության և ցավակցությունների ցուցադրական ձևականության զգացողությունը։

Գերմանիայի կանցլեր Օլաֆ Շոլցը մարտի 2-ին Բեռլինում Հայաստանի վարչապետ Նիկոլ Փաշինյանի հետ համատեղ ճեպազրույցի ժամանակ մի տիպիկ դիվանագիտական ​​հնարք է կիրառել՝ ո՛չ մերը, ո՛չ էլ ձերը՝ ոչ մեկին չվիրավորելու համար։ Այս մասին News.am-ի թղթակցի հետ զրույցում ասաց գերմանացի քաղաքագետ Ալեքսանդր Ռահրը։